អន្តរជាតិ
រលំអគារនៅប៉ាគីស្ថាន៖ កុមារីអាយុ៣ឆ្នាំត្រូវបានសង្គ្រោះក្រោយស្ថិតក្រោមគំនរបាក់បែក២១ម៉ោង
× អគារបីជាន់នៅក្រុង Sukkur ខេត្ត Sindh ប្រទេសប៉ាគីស្ថាន កាលពីល្ងាចថ្ងៃទី២ ខែមករា ឆ្នាំ២០២០។ កុមារីអាយុ៣ឆ្នាំម្នាក់ ត្រូវសង្គ្រោះ ក្រោយជាប់ក្នុងគំនរបាក់បាក់បែកអស់រយៈ២១ម៉ោង។
អាជ្ញាធរខេត្តគ្រប់គ្រងគ្រោះមហន្តរាយ (PDMA) និងមន្ត្រីយោធា ដែលបានរួមគ្នាក្នុងប្រតិបត្តិការសង្គ្រោះ បានអះអាងថា កុមារីរូបនោះ មិនមានការប៉ះទង្គិចអ្វីសោះឡើយ ប៉ុន្តែក្រោយមក នាងត្រូវបានបញ្ជូនទៅសង្គ្រោះនៅមន្ទីរពេទ្យ។
អគារស្ថិតនៅតំបន់ទីប្រជុំ ដែលនៅក្បែរហាង និងលំនៅដ្ឋានពលរដ្ឋ៤គ្រួសារទៀត ហើយក៏បាក់រលំនេះ ក៏បានកាត់ផ្តាច់អគ្គិសនីនៅក្នុងតំបន់ទាំងមូលផងដែរ។ គ្រោះថ្នាក់នេះ បណ្តាលឲ្យមនុស្ស៣នាក់ស្លាប់ និងជាច្រើននាក់ទៀតរងរបួស។
មិនទាន់មានរបាយការណ៍ផ្លូវការឡើយ ប៉ុន្តែលោក Shafiq Ahmed Mahesar ស្នងការប៉ូលិសប្រចាំក្រុង Sukkur បានបញ្ជាក់ប្រាប់សារព័ត៌មាន DAWN ថា ការសាងសង់មិនត្រូវបានតាមបទដ្ឋានបច្ចេកទេស ដោយបំពានហួសពីប្លង់ដែលច្បាប់អនុញ្ញាត៕
© រក្សាសិទ្ធិដោយ thmeythmey.com