អន្តរជាតិ
អាមេរិកបើកចំហសម្រាប់កិច្ចចរចាថែមទៀតពេលសង្គ្រាមពាណិជ្ជកម្មកាន់តែឡើងកម្តៅជាមួយចិន
រូបឯកសារ៖ កុងតឺន័រដឹកទំនិញពីចិនត្រូវបានលើកដាក់កំពង់ផែនៅក្រុង Long Beach រដ្ឋ California កាលពីថ្ងៃទី១៤ ខែឧសភា ឆ្នាំ២០១៩។
×![]()
ដោយ: VOA
សេតវិមានបានបង្ហាញសញ្ញាថា ខ្លួនមិនស្វះស្វែងឱ្យមានភាពតានតឹងខ្លាំងថែមទៀតនៅក្នុងសង្គ្រាមពាណិជ្ជកម្មជាមួយរដ្ឋាភិបាលក្រុងប៉េកាំងទេនៅក្រោយរដ្ឋបាលនៃប្រធានាធិបតីស.រ.អា Donald Trump បានចាត់វិធានការជានិមិត្តរូបដោយភាគច្រើន ដោយប្រកាសប្រទេសចិនថាជា ប្រទេសដែលដំឡើង ឬបញ្ចុះតម្លៃរូបិយបណ្ណខ្លួន ដើម្បីឱ្យបានចំណេញខាងសេដ្ឋកិច្ច។
លោក Larry Kudlow នាយកក្រុមប្រឹក្សាសេដ្ឋកិច្ចជាតិបាននិយាយប្រាប់ក្រុមអ្នកកាសែតកាលពីថ្ងៃអង្គារថា «យើងបានធ្វើការចរចាដោយស្មោះត្រង់ ហើយយើងចង់បន្តកិច្ចចរចាគ្នាដោយស្មោះត្រង់ជាមួយចិន» ទោះណាជាយើងស្រងាកចិត្តនឹងពួកអ្នកធ្វើការចរចាចិនដែលមិនបានធ្វើតាមការសន្យាពីដំបូងរបស់ពួកគេនិងដោយសារគ្មានការជឿនលឿនក៏ដោយ។
លោក kudlow បានថ្លែងថា «ទ្វារបើកចំហសម្រាប់ធ្វើការចរចាថែមទៀត។ យើងគ្រោងសម្រាប់គណៈប្រតិភូចិនមកកាន់ទីនេះក្នុងខែកញ្ញា» នៅក្រោយកិច្ចចរចាជុំថ្មីបំផុតកាលពីសប្តាហ៍មុននៅក្នុងក្រុង Shanghai មិនបានសម្រេចការទម្លាយភាពទាល់ច្រក។
ទីប្រឹក្សាសេដ្ឋកិច្ចរូបនេះរបស់ប្រធានាធិបតីអាមេរិកាំងបាននិយាយបន្ថែមថា ប្រសិនបើមានកិច្ចព្រមព្រៀង ឬមានការជឿនលឿនក្នុងកិច្ចចរចាគ្នានោះ លោក Trump ប្រហែលពិចារណាជាថ្មីអំពីសកម្មភាពខ្លះដែលលោកបានធ្វើដូចជាប្រែក្រឡះកំណើនពន្ធគយលើទំនិញចិនដឹកជញ្ជូនមកលក់ក្នុងប្រទេសអាមេរិកជាដើម។
លោក Kudlow ក៏បានព្រមានដែរថា លោកប្រធានាធិបតីអាចចាត់វិធានការដាក់ទណ្ឌកម្មបន្ថែមទៀតប្រឆាំងនឹងប្រទេសចិន ប្រសិនបើមិនមានការជឿនលឿនក្នុងកិច្ចចរចានេះទេ។ លោក kudlow បានគូសបញ្ជាក់ថា «លោកប្រធានាធិបតីការពារសេដ្ឋកិច្ចស.រ.អា»។
កាលពីពេលមុននោះក្នុងថ្ងៃអង្គារនោះដែរ លោក Trump សរសេរតាម Twitter ដោយលោកបានសន្យាថា នឹងការពារថែមទៀតដល់វិស័យកសិកម្មអាមេរិកាំងដែលប្រទេសចិនបានកាត់បន្ថយការទិញផលិតផលក្នុងវិស័យនេះ។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
