ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ជាតិស័ង្កសីមានតួនាទីសំខាន់ណាស់ចំពោះប្រព័ន្ធភាពស៊ាំ តាមរយៈជួយឈាមឲ្យឆាប់កកនៅពេលមានរបួស ព្រមទាំងជួយសម្រួលដល់ជាតិស្ករក្នុងឈាមថែមទៀតផង។ ថ្វីបើជាតិរ៉ែមួយនេះសំខាន់សម្រាប់សុខភាពទូទៅមែនក៏ដោយ តែយើងគ្រាន់តែត្រូវការវាក្នុងចំនួនតិចតួចទេ។ ឧទាហរណ៍ ស្ត្រីអាយុចាប់ពី ១៩ឆ្នាំឡើងទៅ ត្រូវការតែ ៨មីលីក្រាមប៉ុណ្ណោះជារៀងរាល់ថ្ងៃ ខណៈពេលដែលស្ត្រីមានផ្ទៃពោះត្រូវការ ១១មីលីក្រាម។ 
យ៉ាងណាមិញ ប្រភពជាតិស័ង្កសីដែលសម្បូរជាងគេមានដូចជា៖
យ៉ាងណាមិញ ប្រភពជាតិស័ង្កសីដែលសម្បូរជាងគេមានដូចជា៖
គ្រាប់ល្ពៅ
ការញ៉ាំគ្រាប់ល្ពៅនឹងជួយការពារអ្នកពីជំងឺមហារីកក្រពេញប្រូស្តាត និងជួយពង្រឹងដល់ប្រព័ន្ធភាពស៊ាំផងដែរ។ គ្រាប់ល្ពៅ១០០ក្រាមមានជាតិស័ង្កសី ១០.៣មីលីក្រាមទៅហើយ។ ការញ៉ាំគ្រាប់ល្ពៅទាំងឆៅអាចទទួលបានប្រយោជន៍ច្រើនជាងលីង។
អយស្ទើ
អាហារសមុទ្រមួយនេះជាប្រភពដ៏ល្អបំផុតនៃជាតិស័ង្កសី ដោយអយស្ទើ ៨៥ក្រាមមាន ស័ង្កសី ៣២មីលីក្រាមទៅហើយ។ ថ្វីបើការញ៉ាំអយស្ទើអាចជារឿងល្អមែន តែយកល្អគួរតែញ៉ាំវាត្រឹមកម្រិតមធ្យមបានហើយ។
សូកូឡាពណ៌ខ្មៅ
សូកូឡាខ្មៅត្រូវបានគេរកឃើញថាមានចំនួនជាតិស័ង្កសីច្រើនដែរ។ ការញ៉ាំសូកូឡាខ្មៅ ១០០ក្រាម អាចផ្តល់ជាតិស័ង្កសីបាន ៩.៦មីលីក្រាមទៅហើយ។ បើសិនជាអ្នកកំពុងតែរកមើលការញ៉ាំបង្អែម យកល្អគួរតែជ្រើសរើសការញ៉ាំសូកូឡាខ្មៅទៅ។
ផ្សិត
នៅពេលនិយាយអំពីការញ៉ាំបន្លែ អាហារដ៏ពិសេសមួយដែលអ្នកគួរតែបញ្ចូលក្នុងរបបអាហារដែរនោះគឺ ផ្សិត ដោយសារតែវាសម្បូរទៅដោយជាតិស័ង្កសី។ ការញ៉ាំផ្សិតសឆ្អិន ២២៦ក្រាម អាចផ្តល់ជាតិស័ង្កសីបាន ១.៤មីលីក្រាមហើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
