COVID-19
អន្តរជាតិ
អ៊ីរ៉ង់៖ អ្នកស្លាប់ដោយសារ COVID-19 ឡើងដល់១៥នាក់ក្នុងចំណោមអ្នកជំងឺ៦១នាក់
×![]()
ដោយ: រួបរួម
នៅថ្ងៃនេះ អ៊ីរ៉ង់មានករណីស្លាប់បន្ថែមពីរនាក់ទៀតដោយសារជំងឺរលាកសួតបង្កដោយមេរោគកូរ៉ូណាប្រភេទថ្មី (COVID-19) ដែលធ្វើឲ្យចំនួនអ្នកស្លាប់នៅប្រទេសនេះឡើងដល់១៥នាក់ ខណៈអ្នកជំងឺមាន៦១នាក់។ នេះបើតាមការផ្សាយរបស់ទីភ្នាក់ងារព័ត៌មានរ៉យទ័រ។
គិតត្រឹមម៉ោងនេះ អ្នកស្លាប់ដោយសារ COVID-19 មាន២៧០៣នាក់ មាន២៦៦៦នាក់ស្ថិតនៅចិន ១៤៥នាក់នៅអ៊ីរ៉ង់ ៩នាក់នៅកូរ៉េខាងត្បូង ៧នាក់នៅអ៊ីតាលី ៥នាក់នៅជប៉ុន (ក្នុងនោះ៤នាក់លើករណីនាវា Diamond Princess) រីឯបារាំង និងហ្វីលីពីន មាន១ករណីរៀងៗខ្លួនៗ។
ប្រទេសទាំង៣៤ដែលមានករណីឆ្លង COVID-19 រួមមាន ចិន (បញ្ចូលទាំងតំបន់រដ្ឋបាលពិសេសហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (+ករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អ៊ីស្រាអែល អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា និងស្រីលង្កា។
បណ្តាប្រទេសនៅអឺរ៉ុប មាន អ៊ីតាលី បារាំង អង់គ្លេស អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ និងបែលហ្ស៊ិក។ ក្រៅពីនោះ មាននៅ សហរដ្ឋអាមេរិក កាណាដា អូស្ត្រាលី និងអេហ្ស៊ីប៕
Tag:
COVID19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
