ពីនេះ ពីនោះ
× កំណាព្យ បទ ជាប់ទង ប៉ាកកាខ្មៅ
ស្នាដៃចាស់ ច្បាស់មិនច្បោល ចោលក្រែងស្តាយ
ខ្មែរទាំងឡាយ កាយវិញមក យករក្សា
មរតកដើម ស្បើមអត្ថរស ខ្ពស់អស្ចារ្យ
រួមរក្សា ស្នាដៃកេរ ស្មេររួមដែរ។
កាព្យមានក្បួន ចួនរណ្តំ ផ្សំណែងណង
ចាស់ចែងចង ក្រងទំនុក ទុកឲ្យខ្មែរ
ទាំងចម្រៀង សៀងស៊ែមសម ក្រមង៉ុយដែរ
សូមកុំប្រែ កែទំនុក ទុកខ្លឹមដើម។
កុំបំបាត់ កាត់បង្វែង ក្រែងលោឃ្លាត
បាត់រសជាតិ ឃ្លាតឃ្លោងឃ្លា ជាដង្ហើម
ទាំងចង្វាក់ ដាក់ឲ្យត្រូវ ផ្លូវចាស់ផ្តើម
មរតកដើម ឆ្នើមថ្លៃថ្លា ថាថាងថែ៕
© រក្សាសិទ្ធិដោយ thmeythmey.com