អន្តរជាតិ
អាគារកម្ពស់៣៣ជាន់ដែលត្រូវភ្លើងឆេះ។ រូបភាព៖AP
×![]()
នៅវេលាយប់ថ្ងៃទី៨ ខែតុលា អាគារស្នាក់នៅកម្ពស់៣៣ជាន់មួយកន្លែងនៅទីក្រុង Ulsan ត្រូវបានភ្លើងឆាបឆេះទាំងស្រុង ហើយមនុស្សចំនួន៨៨នាក់ត្រូវបញ្ជូនទៅកាន់មន្ទីរពេទ្យ និងរាប់រយនាក់ទៀតត្រូវជម្លៀសពីអគារ។ នេះតាមទីភ្នាក់ងារសារព័ត៌មានកូរ៉េខាងត្បូង Yonhap។
សាក្សីដែលឃើញហេតុការណ៍អះអាងថា ភ្លើងចាប់ផ្តើមឆេះពីខាងក្រៅ នឹងដោយសារខ្យល់ខ្លាំងទើបធ្វើឲ្យភ្លើង ឆេះអាគារតែម្តង។ ភ្លើងឆេះអាគារនេះត្រូវ ក្រុមពន្លត់អគ្គិភ័យគ្រប់គ្រងបាន២ម៉ោងក្រោយ ប៉ុន្តែពុំទាន់អាចពន្លត់បានទាំងស្រុងនៅឡើយទេ ដ្បិតអីអណ្តាតភ្លើងឆាបឆេះជាថ្មីនៅពេលមានខ្យល់បក់ខ្លាំងនៅព្រឹកថ្ងៃទី៩ ខែតុលា។
យ៉ាងហោចណាស់ មនុស្ស៨៨នាក់ ត្រូវបានបញ្ជូនឲ្យទៅសម្រាកនៅមន្ទីរពេទ្យ បន្ទាប់ពីស្រូបផ្សែងដែលឆេះក្នុងអាគារ ប៉ុន្តែពុំទាន់មានអ្នកស្លាប់នៅឡើយទេ។ អគ្គិភ័យនេះ ត្រូវបានគេសន្មត់ថា ផ្តើមឡើងនៅជាន់ទី១២ ដែលមានបន្ទប់ស្នាក់នៅចំនួន១២០បន្ទប់ និងហាងលក់ទំនិញមួយចំនួន។
នាយករដ្ឋមន្ត្រីកូរ៉េខាងត្បូង លោក Chung Sye-kyun ទទូចឲ្យអាជ្ញាធរប្រើប្រាស់ធនធានទាំងអស់ដែលមានដើម្បីពន្លត់ភ្លើង និងធានាសុវត្ថិភាពរបស់ប្រជាជន។ រដ្ឋមន្ត្រីក្រសួងមហាផ្ទៃ និងសុវត្ថិភាពកូរ៉េខាងត្បូង លោក Chin Young ក៏បានចុះទៅពិនិត្យស្ថានការណ៍ដល់កន្លែងកើតហេតុផងដែរ៕
Tag:
កូរ៉េខាងត្បូង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
