COVID-19
ជាតិ
សម្តេច ហ៊ុន សែន៖ ត្រូវកំណត់លើស្តង់ដារសុវត្ថិភាព ជាជាងគិតតែចំនួនមនុស្ស
× ពហុកីឡដ្ឋានជាតិដែលមានទំហំធំ ពិតជាមិនត្រឹមត្រូវឡើយក្នុងការកំណត់មនុស្សជួបជុំក្រោម១០០នាក់។ នេះជាការលើកឡើងរបស់សម្តេចនាយករដ្ឋមន្ត្រី ហ៊ុន សែន តាមរយៈការថ្លែងសារពិសេសពីទីក្រុងតាខ្មៅ ខេត្តកណ្តាល នាព្រឹកនេះ។
ករណីកំណត់ការជួបជុំក្រោម១០០នាក់ មិនអាចយកទៅអនុវត្តបាននៅគ្រប់ទីតាំងនោះឡើយ ព្រោះទីតាំងខ្លះតូច ទីតាំងខ្លះធំ ដូច្នេះប្រមុខរដ្ឋាភិបាល បានតម្រូវឲ្យគិតទៅលើស្តង់ដារគម្លាតសុវត្ថិភាព១ម៉ែត្រកន្លះ ជាជាងគិតលើបរិមាណមនុស្ស។
ករណីអាពាហ៍ពិពាហ៍អាចរៀបចំបាន ដោយមួយតុ ត្រូវបន្ថយពី១០នាក់ មកនៅត្រឹម៥នាក់ ហើយជាមួយគ្នា សម្តេចបានរំលឹកឲ្យពលរដ្ឋបន្តគោរពគម្លាតសុវត្ថិភាព។ «ពេលប្រជុំអង្គុយឃ្លាតគ្នា ប៉ុន្តែពេលចេញប្រជ្រៀតគ្នាចេញ»។ នេះជាការកត់សម្គាល់របស់សម្តេច ហ៊ុន សែន៕
© រក្សាសិទ្ធិដោយ thmeythmey.com