ជាតិ
សង្គមជាតិ
×![]()
ដោយ: ថ្មីៗ
កាលពីថ្ងៃសៅរ៍ម្សិលមិញ សំណាង និងសុធី មិនបានជួបគ្នានៅហាងកាហ្វេដូចរាល់ដងទេ ព្រោះតែ ពួកគេមានការងាររវល់រៀងៗខ្លួន។ តែពួកគេធ្វើបច្ចុប្បន្នភាពរឿងបាក់រលំអគារនៅ កែប ឲ្យគ្នាទៅវិញទៅមកតាមរយៈទូរសព្ទ។ ប្រធានបទបាក់អគារនេះ ត្រូវបានសំណាង និងសុធី យកមកជជែកគ្នាបន្តទៀតនៅព្រឹកថ្ងៃអាទិត្យនេះ។ សំណួរដដែលៗដែល សំណាង លើកឡើងទៅកាន់អា ធី គឺថា ការបាក់រលំអគារនៅខេត្តកែបជាកំហុសរបស់អ្នកណា? 
សំណាង៖ អា សុធី មុខអ្ហែង Sad ម៉េះព្រឹកនេះ?
សុធី៖ មិន Sad ម៉េចកើត បើអ្នកស្លាប់កើនឡើងដល់៣៥នាក់ទៅហើយនោះ?
សំណាង៖ អា ធី អ្ហែងធ្លាប់ប្រាប់អញថា អ្ហែងយល់ដឹងរឿងអចលនទ្រព្យច្រើនគួរសមដែរ។ ចុះរឿងបាក់អគារនៅកែប សៀមរាប និងខេត្តព្រះសីហនុ តើជាកំហុស ឬជាការទទួលខុសត្រូវរបស់ខាងណាអ្ហា៎?
សុធី៖ ចុមយក្ស អានេះ សួរដូចអញជាអ្នកជំនាញខាងសំណង់អ៊ីចឹង។
សំណាង៖ អ្ហែងមិនមែនអ្នកជំនាញទេ។ តែអ្ហែងមានការយល់ដឹងច្រើនជាងអញលើវិស័យនេះ។ អញគ្រាន់តែចង់ដឹងគំនិតអ្ហែងតើ ទោះបីអ្ហែងមិនមែនជាអ្នកជំនាញក៏ដោយ។
សុធី៖ Okay អា សំណាង។ អើ អញឆ្លើយប្រាប់ឯងក្នុងនាមមិនមែនជាអ្នកជំនាញផ្នែកសំណង់ទេ។ ហើយបើអញនិយាយខុស ចូរកុំស្តីឲ្យអញណា៎។
សំណាង៖ អត់ស្តីឲ្យអ្ហែងទេ។ ឆ្លើយមក!
សុធី៖ តាមយោបល់អញ និងយោបល់អ្នកជំនាញផ្នែកស្ថាបត្យករដែលអញបានជជែកជាមួយ, ការទទួលខុសត្រូវមុនគេ គឺ ក្រុមវិស្វករដែលទទួលបន្ទុកការសាងសង់ទាំងមូល, បន្ទាប់មក ម្ចាស់ផ្ទះ ម្ចាស់ក្រុមហ៊ុនសាងសង់ និងអាជ្ញាធរពាក់ព័ន្ធ ដូចជា មន្ទីសុរិយោដីខេត្ត និងអាជ្ញាធរមូលដ្ឋាន។ល។
សំណាង៖ អ្ហែងបន្ទោសវិស្វករ?។ ពេលសាងសង់មានវិស្វករច្រើនផ្នែក តើនរណាខ្លះទៅ អាធី?
សុធី៖ មានវិស្វការផ្នែកគ្រោងឆ្អឹង វិស្វករផ្នែកត្រួតពិនិត្យដី វិស្វករមេកានិក ម្ចាស់ក្រុមហ៊ុនសាងសង់។ល។ បើអាជ្ញាធរ គឺមន្ទីសុរិយោដីខេត្តហ្នឹង ព្រោះពួកគេ ក៏ជាអ្នកត្រូវទទួលខុស និងត្រូវដែរ។ អា សំណាង អញអត់មានបន្ទោសនរណាទេ។ អញឆ្លើយ ព្រោះ អ្ហែងសួរអញឲ្យអញឆ្លើយតើ!
សំណាង៖ អា ធី វាថា វាអត់ចេះអីទេ។ តែពេលវាពន្យល់ គឺត្រឹមត្រូវម្យ៉ាងដែរ។
សុធី៖ អញមិនចង់ហ៊ានបកស្រាយ ព្រោះខ្លាចខុស។
សំណង៖ កុំខ្លាច បើខុសក៏មិនអីដែរ ព្រោះគ្រាន់តែជាការប៉ាន់ស្មានរបស់អ្ហែងទេតើ។
នៅព្រឹកនេះ សំឡាញ់ទាំងពីរបែកគ្នាពីហាងកាហ្វេនៅម៉ោង១១ព្រឹកនៅថ្ងៃទី៥ខែមករាឆ្នាំ២០២០ ហើយទាំងពីរនាក់សន្យាជួបគ្នានៅសប្ហាហ៍ក្រោយទៀត៕
© រក្សាសិទ្ធិដោយ thmeythmey.com
