COVID-19
ជាតិ
សេដ្ឋកិច្ច
អឺរ៉ុបផ្តល់ថវិកា៣,៤៥លានដុល្លារបន្ថែមដល់កម្ពុជា សម្រាប់ដោះស្រាយបញ្ហាកូវីដ-១៩
កុមារាម្នាក់ ពាក់ម៉ាស់ និងកំពុងលាងដៃ ដើម្បីបង្ការខ្លួបពីការឆ្លងជំងឺកូវីដ_១៩។ រូបថត៖ EU
×![]()
ភ្នំពេញ៖ សហភាពអឺរ៉ុប (EU) ផ្តល់មូលនិធិជាទឹកប្រាក់ចំនួន២,៨៥លានអឺរ៉ូ ដែលស្មើនឹង៣,៤៥លានដុល្លារអាមេរិក ដល់កម្ពុជា សម្រាប់ដោះស្រាយបញ្ហានៃវិបត្តិកូវីដ-១៩ (COVID-19)។ នេះបើតាមការចុះផ្សាយរបស់ស្ថានទូតសហភាពអឺរ៉ុបប្រចាំកម្ពុជា។
ទំហំទឹកប្រាក់នេះ គឺជាជំនួយលើកទី២របស់សហភាពអឺរ៉ុបមកកាន់កម្ពុជា ដែលកន្លងមកសហភាពអឺរ៉ុបបានផ្តល់ជំនួយប្រមាណ៦០លានដុល្លារអាមេរិកសម្រាប់ដោះស្រាយបញ្ហាកូវីដ-១៩នៅកម្ពុជា។
កាលពីថ្ងៃទី៤ធ្នូ ឆ្នាំ២០២០ សហភាពអឺរ៉ុបប្រចាំកម្ពុជាបានប្រកាស ផ្តល់មូលនិធិជាទឹកប្រាក់សរុប២០លានអឺរ៉ូ (ប្រមាណ២៤លានដុល្លារ) សម្រាប់គាំទ្រដល់ប្រព័ន្ធសុខាភិបាល ក្នុងសហគមន៍អាស៊ាន។ ក្នុងនោះ កម្ពុជាទទួលបានជំនួយពីសហភាពអឺរ៉ុបចំនួន ៣,៤៥លានដុល្លារ។
បើតាមសហភាពអឺរ៉ុប ការផ្តល់ជំនួយនេះគឺជាកម្មវិធីថ្មីមួយដើម្បីជួយគាំទ្រ ដល់ប្រព័ន្ធសុខាភិបាលក្នុងតំបន់អាស៊ាន។ កម្មវិធីឆ្លើយតបនឹងការត្រៀមបង្ការជំងឺរាតត្បាត នៅតំបន់អាស៊ីអាគ្នេយ៍ នឹងត្រូវអនុវត្តកម្មវិធីដោយអង្គការសុខភាពពិភពលោក ដោយធ្វើការយ៉ាងជិតស្និទ្ធជាមួយអាជ្ញាធរជាតិនិង លេខាធិការដ្ឋានអាស៊ាន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
