អត្ថបទពាណិជ្ជកម្ម
ដាប់ប៊ែលយូប៊ី ហ្វាយនែន បរិច្ចាគថវិកាចំនួន ៥ ម៉ឺនដុល្លារអាមេរិកជូនដល់រាជរដ្ឋាភិបាលកម្ពុជាដើម្បីទិញវ៉ាក់សាំងការពារជំងឺ COVID-19
×![]()
ដោយ: សារព័ត៌មានថ្មីៗ
(ភ្នំពេញ)៖ ដាប់ប៊ែលយូប៊ី ហ្វាយនែន ជាសមាជិកគ្រួសាររបស់ធនាគារអ៊ូរី ប្រទេសកូរ៉េ បានបរិច្ចាគថវិកាចំនួន ៥ ម៉ឺនដុល្លារអាមេរិក ជូនដល់រាជរដ្ឋាភិបាលកម្ពុជា ដើម្បីទិញវ៉ាក់សាំងការពារជំងឺកូវីដ-១៩។
បន្ថែមលើសពីនេះទៀត ដាប់ប៊ែលយូប៊ី ហ្វាយនែន ក៏បានបង្កើតការបរិច្ចាគក្នុងការជួយប្រមូលថវិកា ដើម្បីចូលរួមជាមួយរាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងជំងឺឆ្លងកូវីដ-១៩ សម្រាប់ប្រជាជនកម្ពុជា នាពេលកន្លងមកដែរ។
អតិថិជន និងសាធារណជន ដែលមានបំណងចូលរួមបរិច្ចាគថវិកា អាចបរិច្ចាគ តាមរយៈសេវាធនាគារចល័តរបស់ ដាប់ប៊ែលយូប៊ី ហ្វាយនែន ឬប្រព័ន្ធទូទាត់បាគង ដោយផ្ទេរប្រាក់បរិច្ចាគ ទៅកាន់គណនីណាមួយខាងក្រោម៖ គណនីប្រាក់រៀល៖ 15892447 ឬ គណនីប្រាក់ដុល្លារ៖ 15892439 (Vaccination for Covid-19 Fund)។
ដាប់ប៊ែលយូប៊ី ហ្វាយនែន ប្តេជ្ញាចិត្តក្នុងការចូលរួមចំណែក និងទំនួលខុសត្រូវក្នុងសង្គមដើម្បីជួយដល់ប្រជាជនកម្ពុជា ក្នុងពេលរាតត្បាតនៃជំងឺឆ្លងនេះ។
គួរបញ្ជាក់ផងដែរថា ដើម្បីធានាបាននូវការការពារបុគ្គលិក និងអតិថិជនរបស់ខ្លួន ពីជំងឺឆ្លងកូវីដ-១៩ ដាប់ប៊ែលយូប៊ី ហ្វាយនែន បាននិងកំពុងអនុវត្តវិធានការសុវត្ថិភាពផ្សេងៗសម្រាប់អតិថិជន និងបុគ្គលិកទាំងអស់មានដូចជា ការត្រួតពិនិត្យវាស់ស្ទង់សីតុណ្ហភាព មុនចូលក្នុងអគារ ឬការិយាល័យ ការលាងសម្អាតដៃជាញឹកញាប់ ជាមួយជែល ឬ អាល់កុលលាងដៃ ការពាក់ម៉ាស់ និងការរក្សាគម្លាតនៃការប្រាស្រ័យទាក់ទងគ្នាផ្សេងៗ។
ថ្នាក់ដឹកនាំ និងបុគ្គលិកទាំងអស់របស់ ដាប់ប៊ែលយូប៊ី ហ្វាយនែន សូមជូនពរលោកអ្នកមានសុវត្ថិភាព សុខភាពល្អ និងជៀសផុតពីជំងឺឆ្លងកូវីដ-១៩។ នេះគឺជាពេលវេលាពិសេសមួយដែលចាំបាច់ត្រូវការសកម្មភាពត្រៀមបង្ការទុកជាមុនរបស់យើង ដើម្បីការពារខ្លួនយើង គ្រួសារយើង ក៏ដូចជាសង្គមជាតិយើង៕
សូមចូលរួមទប់ស្កាត់ការឆ្លងរាលដាលនៃជំងឺកូវីដ១៩ទាំងអស់គ្នា!
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
