COVID-19
អន្តរជាតិ
×![]()
អង្គការសហប្រជាជាតិតាមរយៈកម្មវិធីស្បៀងអាហារពិភពលោក (WFP) នៅថ្ងៃទី៣០ ខែមេសា បានបញ្ជូនយន្តហោះដឹកជំនួយសម្ភារៈវេជ្ជសាស្ត្រជាលើកដំបូងទៅកាន់ប្រទេសកំពុងអភិវឌ្ឍដែលងាយរងគ្រោះដោយសារជំងឺ COVID-19 ។ យន្តហោះ ក្លាយជាប្រឈមសម្រាប់យុទ្ធនាការនេះ។ 
កម្មវិធីស្បៀងអាហារពិភពលោក(WFP) បានជ្រើសរើសយកព្រលានយន្តហោះចំនួន៩ នៅលើសកលលោក ដើម្បីបំពេញបេសកកម្មជំនួយមនុស្សធម៍ពិសេសរបស់ខ្លួន។ គេរំពឹងថា ចាប់ពីដើមឧសភា និងរយៈពេលពេញមួយខែនេះ នឹងមានការហោះហើរចំនួន៣៥០ដង ដើម្បីដឹកជញ្ជូនសម្ភារៈវេជ្ជសាស្ត្រ ក៏ដូចជាក្រុមការងារមនុស្សធម៍ផងដែរ។ នេះបើយោងតាមទីភ្នាក់ងារសារព័ត៌មាន Reuters ។
ជើងហោះហើរដំបូងរបស់ WFP នេះ បានហោះចេញពីប្រទេសប៊ែលហ្ស៊ិក ដោយដឹកយកសម្ភារវេជ្ជសាស្ត្រចំនួន១៦តោន ដែលក្នុងនោះរួមមានម៉ាស់ ស្រោមដៃ ថ្នាំ និងស៊ឺរ៉ាំង ទៅកាន់ប្រទេសបួគីណាហ្វាសូ នៅតំបន់អាហ្វ្រិកខាងលិច។
តាំងតែពីពេលដែលជំងឺCOVID-19 ក្លាយជាជំងឺរាតត្បាតសកលមក ការហោះហើរនៅជុំវិញពិភពលោកត្រូវបានផ្អាក។ ការផ្អាកហោះហើរទាំងនេះ បណ្តាលឲ្យអ្នកធ្វើការងារមនុស្សធម៍រាប់ម៉ឺននាក់មិនអាចហោះហើរបាន និងរាំងស្ទះដល់ការដឹកជញ្ជូនសម្ភារៈតាមផ្លូវអាកាសផងដែរ។
លោក Amer Daoudi នាយកទទួលបន្ទុកការឆ្លើយតបនឹង COVID-19 របស់ WFP និយាយថា សព្វថ្ងៃនេះការស្វែងរកយន្តហោះដឹកជញ្ជូនជារឿងគួរឲ្យរន្ធត់ ព្រោះតម្លៃបានកើនឡើងពី៤ទៅ៥ ដង។
WFP ដែលទទួលបន្ទុកភស្តុភាររបស់អង្គការសហប្រជាជាតិ បានចុះកិច្ចសន្យាជាមួយក្រុមហ៊ុនដឹកជញ្ជូននានាលើប្រតិបត្តិការហោះហើររយៈពេលវែង និងរក្សាតម្លៃឲ្យនៅសមរម្យ។
លោក Daoudi បានបញ្ជាក់ថា៖ «យើងត្រូវការសមត្ថភាពដឹកជញ្ជូនក្នុងការជួយប្រទេសដែលងាយរងគ្រោះនៅជុំវិញពិភពលោក ហើយការដឹកជញ្ជូនតាមផ្លូវអាកាសអាចទៅដល់ប្រទេសជាង១២០។»
លោកបន្ថែមថា ការដឹកជញ្ជូនតាមយន្តហោះនេះនឹងមានរយៈពេលពី៣ ទៅ៤ខែ ហើយក៏អាចពន្យារផងដែរ។ ប៉ុន្តែការដឹកជញ្ជូននេះក៏អាចបញ្ឈប់ផងដែរ បើសិនយន្តហោះដឹកអ្នកដំណើរ បើកប្រតិបត្តិការឡើងវិញ។
ការដឹកជញ្ជូនតាមជើងយន្តហោះនេះ អាចប្រើបានសម្រាប់ដឹកជញ្ជូនសម្ភារៈមនុស្សធម៍គ្រប់ប្រភេទ និងអ្នកធ្វើការងារមនុស្សធម៍គ្រប់រូប។ ជើងហោះហើរដំបូងកាលពីថ្ងៃទី៣០ ខែមេសា បានដឹកជញ្ជូនសម្ភារៈរបស់អង្គការយូនីសេហ្វ (UNICEF) និងគណៈកម្មាធិការកាកបាទក្រហមអន្តរជាតិ(ICRC)៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
