ក្រុម Manchester United បានធ្លាក់ចេញពីក្របខណ្ឌ UEFA Champions League ត្រឹមវគ្គចែកពូល បន្ទាប់ពីចាញ់ RasenBallsport Leipzig ក្នុងជំនួបចុងក្រោយ ដោយលទ្ធផល ៣-២។ Man Utd សល់កៅអីលេងនៅ Europa League វគ្គ៣២ក្រុម ក្រោយបញ្ចប់ក្នុងចំណាត់ថ្នាក់ទី៣ពូល H។
នាជំនួបចុងក្រោយពូល H ក្នុងកីឡដ្ឋាន Red Bull Arena Leipzig នៅរាត្រីថ្ងៃទី៨ ខែធ្នូ ក្រុមម្ចាស់ផ្ទះ RB Leipzig ដែលត្រូវការឈ្នះជាចាំបាច់បានបើកការវាយសម្រុកយ៉ាងខ្លាំងក្លារហូតធ្វើបានសម្រេច២គ្រាប់នាំមុខ Man Utd មុននៅវគ្គទី១។ Angelino ជាអ្នករកគ្រាប់ដំបូងនៅនាទីទី២ មុនពេល Amadou Haidara បន្ថែគ្រាប់ទី២នៅ១១នាទីបន្ទាប់។
ចូលដល់វគ្គទី២ ក្រុមរបស់អាល្លឺម៉ង់នៅតែអាចរកគ្រាប់បាល់បន្ថែមទៀតដែលជាគ្រាប់ទី៣របស់ពួកគេនៅនាទី៦៩។ នៅនាទី៨០ ក្រុមភ្ញៀវបិសាចក្រហមរកបាន១គ្រាប់វិញដោយការពិន័យ១១ម៉ែត្រពីកីឡាករ Bruno Fernandes និង Paul Pogba រកគ្រាប់ទី២នៅ២នាទីបន្ទាប់។ចប់ការប្រកួត RB Leipzig ឈ្នះ Man Utd ៣-២។
តាមរយៈជ័យជម្នះនេះ គ្រប់គ្រាន់ដើម្បីនាំ RB Leipzig ឡើងទៅវគ្គ១៦ក្រុមចុងក្រោយក្របខណ្ឌអឺរ៉ុបរដូវកាលនេះ ខណៈក្រុមលោក Ole Gunnar Solskjaer ដែលត្រូវការត្រឹមស្មើក្នុងជំនួបនេះ អស់ឱកាសទៅវគ្គបន្តហើយ។ យ៉ាងណាក៏ដោយ ក្រុមបិសាចក្រហមនៅសល់កៅអីលេងនៅក្របខណ្ឌទី២ Europa League វគ្គ៣២ក្រុមបន្តទៀត ដ្បិតទទួលបានលេង៣ក្នុងពូល។
ឆ្លងកាត់ការប្រកួត៦លើក RB Leipzig ឈរកំពូលតារាងពួល H បណ្តោះអាសន្នមាន១២ពិន្ទុ ឯ Man Utd រកបាន៩ពិន្ទុ។ Paris Saint-Germain នៅឈរលេខ២ មាន៩ពិន្ទុ ពីការប្រកួត៥លើក បានកៅអីទៅវគ្គបន្តដោយស្វ័យប្រវត្តិ បើទោះប្រកួតចុងក្រោយរបស់ពួកគេទល់ Istanbul Basaksehir ត្រូវបានពន្យារពេលនៅពាក់កណ្តាលទី ដោយសារកីឡាកររបស់ Istanbul ដើរចេញពីទីលានក្តី។
មូលហេតុដែលបណ្តាលឲ្យមានការផ្អាកការប្រកួតនេះ កើតឡើងបន្ទាប់ពី មន្ត្រីការដឹកនាំការប្រកួតនេះត្រូវបានចោទប្រកាន់ពីបទប្រើពាក្យប្រកាន់ជាតិសាសន៍ទៅកាន់ជំនួយការគ្រូបង្វឹកក្រុម Istanbul លោក Pierre Webo។ ក្រោយករណីនេះ កីឡាកររបស់ក្រុមតួកគីបានដើរចញពីទីលានបន្ទាប់ពីប្រកួតបានរយៈពេល ១៤នាទី។
ការប្រកួតរវាងក្រុមទាំងពីរនឹងត្រូវបន្តវិញនៅកីឡដ្ឋាន Parc des Princes ក្នុងក្រុងប៉ារីស នៅយប់ថ្ងៃទី៩ ខែធ្នូ ដោយគិតចាប់ពីនាទីទី១៤តទៅ៕
លទ្ធផលជំនួបផ្តាច់ព្រ័ត្រតាមពូលដទៃទៀត៖
ពូល E
Chelsea ១-១ FC Krasnodar
Rennes ១-៣ Sevilla
ពូល F
Lazio ២-២ Club Brugge
Zenit St. Petersburg ១-២ Borussia Dortmund
ពូល G
Barcelona ០-៣ Juventus
Dynamo Kyiv ១-០ Ferencvaros