COVID-19
អន្តរជាតិ
លោក ពូទីន អះអាងថា រុស្ស៊ីអភិវឌ្ឍវ៉ាក់សាំងកូវីដ-១៩ បានហើយ ដោយបានចាក់លើកូនស្រីម្នាក់របស់លោក
លោកវ្លាឌីមៀ ពូទីន ប្រធានាធិបតីរុស្ស៊ី។ រូបថត AFP
×![]()
ដោយ: ថ្មីៗ
លោកប្រធានាធិបតីរុស្ស៊ី វ្លាឌីមៀ ពូទីន បានប្រកាសនៅថ្ងៃអង្គារនេះថា រុស្ស៊ី បានចុះបញ្ជីវ៉ាក់សាំងប្រឆាំងកូវីដ-១៩ មុនគេលើពិភពលោក។ នេះបើតាមការផ្សាយរបស់សារព័ត៌មានរុស្ស៊ី RT ដោយលោកបញ្ជាក់ថា វ៉ាក់សាំងនេះ មានប្រសិទ្ធភាពក្នុងការបង្កើតភាពស៊ាំប្រឆាំងនឹងវីរុស។
លោកបានប្រាប់ទៅសមាជិករដ្ឋាភិបាលលោកថា៖ «តាមដែលខ្ញុំដឹង វ៉ាក់សាំងប្រឆាំងកូវីដ-១៩ ត្រូវបានចុះបញ្ជីនៅព្រឹកនេះហើយនៅរុស្ស៊ី និងជាលើកដំបូងលើពិភពលោក។
មេដឹកនាំរូបនេះ បានបញ្ជាក់ថា ការចាក់វ៉ាក់សាំងធ្វើតាមគោលការណ៍ស្ម័គ្រ ដោយមិនមានការបង្ខំឡើយ ហើយលោកក៏ទម្លាយថា កូនស្រីម្នាក់របស់លោក បានចាក់រួចហើយ។
«បន្ទាប់ពីចាក់វ៉ាក់សាំងលើកដំបូង កូនស្រីរបស់ខ្ញុំមានកម្តៅ៣៨ ហើយថ្ងៃបន្ទាប់ធ្លាក់មក៣៧។ នេះជាចំណុចល្អមួយ»។ លោកបានអះអាងយ៉ាងដូច្នេះ។
កន្លងទៅ រុស្ស៊ី មិនសូវមាត់កប៉ុន្មានឡើយពាក់ព័ន្ធការអភិវឌ្ឍវ៉ាក់សាំងនេះ។ រុស្ស៊ី ក៏ធ្លាប់រងការរិះគន់ថា ធ្លាប់លួចទិន្នន័យពីអង់គ្លេសទាក់ទងការអភិវឌ្ឍវ៉ាក់សាំងនេះ។
ចិន អាមេរិក និងអាល្លឺម៉ង់ជាដើម ក៏កំពុងសាកល្បងវ៉ាក់សាំងដែរ។ ចិន ត្រូវបានមើលឃើញថា នាំមុខគេក្នុងការអភិវឌ្ឍវ៉ាក់សាំងនេះ ដោយវ៉ាក់សាំងរបស់ក្រុមហ៊ុនចិនកំពុងស្ថិតនៅដំណាក់កាលទីបីនៃការអភិវឌ្ឍ។ វ៉ាក់សាំងក្រុមហ៊ុនចិន ត្រូវបានចាក់នៅប្រេស៊ីល៕
លោកបានប្រាប់ទៅសមាជិករដ្ឋាភិបាលលោកថា៖ «តាមដែលខ្ញុំដឹង វ៉ាក់សាំងប្រឆាំងកូវីដ-១៩ ត្រូវបានចុះបញ្ជីនៅព្រឹកនេះហើយនៅរុស្ស៊ី និងជាលើកដំបូងលើពិភពលោក។
មេដឹកនាំរូបនេះ បានបញ្ជាក់ថា ការចាក់វ៉ាក់សាំងធ្វើតាមគោលការណ៍ស្ម័គ្រ ដោយមិនមានការបង្ខំឡើយ ហើយលោកក៏ទម្លាយថា កូនស្រីម្នាក់របស់លោក បានចាក់រួចហើយ។
«បន្ទាប់ពីចាក់វ៉ាក់សាំងលើកដំបូង កូនស្រីរបស់ខ្ញុំមានកម្តៅ៣៨ ហើយថ្ងៃបន្ទាប់ធ្លាក់មក៣៧។ នេះជាចំណុចល្អមួយ»។ លោកបានអះអាងយ៉ាងដូច្នេះ។
កន្លងទៅ រុស្ស៊ី មិនសូវមាត់កប៉ុន្មានឡើយពាក់ព័ន្ធការអភិវឌ្ឍវ៉ាក់សាំងនេះ។ រុស្ស៊ី ក៏ធ្លាប់រងការរិះគន់ថា ធ្លាប់លួចទិន្នន័យពីអង់គ្លេសទាក់ទងការអភិវឌ្ឍវ៉ាក់សាំងនេះ។
ចិន អាមេរិក និងអាល្លឺម៉ង់ជាដើម ក៏កំពុងសាកល្បងវ៉ាក់សាំងដែរ។ ចិន ត្រូវបានមើលឃើញថា នាំមុខគេក្នុងការអភិវឌ្ឍវ៉ាក់សាំងនេះ ដោយវ៉ាក់សាំងរបស់ក្រុមហ៊ុនចិនកំពុងស្ថិតនៅដំណាក់កាលទីបីនៃការអភិវឌ្ឍ។ វ៉ាក់សាំងក្រុមហ៊ុនចិន ត្រូវបានចាក់នៅប្រេស៊ីល៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 16 ម៉ោង
