អន្តរជាតិ
អ្នកដំណើរនៅតំបន់ Piazza del Duomo ក្រុង Milan នាំគ្នាពាក់ម៉ាស់ការពារ COVID-19 ។ រូបថត AFP
×![]()
ដោយ: រួបរួម
អ៊ីតាលី បានក្លាយជាប្រទេសដែលរាលដាលខ្លាំងជាងគេនៅអឺរ៉ុបលើករណីជំងឺរលាកសួតបង្កដោយមេរោគកូរ៉ូណាប្រភេទថ្មី (COVID-19) ដោយគិតត្រឹមម៉ោង៩ព្រឹកនេះ តួលេខអ្នកឆ្លងមាន១៥៥នាក់ ខណៈអ្នកជំងឺឡើងដល់៣នាក់។
ក្រសួងសុខាភិបាលអ៊ីតាលី កាលពីថ្ងៃអាទិត្យ បានប្រកាសពីករណីស្លាប់ស្ត្រីចំណាស់ម្នាក់នៅមន្ទីរពេទ្យក្រុង Crema តំបន់ Lombardy និងជាករណីស្លាប់ទី៣ដោយសារ COVID-19 នៅក្នុងប្រទេសអឺរ៉ុបមួយនេះ។ យោងតាម AFP ស្ត្រីនោះមានជំងឺមហារីកក្នុងខ្លួន។ អ្នកពីរនាក់ដំបូង គឺបុរសវ័យ៧៨ឆ្នាំ និងស្ត្រីវ័យ៧៧ឆ្នាំ។
មកដល់ពេលនេះ ករណីឆ្លងនៅអ៊ីតាលីឡើងដល់១៥៥នាក់ ដោយច្រើនជាងគេនៅតំបន់ Lombardy ដែលមានជាង១០០នាក់ បន្ទាប់មកមាន Veneto, Emilia Romagna, Trentino South Tyrol, Lazio ជាដើម។
ការរកឃើញករណីឆ្លងយ៉ាងគំហុកនៅអ៊ីតាលីនេះ នាំឲ្យរដ្ឋាភិបាលអ៊ីតាលីសម្រេចហាមប្រាមរាល់ការរៀបចំព្រឹត្តិការណ៍សាធារណៈនៅតំបន់ Veneto និង Lombardy ហើយសាលាទាំងអស់ត្រូវបានបិទបណ្តោះអាសន្នផងដែរ។
កាលពីយប់ថ្ងៃទី២៣ ខែកុម្ភៈ ព្រឹត្តិការណ៍ប្រកួតបាល់ទាត់ចំនួន៤ក្នុងក្របខណ្ឌ Serei A រវាង Inter Milan-Sampdoria, Atalanta-Sassuolo, Hellas Verona-Cagliari និង Torino-Parma ក៏ត្រូវបានព្យួរផងដែរ៕
Tag:
COVID19
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ម៉ោង
