​ស្មេរ​មិន​ស្មាន បានឮ​ច្បាស់ ចាស់​ចារចែង​

​កិច្ចប្រឹងប្រែង តែង​បាន​ផល ដល់​ដូច​ដៅ​

​ចាប់​វិជ្ជា គ្រា​ដែល​អាច ខ្លាច​ខ្លួន​ខ្លៅ​

​តឿន​កូនចៅ ហៅ​ហារ​ស្តី ត្រួត​ត្រួសត្រាយ​។​

 

​ចេះ​វិជ្ជា ទ្វារ​ប្រាជ្ញា តាម​តាក់តែង​

​ចេះ​ច្នៃ​បែង បវរ​ស្បាន់ កាន់​កែម​កាយ​

​ចេះ​ប្រាកដ សមប្រកប សាច​សុសសាយ​

​ដឹង​ឧបាយ រាយ​ដំណោះ ចេរ​ចៀស​ចាត់​។​
 

​វាយ​ទម្លុះ ជោះ​ទម្លាយ រេ​រិះរក​

​ចេះ​លៃលក ដោយ​ប្រាជ្ញា កោស​កាយ​កាត់​

​មាន​អាវុធ គឺ​ប្រា​ជ្រា ក្តោប​ក្តី​ក្តាត់​

​ចេះ​ប្រយ័ត្ន ចាត់​ប្រយោជន៍ រោចន៍​រុងរឿង​។​
 

​ចេះ​រំលែក ចែក​រម្លស់ បត់​បែង​បែរ​

​ក្នុងនាម​ខ្មែរ រួមគ្នា​ស្រាយ កាយ​កល​កឿង​

​ជ្រែង​ជ្រោង​ឡើង ប្រើ​ប្រាជ្ញា សិត​សុញ​សឿង​

​ជួយ​តាម​រឿង ខ្លួន​ជំនាញ ជាញជ័យ​ជាក់​៕

 

 

​