COVID-19
ជាតិ
×![]()
ដោយ: ផាត ដាណេ
ភ្នំពេញ៖ លោក អ៊ិន សំណាង ជាកសិករចិញ្ចឹមបង្កងអូស្ត្រាលីម្នាក់ ក្នុងសង្កាត់វាលស្បូវ ខណ្ឌច្បារអំពៅ រាធានីភ្នំពេញ។ ក្រៅពីអាជីពនេះ លោក សំណាង បានឆ្លៀតពេលដាំដំណាំជាច្រើនប្រភេទនៅក្រោយផ្ទះ ដើម្បីបរិភោគនៅក្នុងគ្រួសារផងដែរ។ កសិកររូបនេះ ក៏លើកទឹកចិត្តឲ្យពលរដ្ឋ ឆ្លៀតពេលដាំបន្លែនៅក្រោយផ្ទះ ឬទីធ្លាទំនេរ ដូចលោកផងដែរ។
សូមអញ្ជើញលោកអ្នកនាង ទស្សនាបទសម្ភាស រវាង កញ្ញា ផាត ដាណេ អ្នកសារព័ត៌មាន ThmeyThmey25 និងលោក អ៊ិន សំណាង អ្នកដាំបន្លែនៅផ្ទះដូចតទៅ៖
មិនមែនទើបតែដាំដំណាំនៅផ្ទះ ពេលកើតមានជំងឺកូវីដ-១៩ទេ លោក សំណាង បានដាំដំណាំទាំងអស់នេះរយៈពេល៥មកហើយ។ ក្នុងបរិបទកូវីដ-១៩នេះ រឹតតែជំរុញទឹកចិត្ត ឲ្យលោកពង្រីកការដាំកាន់តែច្រើនបន្ថែមទៀត។ ផ្ទះរបស់លោក មានដំណាំច្រើនប្រភេទដូចជា ត្រកួន ស្ពៃខ្មៅ ននោង ត្រឡាច រមៀត ស្លឹកគ្រៃ ជីគ្រប់មុខ ម្ទេស និងស្លឹកតើយ ជាដើម។ ដំណាំទាំងនេះ លក់មិនធ្វើអាជីវកម្មឡើយ តែលោក តែងចែកជូនពលរដ្ឋដែលនៅក្បែរផ្ទះ អតិថិជនដែលមកទិញបង្កងលោក និងមិត្តភក្ដិរបស់លោក។
លោក អ៊ិន សំណាង បានប្រាប់ThmeyThmey25 ដូច្នេះថា៖«ការដាំបន្លែនេះ ជាចំណង់ចំណូលចិត្តរបស់ខ្ញុំយូរហើយ។ ការដាំនេះ ជាលក្ខណៈគ្រួសារ មិនធំអ្វីទេ»។
លោក បន្តថា ដំណាំទាំងនេះ លោក ដាំដោយប្រើ ជីអាចម៍គោ កាកសំណល់ផ្ទះបាយ និងអតិសុខុមប្រាណ សម្រាប់ស្រោចស្រពលើដំណាំ។ លោក សំណាង ឆ្លើយដោយរីករាយដូច្នេះថា បន្ទាប់ពីឃើញដំណាំរបស់លោក មិត្តភក្ដិដែលរស់នៅក្នុងផ្ទះបុរី បានសួរនាំពីបច្ចេកទេសដាំ និងបានដាំដំណាំនៅផ្ទះដូចជារូបលោកផងដែរ។
បុរសវ័យ៤៩ឆ្នាំរូបនេះ សប្បាយចិត្តជាមួយការងារដំណាំមួយនេះណាស់ លោក បានចាត់ទុកការងារនេះជារឿងសំខាន់ក្នុងជីវិតរបស់លោក ព្រោះនៅពេលធ្វើវា ដូចជាការប្រាណ ហើយទទួលបានដំណាំសុវត្ថិភាពមួយសម្រាប់បរិភោគក្នុងគ្រួសារដោយមានទំនុកចិត្ត៕
Tag:
អ៊ិន សំណាង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
