អន្តរជាតិ
លោកប្រធានាធិបតីឥណ្ឌូណេស៊ី ចូកូ វីដូដូ
×![]()
ដោយ៖ ធៀន ភារិន្ទ
ប្រធានាធីបតីឥណ្ឌូណេស៊ី ចូកូ វីដូដូ បានរិះគន់ថា ក្រុមហ៊ុនអគ្គិសនីរដ្ឋ PT Perusahaan Listrik Negara (PLN) គួរតែមានវិធានការទុកជាមុន ក្នុងការទប់ស្កាត់ការដាច់ភ្លើងដ៏ធំ ដែលអាចធ្វើឲ្យប៉ះពាល់ ដល់រដ្ឋធានី និងខេត្តនៅជិតតំបន់នោះ។ ការស្តីបន្ទោសនេះ កើតឡើងក្រោយពីមានការដាច់ភ្លើង កាលពីថ្ងៃអាទិត្យ ទី៤ សីហា ដែលធ្វើឲ្យប៉ះពាល់ប្រជាជន ច្រើនជាង 100 លាននាក់។
«រឿងដែលអាចបង្កជាបញ្ហាធំដូចនេះ មិនគួរកើតឡើងម្តងទៀតទេ នៅថ្ងៃអនាគត»។ នេះបើតាមអ្វីដែលលោកប្រធានាធីបតី បានប្រាប់ទៅកាន់ក្រុមអ្នកគ្រប់គ្រង នៅថ្ងៃទី៥ សីហា អំឡុងពេលលោកធ្វើទស្សនកិច្ច នៅទីស្នាក់ការកណ្តាលក្រុមហ៊ុម PLN។ មេដឹកនាំរូបនេះ បានបញ្ជាក់ទៀតថា រឿងដែលសំខាន់បំផុតនោះគឺត្រូវមានការជួសជុលជាបន្ទាន់។
«រឿងដែលអាចបង្កជាបញ្ហាធំដូចនេះ មិនគួរកើតឡើងម្តងទៀតទេ នៅថ្ងៃអនាគត»។ នេះបើតាមអ្វីដែលលោកប្រធានាធីបតី បានប្រាប់ទៅកាន់ក្រុមអ្នកគ្រប់គ្រង នៅថ្ងៃទី៥ សីហា អំឡុងពេលលោកធ្វើទស្សនកិច្ច នៅទីស្នាក់ការកណ្តាលក្រុមហ៊ុម PLN។ មេដឹកនាំរូបនេះ បានបញ្ជាក់ទៀតថា រឿងដែលសំខាន់បំផុតនោះគឺត្រូវមានការជួសជុលជាបន្ទាន់។
តាមការចុះផ្សាយរបស់ទីភ្នាក់ងារព័ត៌មាន Reuters ក្រុមហ៊ុនអគ្គិសនីរដ្ឋឥណ្ឌូណេស៊ី PLN គូសបញ្ជាក់ថា អគ្គិសនីត្រូវបានកាត់ផ្តាច់ ដោយសារបញ្ហាបច្ចេកទេស ដែលធ្វើឲ្យការផ្គត់ផ្គង់អគ្គិសនីរបស់រោចក្រថាមពលទៅផ្នែកភាគខាងលិច នៃកោះជ្វារ មិនអាចភ្ជាប់បាន។
ក្រោយផ្ទុះហេតុការណ៍នេះ នាយកប្រតិបត្តិស្តីទី នៃក្រុមហ៊ុន PLN លោកស្រី Sripeni Inten Cahyai បានចេញមុខសុំទោសជាសាធារណៈ ចំពោះការដាច់ភ្លើង ហើយសន្យាថា នឹងមានការដាច់ភ្លើងកាន់តែតិចជាងមុន រហូតដល់ស្ថានីយថាមពលធំ ត្រូវបានតភ្ជាប់។ លោកស្រី ថា ក្រុមហ៊ុន កំពុងបើកការស៊ើបអង្កេត ជុំវិញមូលហេតុនៃបញ្ហាដាច់ភ្លើងទ្រង់ទ្រាយធំនេះ ដោយសង្កត់ធ្ងន់ថា នេះជាបញ្ហាបច្ចេកទេសទាំងស្រុង។
សូមបញ្ជាក់ថា ហ្សាការតា គឺជារដ្ឋធានីនៃប្រទេសឥណ្ឌូណេស៊ី ហើយជាមជ្ឍមណ្ឌលនយោបាយ និងសេដ្ឋកិច្ចដ៏សំខាន់ បានដាច់ភ្លើងម្តងហើយម្តងទៀត។ ការដាច់ភ្លើងទ្រង់ទ្រាយធំលើកចុងក្រោយបង្អស់ បានកើតឡើង កាលពីឆ្នាំ២០០៥ លើកោះជ្វារ និងកោះបាលី៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
