អត្ថបទពាណិជ្ជកម្ម
PassApp សហការជាមួយកាកបាទក្រហមកម្ពុជា បើកយុទ្ធនាការផ្សព្វផ្សាយសារសុវត្តិភាពចរាចរណ៍ នៅតាមទីប្រជុំជនក្នុងក្រុងភ្នំពេញ
×![]()
ដោយ: ថ្មីៗ
នៅថ្ងៃទី ១០ ខែ មេសាស្អែកនេះ ក្រុមហ៊ុន PassApp សហការជាមួយនឹងកាកបាទក្រហមកម្ពុជា ចាប់ផ្តើមយុទ្ធនាការផ្សព្វផ្សាយអំពីសារសុវត្តិភាពចររាចរណ៍ តាមទីប្រជុំជនសំខាន់ៗ ក្នុងរាជធានីភ្នំពេញ។ គោលបំណងនៃយុទ្ធនាការ ដែលធ្វើឡើងនាមុនពិធីបុណ្យចូលឆ្នាំប្រពៃណីខ្មែរឈានចូលមកដល់នេះ គឺដើម្បីដាស់តឿន និងជំរុញឲ្យប្រជាពលរដ្ឋចូលរួមគោរពច្បាប់ចររាចរណ៍ ដើម្បីសុវត្ថិភាពក្នុងពេលធ្វើដំណើរទៅជួបជុំក្រុមគ្រួសារនៅស្រុកកំណើតក្នុងឱកាសបុណ្យចូលឆ្នាំនេះ។
បើតាមក្រុមហ៊ុន PassApp មានគោលដៅសំខាន់ៗចំនួន ៤ ដែលក្រុមហ៊ុននឹងធ្វើយុទ្ធនាការផ្សព្វផ្សាយសារសុវត្តិភាពចរាចរណ៍នេះ គឺ១) រង្វង់មូលចោមចៅ ចំណុចប្រសព្វទីប្រជុំជនផ្សារជម្ពូវន្ត (ខណ្ឌពោធ៍សែនជ័យ)។ គោលដៅទី២ គឺរង្វង់មូលព្រហ្មមុខបួន ចំណុចប្រសព្វស្ពានជ្រោយចង្វារត្រើយកើត (ខណ្ឌជ្រោយចង្វារ)។ គោលដៅទី៣គឺ ស្ពានព្រះមុនីវង្ស ចំណុចប្រសព្វផ្សារច្បារអំពៅ (ខណ្ឌច្បារអំពៅ) ។ និងគោលដៅទី៤ គឺនៅរង្វង់មូលកួរស្រូវ និងចំណុចប្រសព្វស្ពានដែកចម្ការដូង(ខណ្ឌដង្កោ)។
យុទ្ធនាការនេះ ចាប់ផ្តើមដោយការជួបជុំបណ្តាញអ្នករត់កង់បី និងយុវជន នៅស្នាក់ការកាកបាទក្រហមកម្ពុជា ការថ្លែងចំណាប់ពីតំណាងក្រុមហ៊ុន PassApp និងការណែនាំពីថ្នាក់ដឹកនាំកាកបាទក្រហមកម្ពុជា មុននឹងបែងចែកក្រុម ទៅ តាមគោលដៅនីមួយៗដែលបានកំណត់។ នេះបើតាមក្រុមហ៊ុនPassApp។
យុទ្ធនាការនេះ ក៏បង្ហាញឲ្យឃើញផងដែរថា ជានិច្ចកាលក្រុមហ៊ុនដឹកអ្នកដំណើរ PassApp តែងតែយកចិត្តទុកដាក់ និងជំរុញដៃគូដេលជាអ្នកបើកបររបស់ខ្លួនទាំងអស់ចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន ដើម្បីកាត់បន្ថយការកកស្ទះចរាចរណ៍ និងទប់ស្កាត់គ្រោះថ្នាក់ចរាចរណ៍ផ្សេងៗ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
