U23 កម្ពុជា ស្គាល់រសជាតិឈ្នះក្រុមម្ចាស់ផ្ទះជាលើកដំបូងបំផុត

ជាតិ

កីឡាជាតិ

U23 កម្ពុជា ស្គាល់រសជាតិឈ្នះក្រុមម្ចាស់ផ្ទះជាលើកដំបូងបំផុត

22, Nov 2013 , 11:45 pm

រូបភាព

ខ្សែប្រយុទ្ធ ចាន់ វឌ្ឍនាកា ដែលបានស៊ុតបាល់បញ្ចូលទីនាំជ័យជម្នះ

ដោយ:

ទីបំផុតក្រុម U23 កម្ពុជា ក្រោមការដឹកនាំលើកទី២ របស់លោកគ្រូបង្វឹកកូរ៉េខាងត្បូង Lee Tae Hoon បានស្គាល់ពាក្យថា«ឈ្នះ» ហើយ ក្នុងការប្រកួតជាលក្ខណៈអន្តរជាតិ ពោលគឺយកឈ្នះក្រុម U23 សិង្ហបុរី ដោយលទ្ធផល ១ – ០ នៅយប់ថ្ងៃទី ២២ វិច្ឆិកា នេះ ដែលប្រកួតនៅកីឡដ្ឋាន Jalan Besar Stadium ប្រទេសសិង្ហបុរី។

គ្រាប់បាល់ជ័យជម្នះ ១ គ្រាប់នៅក្រៅដីរបស់កម្ពុជារកបានដោយដោយថ្វីជើងខ្សែប្រយុទ្ធវ័យក្មេង ចាន់ វឌ្ឍនាកា សមាជិករបស់ក្លិបបឹងកេត នៅនាទីទី ៧៣ នៃការប្រកួត បន្ទាប់ពីមិត្តរួមក្រុម សុខ ផេង បញ្ជូនបាល់អោយ។

ពិតណាស់នេះ ជាការប្រកួតមិត្តភាពកំដៅសាច់ដុំ ហើយម្ចាស់ផ្ទះសិង្ហបុរី បានដាក់ឈុតទី២ (U23 Team B) របស់ខ្លួនឲ្យចូលលេង ប៉ុន្តែជ័យជម្នះពិតជាមានន័យណាស់សម្រាប់ក្រុម U23 ឬឈុតស៊ីហ្គេមរបស់កម្ពុជា ដែលទទួលបានកំណត់ត្រាដំបូងបំផុតក្នុងការបំបាក់ក្រុមដែលជាម្ចាស់ផ្ទះ។

នៅថ្ងៃទី ២៤ វិច្ឆិកា ខាងមុខ ក្រុមកម្ពុជាឈុតធំនឹងប្រកួតជាមួយក្រុម ឈុតធំរបស់សឹង្ហបុរី វេលាម៉ោង ៦:៣០ នាទី នៅទីលានដដែលមុនធ្វើដំណើរត្រឡប់មកប្រទេសកំណើតវិញ។ ការប្រកួតនេះ នឹងស្ថិតនៅក្នុងកំណត់ត្រារបស់សហព័ន្ធកីឡាបាល់ទាត់អន្តរជាតិ (FIFA)។

សូមបញ្ជាក់ថាផងដែរថា យោងតាមកំណត់ត្រារបស់ FIFA ក្រុមជម្រើសជាតិកម្ពុជាធ្លាប់មានប្រវត្តិឈ្នះក្រុមដែលជាម្ចាស់ផ្ទះតែពីរដងប៉ុណ្ណោះក្នុងប្រវត្តិសាស្ត្ររបស់ខ្លួន ពោលគឺឈ្នះកូរ៉េខាងត្បូង ១-០ កាលពីឆ្នាំ១៩៧៤ និងឈ្នះវៀតណាមខាងត្បូង ២-១ កាលពីឆ្នាំ១៩៧២ ៕

Photos credit: axrosstheline.com

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

2 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

4 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

4 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

5 ថ្ងៃ

«នាំអាត» និង«នាំអាទិ៍»មួយណាត្រឹមត្រូវ?

1 សប្តាហ៍

អត្ថបទពេញនិយមបន្ថែម