«ទោះបីជាមានរឿងអ្វីក៏ដោយ ផ្ទះគឺជាកំពង់ផែដែលរង់ចាំអ្នកជានិច្ច» វីដេអូអប់រំខ្លី ដែលធ្វើឲ្យអ្នកមិននឹកផ្ទះមិនបាន

អត្ថបទពាណិជ្ជកម្ម

«ទោះបីជាមានរឿងអ្វីក៏ដោយ ផ្ទះគឺជាកំពង់ផែដែលរង់ចាំអ្នកជានិច្ច» វីដេអូអប់រំខ្លី ដែលធ្វើឲ្យអ្នកមិននឹកផ្ទះមិនបាន

11, Apr 2019 , 10:39 am

រូបភាព

ដោយ: ថ្មីៗ

កាលពីម្សិលមិញ មានវីដេអូខ្លី បែបអប់រំមួយដែលបានបង្ហោះនៅលើ Page ផ្លូវការរបស់ក្រុមហ៊ុនទូរស័ព្ទមួយ ក្នុងប្រទេសកម្ពុជាត្រូវបានគេចែកចាយ (Shared) និង (View) យ៉ាងច្រើនកុះករត្រឹមតែរយៈពេលមួយថ្ងៃប៉ុណ្ណោះ។ ស្របពេលជាមួយគ្នានោះដែរ ក៏មានក្រុមយុវវ័យខ្លះបាននាំគ្នាចែកចាយបន្តនូវវីដេអូខ្លីនេះ ដើម្បីបង្ហាញពីអារម្មណ៍ពិតរបស់ពួកគេទៅលើស្ថានភាពពិតប្រាកដ ដែលពួកគេបានជួបប្រទះនាពេលកន្លងមក។ វីដេអូខ្លីនោះ វាមានអត្ថន័យអប់រំល្អប្រសើរ ចំពោះអ្នកដែលបានចាកចេញពីស្រុកកំណើត មកធ្វើការនៅរាជធានីភ្នំពេញ ដោយពេលខ្លះ ពួកគេសឹងតែគ្មានពេលទៅលេងស្រុកកំណើតរបស់ពួកគេឡើយ។ សំណួរសួរថាហេតុអ្វីបានជាយើង ម្នាក់ៗតែងតែនឹកផ្ទះពេលជិតចូលឆ្នាំថ្មីម្តងៗ?

ជាការពិតណាស់ សម្រាប់អ្នកដែលចាកចេញពីស្រុកកំណើត មកធ្វើការងារ ឬ ប្រកបមុខរបរផ្សេងៗនៅទីក្រុង ភាគច្រើនបានចំណាយពេលសឹងតែមួយឆ្នាំជាមួយការងារ ដោយឃ្លាតឆ្ងាយពីឳពុកម្តាយ ឃ្លាតឆ្ងាយពីបងប្អូន ឃ្លាតឆ្ងាយពីអ្នកភូមិផងរបងជាមួយ ដើម្បីតម្រូវការជីវភាព និង ពង្រីកជំនាញ ចំណេះដឹងរបស់ពួកគេបន្ថែមទៀត រហូតដល់ពេលខ្លះពួកគេភ្លេចថាមានអ្នកផ្ទះ ភ្លេចទៅផ្ទះជួបជុំគ្រួសារក៏មានដែរ។ ជាការពិតណាស់ចូលឆ្នាំថ្មីប្រពៃណីជាតិខ្មែរ គឺជាពិធីជួបជុំដ៏ធំមួយសម្រាប់ប្រជាពលរដ្ឋខ្មែរ ដូច្នេះវីដេអូនេះ គឺជាការជំរុញដល់មនុស្សគ្រប់គ្នា ត្រូវតែឆ្លៀតពេលវេលាដើម្បីទៅផ្ទះនៅឯស្រុកកំណើត ដើម្បីជួបមុខអ្នកមានគុណ ដែលជាព្រះរស់របស់យើងទាំងអស់គ្នា ហើយបរិភោគអាហារឆ្ងាញ់ៗរួមគ្នា ដែលវាគឺជារឿងដ៏សំខាន់បំផុតមិនអាចរំលងបាន។

សារអប់រំដ៏មានសារៈសំខាន់មួយទៀត ដែលធ្វើឲ្យកក្រើកខ្លាំងក្នុងវីដេអូខ្លីនេះ គឺពាក្យមួយឃ្លាដែលសរសរខាងក្រោម Screen ទូរស័ព្ទ F11 Pro ថា «ទោះបីជាមានរឿងអ្វីក៏ដោយ ផ្ទះគឺជាកំពង់ផែដែលរង់ចាំអ្នកជានិច្ច» ដែលពាក្យមួយឃ្លានេះ ហាក់បីដូចជាសារដាស់តឿនដល់មនុស្សគ្រប់គ្នាទាំងអស់ មិនថាអ្នកបានជួបហេតុការណ៍អាក្រក់ប៉ុណ្ណា បាក់ទឹកចិត្តកម្រិតណាក៏ដោយ ក៏អ្នកផ្ទះរបស់អ្នកមិនដែលបោះបង់អ្នកចោលទេ។ ពួកគេនឹងនៅចាំលើកទឹកចិត្តអ្នកជានិច្ច នៅឯស្រុកកំណើតរបស់អ្នក ហើយមិនថាមានរឿងអ្វីកើតឡើងទេ ផ្ទះរបស់អ្នក ប្រៀបដូចជាកំពង់ផែ ដែលឈប់នឹងថ្កល់រង់ចាំទទួលអ្នកដោយក្តីរីករាយបំផុត ។ ទាំងអស់នេះក៏ជាការដាស់តឿនមួយ សម្រាប់រំលឹកដល់យុវវ័យទាំងអស់ ដែលភាគច្រើនពួកគេតែងតែគិតខ្លី បោះបង់នូវការតស៊ូខ្លួនឯងដើម្បីអ្នកផ្ទះ រួចជ្រើសរើសវិធីសម្លាប់ខ្លួន ដើម្បីដោះស្រាយបញ្ហាតាមមធ្យោបាយផ្សេងៗ ព្រោះតែសម្ពាធការងារ សម្ពាធនៃការសិក្សា ឬ បញ្ហាស្នេហាក្តី មិនមែនជារឿងត្រឹមត្រូវនោះទេ។