COVID-19
អន្តរជាតិ
×![]()
ដោយ៖កង ម៉េងហុង
ទីក្រុង Qingdao របស់ប្រទេសចិនបានដាក់ទណ្ឌកម្មលើមន្ត្រីពីររូបពាក់ព័ន្ធការផ្ទុះការឆ្លងជំងឺ COVID-19 ក្នុងទីក្រុងមួយនេះ។ នេះបើតាមការប្រកាសរបស់អាជ្ញាធរទីក្រុងនៅថ្ងៃទី១៥ ខែតុលា។ 
ប្រធានគណៈកម្មការសុខាភិបាលរបស់ទីក្រុងឈីងតាវ ត្រូវព្យួរការងារ ហើយប្រធានមន្ទីរពេទ្យ Qingdao Chest ដែលជាប្រភពករណីឆ្លងថ្មីៗនេះ ត្រូវបានបានបណ្តេញពីតំណែង។ ករណីឆ្លងនេះ បានបញ្ចប់ការគ្មាន COVID 19 ក្នុងប្រទេសអំឡុងពេលជាង ២ ខែមកនេះ។
ទីភ្នាក់ងារព័ត៌មានរដ្ឋចិនXinhua ផ្សាយថា ទីក្រុង Qingdao បានរាយការណ៍ពីករណីឆ្លងថ្មីៗចំនួន ១៣ ដែលភាគច្រើនជាប់ទាក់ទងមន្ទីរពេទ្យ Qingdao Chest ទីដែលអ្នកធ្វើដំណើរឆ្លងមកពីបរទេសមាន COVID-19 ត្រូវបានព្យាបាលនៅក្នុងតំបន់ដាច់ដោយឡែក។ ករណីមួយក្នុងចំណោមករណីទាំងនោះកើតលើកម្មករធ្វើការនៅក្នុងកំពង់ផែដែលបានធ្វើតេស្តវិជ្ជមាន ប៉ុន្តែការវិវត្តរបស់រោគសញ្ញាបានកើតឡើងបន្ទាប់ពីឆ្លងប្រហែល ២០ ថ្ងៃ។
ទីក្រុងឈីងតាវ បានប្រកាសនៅសប្តាហ៍នេះថា ខ្លួននឹងធ្វើតេស្តប្រជាជនរបស់ខ្លួនទាំងអស់ចំនួន ៩ លាននាក់ក្នុងរយៈពេល ៥ ថ្ងៃ។ របាយការណ៍ចុងក្រោយបានបង្ហាញថា ប្រជាជនជាង ៧ លានមានលទ្ធផលអវិជ្ជមាន។
ចិនបានចាត់វិធានការយ៉ាងម៉ឺងម៉ាត់ដើម្បីទប់ស្កាត់ការរីករាលដាលវីរុសដូចជាការធ្វើយុទ្ធនាការធ្វើតេស្តទ្រង់ទ្រាយធំនៅពេលដែលលេចចេញនៅការឆ្លងជាចង្កោម។ ជាមួយវិធានការតឹងរ៉ឹង ចិនអាចគ្រប់គ្រងករណីឆ្លងជាទូទៅបាន។
ចំនួនករណីឆ្លង COVID 19 នៅចិនដីគោកមានចំនួន ៨៥,៦២២ នាក់ និងមានអ្នកស្លាប់ចំនួន ៤,៦៣៤ នាក់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
