COVID-19
ជាតិ
កូវីដ-១៩៖ កម្ពុជាគ្មានករណីឆ្លងថ្មី៥ថ្ងៃជាប់គ្នា ខណៈអ្នកជំងឺនៅសល់១៧នាក់
× ភ្នំពេញ៖ រយៈ៥ថ្ងៃជាប់គ្នាហើយ ដែលកម្ពុជាមិនបានរកឃើញករណីឆ្លងថ្មីនៃជំងឺកូវីដ-១៩ ។ ស្របពេលដែលបច្ចុប្បន្ន អ្នកជំងឺដែលកំពុងសម្រាកព្យាបាល សល់តែ១៧នាក់ប៉ុណ្ណោះ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល ដែលចេញផ្សាយរៀងរាល់ព្រឹក។
ក្រសួងសុខាភិបាល បានប្រកាសនៅថ្ងៃទី២០ ធ្នូនេះថា មិនមានករណីឆ្លងថ្មី ហើយក៏មិនទាន់មានអ្នកជាសះស្បើយជំងឺកូវីដ-១៩ បន្ថែមទៀតដែរ។ សូមជម្រាបថា គិតត្រឹមថ្ងៃទី២០ធ្នូ កម្ពុជាមានករណីឆ្លងកូវីដ-១៩ សរុប ៣៦២ករណី ក្នុងនោះបានជាសះស្បើយចំនួន ៣៤៥នាក់ហើយ។ ក្នុងចំណោមអ្នកជំងឺ ១៧នាក់ ដែលកំពុងសម្រាកព្យាបាល មាន១៣នាក់សម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ២នាក់ នៅមណ្ឌលសុខភាពចាក់អង្រែ និង២នាក់ទៀត នៅមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន៕
© រក្សាសិទ្ធិដោយ thmeythmey.com