រោងចក្រកើនដល់១៨០ហើយ បានព្យួរការងារ និង៦០ទៀត ក៏ត្រៀមព្យួរដែរ, កម្មករជាង១៥ម៉ឺននាក់ ត្រូវប៉ះពាល់

ជាតិ

រោងចក្រកើនដល់១៨០ហើយ បានព្យួរការងារ និង៦០ទៀត ក៏ត្រៀមព្យួរដែរ, កម្មករជាង១៥ម៉ឺននាក់ ត្រូវប៉ះពាល់

04, May 2020 , 5:35 pm

រូបភាព

ដោយ: ឡាយ សុភាវតី

ភ្នំពេញ៖ គិតត្រឹមថ្ងៃទី៤ ខែឧសភា ឆ្នាំ២០២០ មានរោងកច្រ១៨០ បានព្យួរការងារ និង៦០បន្ថែមទៀត នឹងឈានទៅរកការព្យួរ ដែលនឹងរងផលប៉ះពាល់កម្មករ-កម្មការិនីជាង១៥ម៉ឺននាក់ ក្នុងការព្យួរការងារជាបណ្ដោះអាសន្ននេះ។ នេះបើតាមលិខិតអំពាវនាវទៅអ្នកបញ្ជាទិញរបស់សមាគមរោងចក្រកាត់ដេរនៅកម្ពុជា (GMAC) ចុះថ្ងៃទី៤ ខែឧសភា។

GMAC អះអាងថា ការព្យួរការងារនេះ មិនច្បាស់លាស់ថា នឹងបន្តការងារវិញនៅពេលណាឡើយ ហើយកម្មករជិត២០ម៉ឺននាក់ នឹងត្រូវព្យួរការងារនាពេលខាងមុខឆាប់ៗនេះ។

GMAC បានលើកឡើងថា វា មិនត្រឹមតែប៉ះពាល់កម្មករនោះទេ ប៉ុន្តែថែមទាំងប៉ះពាល់សមាជិតគ្រួសារប្រមាណ២លាននាក់ផងដែរ ដែលពឹងផ្អែកលើពួកគេ។