COVID-19
ជាតិ
កូវីដ-១៩៖ ករណីទី៣០៨នៅកម្ពុជា គឺស្ត្រីខ្មែរ-អាមេរិកអាយុ៦២ឆ្នាំដែលទើបមកពីសហរដ្ឋអាមេរិក
× ក្រសួងសុខាភិបាលនាព្រឹកថ្ងៃសៅរ៍ ទី២៨ ខែវិច្ឆិកា នេះ បានប្រកាសពីករណីវិជ្ជមានកូវីដ-១៩ មួយករណីទៀតនៅកម្ពុជា ដែលជាករណីទី៣០៨។ ជាមួយគ្នានេះ អ្នកជំងឺម្នាក់ទៀត បានជាសះស្បើយ ដែលរក្សាចំនួនអ្នកបន្តព្យាបាលនៅ៩នាក់។
ស្ត្រីខ្មែរអាមេរិក អាយុ៦២ឆ្នាំ ដែលមានអាសយដ្ឋាននៅសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ បានតេស្តឃើញវិជ្ជមានក្រោយមកដល់កម្ពុជានាថ្ងៃទី២៦ ខែវិច្ឆិកា។ គាត់បានធ្វើដំណើរពីសហរដ្ឋអាមេរិក ហើយបន្តជើងហោះហើរពីកូរ៉េខាងត្បូងជាមួយមនុស្ស៧៣នាក់ទៀត។ អ្នកផ្សេងទៀតដែលអវិជ្ជមានត្រូវធ្វើចត្តាឡីស័ក១៤ថ្ងៃ នៅសណ្ឋាគារផ្សេងៗគ្នា ខណៈអ្នកជំងឺត្រូវសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
រីឯករណីសះស្បើយ គឺស្ត្រីអាមេរិកអាយុ៣៥ឆ្នាំ។
បច្ចុប្បន្ន អ្នកជំងឺកូវីដ-១៩នៅកម្ពុជា មាន៣០៨ករណី ក្នុងនោះសះស្បើយ២៩៩ករណី ហើយអ្នកជំងឺ៦នាក់បន្តព្យាបាលនៅពេទ្យមិត្តភាពខ្មែរ-សូវៀត និង៣នាក់ទៀត នៅមណ្ឌលសុខភាពចាក់អង្រែ៕
© រក្សាសិទ្ធិដោយ thmeythmey.com