ជាតិ
នយោបាយជាតិ
សម្តេច ស ខេង នឹងទៅកូរ៉េខាងត្បូង ដើម្បីឈ្វេងយល់ពីរបៀបគ្រប់គ្រងសន្តិសុខ និងប្រឆាំងភេវកម្ម ជំនួបរវាងសម្តេច ស ខេង និង OH Nak-young ឯកអគ្គរដ្ឋទូតសាធារណរដ្ឋកូរ៉េប្រចាំនៅកម្ពុជា កាលពីថ្ងៃទី២ ខែមេសា ឆ្នាំ២០១៩។ រូបពីក្រសួងមហាផ្ទៃ
× សម្តេច ស ខេង រដ្ឋមន្ត្រីក្រសួងមហាផ្ទៃ នឹងទៅបំពេញទស្សនកិច្ចនៅកូរ៉េខាងត្បូង នាពេលខាងមុខឆាប់ៗនេះ។ នេះបើតាមការចុះផ្សាយរបស់ក្រសួងមហាផ្ទៃ។
លោក ផាត សុផានិត អ្នកនាំពាក្យក្រសួងមហាផ្ទៃ អះអាងថា បំណងនៃការបំពេញទស្សនកិច្ចរបស់សម្តេច ស ខេង នៅកូរ៉េខាងត្បូង គឺដើម្បីឈ្វេងយល់ពីការងារថែរក្សាសន្តិសុខ និងការងារគ្រប់គ្រង់សណ្តាប់ធ្នាប់ ជាពិសេសឈ្វេងយល់ពីការងារធំៗមួយចំនួន ដូចជា ការប្រយុទ្ធប្រឆាំងភេរវកម្ម ឧក្រិដ្ឋកម្មឆ្លងដែន ការគ្រប់គ្រងសុវត្ថិភាពចរាចរណ៍ ការប្រយុទ្ធប្រឆាំងនឹងបទល្មើសគ្រឿងញៀន និង ការស្តារនីតិសម្បទាគ្រឿងញៀនជាដើម។
លើសពីនេះ ការបំពេញទស្សនកិច្ចរបស់សម្តេច ក៏មានបំណងឈ្វេងយល់ពីដំណើរការគ្រប់គ្រង កំណែទម្រង់រដ្ឋបាលថ្នាក់ក្រោមជាតិរបស់កូរ៉េខាងត្បូងផងដែរ។ នេះបើតាមលោក ផាត សុផានិតដដែល៕
© រក្សាសិទ្ធិដោយ thmeythmey.com