ជាតិ
សម្តេច ហ៊ុន សែន ហួសចិត្តចំពោះការវិភាគថា ផ្តាច់ភ្លើងដើម្បីយកលេសធ្វើវារីអគ្គិសនី
× នាពិធីសម្ពោធដាក់ឱ្យដំណើរការជាផ្លូវការនូវប្រព័ន្ធផ្គត់ផ្គង់ទឹកស្អាតខេត្តកំពត សាងសង់ឡើងក្រោមជំនួយរបស់រដ្ឋាភិបាលជប៉ុននៅព្រឹកថ្ងៃអង្គារនេះ សម្តេចនាយករដ្ឋមន្ត្រី ហ៊ុន សែន បានសំដែងការហួសចិត្តចំពោះអ្នកវិភាគដែលថា រដ្ឋាភិបាលផ្តាច់ភ្លើងដើម្បីយកលេសធ្វើវារីអគ្គិសនី។
«កុំមើល ហ៊ុន សែន ដោយក្រសែភ្នែកអាក្រក់»។ នេះជាការលើកឡើងរបស់ប្រមុខរដ្ឋាភិបាល នៅពេលប្រតិកម្មទៅនឹងអ្នកវិភាគ ដែលភ្ជាប់បញ្ហាអគ្គិសនីនាពេលបច្ចុប្បន្ន ថាជាល្បិចក្នុងការធ្វើវារីអគ្គិសនី។
ក្រៅពីពន្យល់ហេតុផលផ្សេង សម្តេចបានអះអាងថា គ្មានកន្លែងធ្វើវារីអគ្គិសនីទៀតនោះឡើយ។ សម្រាប់អារ៉ែង ដែលជាតំបន់អេកូទេសចរណ៍ សម្តេចមិនអនុញ្ញាតឲ្យធ្វើវារីអគ្គិសនីនោះឡើយ។ សម្តេចចំអកថា៖ «អ្នកណាវិភាគអ៊ីចឹង គួរតែកាត់ភ្លើងពីផ្ទះចេញ»។ សម្តេចថា មិនមែនជាការរើសអើងទេ ប៉ុន្តែមកពីការវិភាគរើសអើង។
© រក្សាសិទ្ធិដោយ thmeythmey.com