COVID-19
អន្តរជាតិ
សាសនិកឥស្លាមប្រមាណ១ម៉ឺននាក់បានជួបជុំគ្នា ដើម្បីធ្វើការបន់ស្រន់ ក្រោយពេលមានករណីស្លាប់ដំបូង។ រូបថត AFP
×![]()
ដោយ៖ គយ រតនបុរិន្ទ
នៅប្រទេសបង់ក្លាដេស កាលពីថ្ងៃពុធ ១៨ មីនា សាសនិកឥស្លាមប្រមាណ១ម៉ឺននាក់បានជួបជុំគ្នា ដើម្បីធ្វើការបន់ស្រន់ ក្រោយពេលមានករណីស្លាប់ដំបូងនៅប្រទេសអាស៊ីខាងត្បូងមួយនេះ។
យោងតាមការផ្សាយរបស់ AFP មន្ត្រីនគរបាលបានឲ្យដឹងថា សាសនិកឥស្លាមចំនួន១ម៉ឺននាក់បានជួបជុំគ្នា ទៅទីវាលមួយនៅក្រុង Raipur ភាគខាងត្បូងប្រទេស ដើម្បីធ្វើការបន់ស្រន់ ក្នុងបំណងបណ្តេញ COVID-19។
មន្ត្រីនគរបាលដែលបានបញ្ជាក់ថា ការរៀបចំជួបជុំនេះពុំមានការអនុញ្ញាតពីអជ្ងាធរឡើយ ខណៈអ្នករៀបចំកម្មវិធីអះអាងថាមានអ្នកជួបជុំ ២ម៉ឺន៥ពាន់នាក់។ អាជ្ងាធរបង់ក្លាដេស បានសម្រេចបិទសាលារៀន និងស្នើឲ្យប្រជាពលរដ្ឋជៀសវៀងការជួបជុំ។
បើទោះបីជាមានការទទូចពីអជ្ងាធរក៏ដោយ មនុស្សមួយចំនួនបានយកឪកាសនេះសម្រាប់ដើរកំសាន្ត ខណៈនគរបាលបានសម្រេចបិទឆ្នេរចំនួនពី ក្នុងនោះមាន Cox’s Bazar ដែលជាកន្លែងស្នាក់នៅរបស់ជនភៀសខ្លួនរ៉ូហ៊ីនយ៉ា។
ចំណែកឯ លោក Obaidul Quader ដែលជាថ្នាក់ដឹកនាំជាន់ខ្ពស់មកពីគណបក្សកាន់អំណាចបានលើកឡើងថា « គេអាចនឹងបិទប្រទេសបង់ក្លាដេស ក្នុងករណីចាំបាច់។ ជាបឋម មនុស្សត្រូវមានសុវត្ថិភាព។ យើងនឹងធ្វើអ្វីៗគ្រប់បែបយ៉ាង»។
មកទល់ពេលនេះ បង់ក្លាដែសមានអ្នកឆ្លងCOVID-19 ជាង៣០០ករណី ក្នុងស្លាប់២នាក់ និងសះស្បើយជាង១០នាក់៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 10 ម៉ោង
