អន្តរជាតិ
អគ្គលេខាធិការអង្គការសហប្រជាជាតិ Antonio Guterres។ រូបភាព៖ CGTN
×![]()
ដោយ: ធៀន ភារិន្ទ
ប្រមុខអង្គការសហប្រជាជាតិ (UN) លោក Antonio Guterres នាថ្ងៃទី១៣ ខែមីនា បានស្នើឲ្យពិភពលោក ប្រកាសសង្គ្រាមប្រឆាំង ជំងឺរលាកសួតបង្កដោយកូរ៉ូណាវីរុស (COVID-19)។ ការប្រកាសរបស់លោកប្រមុខ គឺធ្វើឡើងបន្ទាប់ពីអង្គការសុខភាពពិភពលោក (WHO) បានដាក់ COVID-19 ជាជំងឺឆ្លងសកល។
បន្ទាប់ពីស្ថានភាព COVID-19 កាន់តែធ្លាក់ដុនដាប ជាពិសេសនៅតំបន់អឺរ៉ុប និងប្រទេសមួយចំនួនទៀត លោកអគ្គលេខាធិការអង្គការសហប្រជាជាតិ Antonio Guterres បានលើកឡើងយ៉ាងដូច្នេះថា៖ « យើងត្រូវតែប្រកាសសង្គ្រាមជាមួយ COVID-19»។ នេះបើតាមការចុះផ្សាយរបស់ទូរទស្សន៍ CGTN។
ក្នុងន័យនេះ លោកប្រមុខអង្គការអន្តរជាតិ ជំរុញឲ្យប្រទេសទាំងអស់ កាន់តែមានទំនួញខុសត្រូវថែមទៀតនៅចំពោះមុខ COVID-19 ។ បើតាមលោក Guterres ប្រទេសទាំងអស់ ត្រូវតែត្រៀម យុទ្ធសាស្ត្រ ការឆ្លើយតបបន្ទាន់ សមត្ថភាពនៃការធ្វើតេស្ត ការព្យាបាលអ្នកជំងឺឲ្យបានរួចរាល់ ដើម្បីទប់ស្កាត់ការរីកឆ្លង COVID-19។
ក្នុងថ្ងៃដដែល លោកប្រមុខ Guterres ក៏បានប្រាប់បុគ្គលិកទាំងអស់ ដែលធ្វើការនៅទីស្នាក់ការកណ្តាលរបស់អង្គការសហប្រជាជាតិ ឲ្យទៅធ្វើការនៅផ្ទះផងដែរ ដើម្បីបញ្ចៀសករណីឆ្លង និងទប់ស្កាត់ការចម្លងនៅក្នុងស្ថាប័ន។ ប៉ុន្តែបុគ្គលិកអាចមកធ្វើការបាន ទាល់តែមានកិច្ចការសំខាន់តែប៉ុណ្ណោះសម្រាប់ពួកគេ។ ការអនុញ្ញាតឲ្យបុគ្គលិកមកធ្វើការនៅផ្ទះបែបនេះ ត្រូវអនុវត្តយ៉ាងហោចណាស់ក៏ ៣សប្តាហ៍ដែរ។
ចំណាត់ការរបស់លោក Guterres នេះ ធ្វើឡើងបន្ទាប់ពី មន្ត្រីទូតហ្វីលីពីនម្នាក់ ត្រូវបានគេរកឃើញថា មានផ្ទុកCOVID-19 ជាលើកដំបូងនៅទីស្នាក់ការកណ្តាលរបស់អង្គការសហប្រជាជាតិ នាទីក្រុងញូវ យ៉ក។
សូមបញ្ជាក់ថា គិតត្រឹមថ្ងៃទី១៤ ខែមីនា COVID-19 បានកើនឡើងរហូតដល់ជាង ១៤ម៉ឺនករណី និងបានឆក់យកជីវិតមនុស្សជាង ៥ពាន់ករណីនៅជុំវិញពិភពលោក។ ចំណែកអ្នកជាសះស្បើយពីជំងឺរលាកសួតដែលបង្កដោយកូរ៉ូណាវីរុស គឺមានចំនួនលើសពី ៧ម៉ឺនករណី៕
បន្ទាប់ពីស្ថានភាព COVID-19 កាន់តែធ្លាក់ដុនដាប ជាពិសេសនៅតំបន់អឺរ៉ុប និងប្រទេសមួយចំនួនទៀត លោកអគ្គលេខាធិការអង្គការសហប្រជាជាតិ Antonio Guterres បានលើកឡើងយ៉ាងដូច្នេះថា៖ « យើងត្រូវតែប្រកាសសង្គ្រាមជាមួយ COVID-19»។ នេះបើតាមការចុះផ្សាយរបស់ទូរទស្សន៍ CGTN។
ក្នុងន័យនេះ លោកប្រមុខអង្គការអន្តរជាតិ ជំរុញឲ្យប្រទេសទាំងអស់ កាន់តែមានទំនួញខុសត្រូវថែមទៀតនៅចំពោះមុខ COVID-19 ។ បើតាមលោក Guterres ប្រទេសទាំងអស់ ត្រូវតែត្រៀម យុទ្ធសាស្ត្រ ការឆ្លើយតបបន្ទាន់ សមត្ថភាពនៃការធ្វើតេស្ត ការព្យាបាលអ្នកជំងឺឲ្យបានរួចរាល់ ដើម្បីទប់ស្កាត់ការរីកឆ្លង COVID-19។
ក្នុងថ្ងៃដដែល លោកប្រមុខ Guterres ក៏បានប្រាប់បុគ្គលិកទាំងអស់ ដែលធ្វើការនៅទីស្នាក់ការកណ្តាលរបស់អង្គការសហប្រជាជាតិ ឲ្យទៅធ្វើការនៅផ្ទះផងដែរ ដើម្បីបញ្ចៀសករណីឆ្លង និងទប់ស្កាត់ការចម្លងនៅក្នុងស្ថាប័ន។ ប៉ុន្តែបុគ្គលិកអាចមកធ្វើការបាន ទាល់តែមានកិច្ចការសំខាន់តែប៉ុណ្ណោះសម្រាប់ពួកគេ។ ការអនុញ្ញាតឲ្យបុគ្គលិកមកធ្វើការនៅផ្ទះបែបនេះ ត្រូវអនុវត្តយ៉ាងហោចណាស់ក៏ ៣សប្តាហ៍ដែរ។
ចំណាត់ការរបស់លោក Guterres នេះ ធ្វើឡើងបន្ទាប់ពី មន្ត្រីទូតហ្វីលីពីនម្នាក់ ត្រូវបានគេរកឃើញថា មានផ្ទុកCOVID-19 ជាលើកដំបូងនៅទីស្នាក់ការកណ្តាលរបស់អង្គការសហប្រជាជាតិ នាទីក្រុងញូវ យ៉ក។
សូមបញ្ជាក់ថា គិតត្រឹមថ្ងៃទី១៤ ខែមីនា COVID-19 បានកើនឡើងរហូតដល់ជាង ១៤ម៉ឺនករណី និងបានឆក់យកជីវិតមនុស្សជាង ៥ពាន់ករណីនៅជុំវិញពិភពលោក។ ចំណែកអ្នកជាសះស្បើយពីជំងឺរលាកសួតដែលបង្កដោយកូរ៉ូណាវីរុស គឺមានចំនួនលើសពី ៧ម៉ឺនករណី៕
Tag:
UN
COVID-19
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
