COVID-19
ជាតិ
អ្នកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល
×![]()
ភ្នំពេញ៖ ក្រសួងសុខាភិបាលនាព្រឹកថ្ងៃទី២១ ខែធ្នូ បានប្រកាសរកឃើញករណីវិជ្ជមានកូវីដ-១៩ម្នាក់ទៀត លើស្ត្រីជនជាតិខ្មែរ-អាមេរិក ។ ស្ត្រីរូបនេះទើបមកពីអាមេរិក ហើយមកដល់កម្ពុជា នៅថ្ងៃទី២០ ខែធ្នូ ។ បច្ចុប្បន្នស្ត្រីនោះ កំពុងសម្រាកព្យាបាលនៅមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន។ 
ក្រសួងសុខាភិបាលបានបញ្ជាក់ថា ស្ត្រីជនជាតិខ្មែរ-អាមេរិកាំងនោះអាយុ៥៥ឆ្នាំ ស្នាក់នៅសណ្ឋាគារមួយកន្លែងនៅក្នុងរាជធានីភ្នំពេញ។ បើតាមក្រសួងសុខាភិបាល អ្នករួមដំណើរជាមួយស្ត្រីនោះចំនួន៤៣នាក់ទៀតក៏បានធ្វើតេស្តរួចហើយ ដោយពួកគេអវិជ្ជមានទាំងអស់។ ប៉ុន្តែពួកគេក៏នៅតែបន្តធ្វើចត្តាឡីស័កឲ្យគ្រប់១៤ថ្ងៃផងដែរ ដោយ៣៦នាក់ស្នាក់នៅក្នុងសណ្ឋាគារមួយកន្លែង ហើយ៧នាក់ស្នាក់នៅវិទ្យាល័យបុរី១០០ខ្នង។ ថ្ងៃនេះក្រសួងសុខាភិបាលក៏បានប្រកាសគ្មានករណីជាសះស្បើយឡើយ។
គិតត្រឹមថ្ងៃទី២១នេះ ក្រសួងសុខាភិបាល នៅសល់សំណាកអ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា តែ២៣សំណាកទៀតប៉ុណ្ណោះ ដែលមិនទាន់វិភាគរួចរាល់ ដោយសំណាកទាំងនោះនឹងបន្តវិភាគនៅថ្ងៃនេះ។
ក្នុងចំណោមអ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកាទាំងអស់ គឺក្រសួងសុខាភិបាលបានរកឃើញតែមនុស្ស៤១នាក់ដែលឆ្លងកូវីដ-១៩។ រហូតមកដល់ថ្ងៃនេះ អ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា ចំនួន៣០នាក់ហើយ ដែលបានជាសះស្បើយពីជំងឺកូវីដ-១៩។ នៅសល់តែ១១នាក់កំពុងបន្តព្យាបាល។
កម្ពុជាមានអ្នកឆ្លងកូវីដ-១៩ ចំនួន៣៦៣នាក់ ជាសះស្បើយ៣៤៥នាក់ និងនៅសល់១៨នាក់ទៀត កំពុងព្យាបាលនៅមន្ទីរពេទ្យមិត្តភាពខ្មែរ-សូវៀត មណ្ឌលសុខភាពចាក់អង្រែ និងមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន៕
Tag:
COVID-19
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
