ជាតិ
ការគ្រប់គ្រងប្រទេសក្នុងភាពអាសន្ន! ព្រឹទ្ធសភាឯកភាពសេចក្តីព្រាងច្បាប់ទាំងមូលឥតកែប្រែ
× នាសម័យប្រជុំវិសាមញ្ញនៅព្រឹកថ្ងៃសុក្រ ទី១៧ ខែមេសា នេះ សមាជិកព្រឹទ្ធសភាទាំង៥៤ដែលដឹកនាំដោយលោក ស៊ឹម កា ប្រធានស្តីទី បានអនុម័តគាំទ្រទាំងស្រុងលើសេចក្តីព្រាងច្បាប់ស្តីពី «ការគ្រប់គ្រងប្រទេសជាតិស្ថិតក្នុងភាពអាសន្ន» ទាំងមូលដោយឥតកែប្រែ។
សេចក្តីព្រាងច្បាប់ស្តីពី «ការគ្រប់គ្រងប្រទេសជាតិស្ថិតក្នុងភាពអាសន្ន» តាក់តែងឡើងមាន៥ជំពូក និង១២មាត្រា ដែលត្រូវបានសមាជិកអនុម័តយល់ព្រមចំនួន១១៥សំឡេង កាលពីថ្ងៃទី១០ ខែមេសា។ លោក កើត រិទ្ធ រដ្ឋមន្ត្រីក្រសួងយុត្តិធម៌ បានឡើងការពារសេចក្តីព្រាងច្បាប់នេះ នៅស្ថាប័ននីតិបញ្ញត្តិទាំងពីរថ្នាក់។
សេចក្តីព្រាងច្បាប់នេះ មានវិសាលភាពអនុវត្តនៅពេលដែលប្រទេសជាតិត្រូវបានដាក់ស្ថិតក្នុងភាពអាសន្នតាមមាត្រា២២ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា។
ក្រោយឆ្លងរដ្ឋសភា និងព្រឹទ្ធសភា សេចក្តីព្រាងច្បាប់នេះ ត្រូវបញ្ជូនបន្តទៅក្រុមប្រឹក្សាធម្មនុញ្ញ មុននឹងដាក់ថ្វាយទៅព្រះករុណា ព្រះមហាក្សត្រ៕
© រក្សាសិទ្ធិដោយ thmeythmey.com