COVID-19
ជាតិ
លោកស្រី ឱ វណ្ណឌីន អ្នកនាំពាក្យក្រសួងសុខាភិបាល
×![]()
ភ្នំពេញ៖ ក្រសួងសុខាភិបាលនាថ្ងៃទី២២ ខែធ្នូ បានប្រកាសមានករណីជាសះស្បើយចំនួន២នាក់ ដោយម្នាក់ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា និងម្នាក់ទៀតជាអ្នកដំណើរមកពីប្រទេសចិន។ ក្រសួងសុខាភិបាលក៏ប្រកាសថាគ្មានករណីឆ្លងថ្មីឡើយ។
ក្រសួងសុខាភិបាល បានបញ្ជាក់ថា អ្នកជាសះស្បើយចំនួន២នាក់នេះ ដោយម្នាក់ជាស្ត្រីជនជាតិខ្មែរ អាយុ៣២ឆ្នាំ ស្នាក់នៅបុរី លឹម ឈាងហាក់ សង្កាត់វាលស្បូវ ខណ្ឌច្បារអំពៅ ជាអ្នកពាក់ព័ន្ធក្នុងព្រឹត្តិការណ៍សហគមន៍២៨វិច្ឆិកា និងម្នាក់ទៀតជាបុរសជនជាតិខ្មែរអាយុ ៧៥ឆ្នាំ ស្នាក់នៅសង្កាត់ផ្សារថ្មី ខណ្ឌដូនពេញ រាជធានីភ្នំពេញ ជាអ្នកដំណើរមកពីប្រទេសចិន ហើយមកដល់កម្ពុជានៅថ្ងៃទី២០ ខែវិច្ឆិកា។
ចំពោះអ្នកជំងឺដែលឆ្លងកូវីដ-១៩ក្នុងព្រឹត្តិការណ៍២៨វិច្ឆិកាទាំងអស់មានចំនួន៤១នាក់ ក្នុងនោះជាសះស្បើយចំនួន៣១នាក់ និងនៅសល់១០នាក់កំពុងបន្តព្យាបាល។
បច្ចុប្បន្នកម្ពុជាមានអ្នកឆ្លងជំងឺកូវីដ-១៩ចំនួន៣៦៣នាក់ ក្នុងនោះជាសះស្បើយ៣៤៧នាក់ ។ ចំណែកអ្នកជំងឺនៅសល់១១នាក់ទៀត កំពុងបន្តព្យាបាលនៅមន្ទីរពេទ្យមិត្តភាពខ្មែរ-សូវៀត , រីឯ២នាក់ព្យាបាលនៅមណ្ឌលសុខភាពចាក់អង្រែ និង៣នាក់ទៀតព្យាបាលនៅមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន៕
Tag:
COVID-19
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
