បទយកការណ៍ / បទសម្ភាសន៍
ជាតិ
កីឡាជាតិ
×![]()
×![]()
×![]()
×![]()
×![]()
Aleksandar Duric អតីតកីឡាករជម្រើសជាតិសិង្ហបុរីដើមកំណើតបូស្ន៊ី បានមកកាន់ប្រទេសកម្ពុជាកាលពីចុងសប្តាហ៍មុនក្រោមការរៀបចំរបស់សណ្ឋាគារណាហ្គាវើល ដើម្បីចែករំលែកបទពិសោធន៍របស់ខ្លួនដល់ក្រុមកីឡាករបាល់ទាត់ជម្រើសជាតិអាយុក្រោម១៩ឆ្នាំរបស់កម្ពុជា ក្រុមយុវជនភ្នំពេញក្រោន និងក្លិប ណា ហ្គាខប។ ខ្សែប្រយុទ្ធជើងចាស់វ័យ៤៣ឆ្នាំរូបនេះ ដែលកំពុងលេងឲ្យក្លិប Tampines Rovers បានបទសម្ភាសដល់លោក អ៊ឹង ចំរើន អ្នកយកព័ត៌មានគេហទំព័រថ្មីៗ ជុំវិញវត្តមានជាលើកដំបូងរបស់គាត់នៅកម្ពុជា រួមទាំង ការយល់ឃើញនានារបស់លោកលើព្រឹត្តិការណ៍កីឡាស៊ីហ្គេម និង World Cup នាពេលខាងមុខ។
តើលោកចាប់អារម្មណ៍អ្វីខ្លះលើបាល់ទាត់កម្ពុជាក្នុងដំណើរទស្សនកិច្ចរបស់លោកជាលើកដំបូងនៅទីនេះ?
Duric៖ ខ្ញុំពិតមានជាក្តីសប្បាយរីករាយណាស់ដែលបានចែករំលែកពិសោធន៍បាល់ទាត់របស់ខ្ញុំដល់យុវជនកម្ពុជា។ ខ្ញុំជឿជាក់ពួកគេមួយចំនួននឹងក្លាយជាកីឡាករបាល់ទាត់ឆ្នើមក្នុងក្រុមជម្រើសជាតិកម្ពុជា។ ប៉ុន្តែអ្វីដែលយើងត្រូវចោទសួរនៅពេលនេះ គឺថា តើពួកគេប៉ុន្មាននឹងផ្តោតទៅលើអាជីពជាកីឡាករបាល់ទាត់។ វាមិនមែនជាការងាយស្រួលនោះឡើយ ពីព្រោះយុវជនត្រូវរៀនច្រើនបន្ថែមទៀត។ ខ្ញុំសង្កេតឃើញថា យុវជនកម្ពុជា មានគ្រូល្អ គ្រូជំនួយល្អ ដូច្នេះ ពួកគេនឹងបោះជំហានទៅមុខ។
លោកធ្លាប់ប្រកួតជាមួយក្រុមជម្រើសជាតិកម្ពុជាជាច្រើនលើក តើលោកមានការយល់ឃើញយ៉ាងណាចំពោះក្រុមជម្រើសជាតិមួយនេះ?
Duric៖ [សើច!] ខ្ញុំធ្លាប់មានអនុស្សាវរីយ៍ដ៏ជូរចត់មួយ គឺខ្ញុំបានរងរបួសយ៉ាងធ្ងន់ធ្ងរនាជំនួបជាមួយក្រុមជម្រើសជាតិកម្ពុជាកាលពីឆ្នាំ២០០៨ [នាព្រឹត្តិការណ៍ AFF Suzuki Cup] បន្ទាប់ពីបានចូលលេងត្រឹមតែ២៥នាទី។ នេះហើយជាបាល់ទាត់។ ខ្ញុំគិតថា ជម្រើសជាតិកម្ពុជាមានតែការរីកចម្រើនទៅមុខតែប៉ុណ្ណោះ ជាពិសេសការចូលរួមពីដៃគូរវិនិយោគក្នុងវិស័យបាល់ទាត់។ ដៃគូរឧបត្ថម្ភគឺពិតជាមានសារសំខាន់ក្នុងណាស់។ បាល់ទាត់គឺជាជាកីឡាលេខមួយលំដាប់ពិភពលោក ដូច្នេះកម្ពុជានឹងមានការរីកចម្រើននៅពេលដែលយុវជនជំនាន់ក្រោយទទួលបាននូវការផ្គត់ផ្គង់ត្រឹមត្រូវ។
សម្រាប់ព្រឹត្តិការណ៍កីឡាស៊ីហ្គេមនាពេលខាងមុខ តើលោកគិតថាក្រុមណាដែលគួរឲ្យចាប់អារម្មណ៍?
Duric ៖ ដូចខ្ញុំបានបញ្ជាក់ហើយ ម្ចាស់ផ្ទះមីយ៉ាន់ម៉ា និងម៉ាឡេស៊ី នឹងបោះជំហានទៅមុខ ជាពិសេសមីយ៉ាន់ម៉ាដែលមានក្រុមអ្នកគាំទ្រដ៏ងុបងល់ជាច្រើន។ ក្រុមថៃក៏មិនអាចមើលរំលងបានដែរ ប៉ុន្តែខ្ញុំមិនបានដឹងច្បាស់ពីវៀតណាមឡើយ។ សម្រាប់សិង្ហបុរីវិញ យើងជាក្រុមល្អ ប៉ុន្តែបញ្ហាគឺត្រង់ថា យើងមិនមានខ្សែប្រយុទ្ធច្បាស់លាស់នោះឡើយ។ និយាយការប្រកួតបាល់ទាត់ក្នុងព្រឹត្តិការណ៍ស៊ីហ្គេមលើកនេះ នឹងមានភាពតឹងតែង ព្រោះក្រុមទាំងអស់សុទ្ធតែមានសន្ទុះដូចគ្នា។
តើលោកមានគម្រោងចូលនិវត្តន៍ពីកីឡាករបាល់ទាត់នៅពេលណា?
Duric៖ បច្ចុប្បន្ន ខ្ញុំមានកិច្ចសន្យាមួយឆ្នាំទៀតជាមួយក្លិប [ ] ដូច្នេះខ្ញុំមិនទាន់ប្រាកដថា វាជាឆ្នាំចុងក្រោយនៃអាជីពរបស់ខ្ញុំឡើយ ប៉ុន្តែខ្ញុំនឹងព្យាយាម។ តាមគម្រោង ខ្ញុំនឹងនៅតែស្ថិតជាមួយបាល់ទាត់ តាមរយៈការបង្ហាត់បង្រៀនយុវជនជំនាន់ក្រោយ។
អនាគតចង់មកធ្វើគ្រូបង្វឹកនៅកម្ពុជាដែរឬទេ?
Duric៖ ហាហា! នេះជាសំណួរដ៏សែនពិបាកមួយ ប៉ុន្តែបច្ចុប្បន្នខ្ញុំផ្តោតលើការលេងមួយរដូវកាលទៀត។ យើងមិនអាចដឹងនូវអ្វីដែលនឹងកើតឡើងឡើយ ដូចជាឱកាសដែលខ្ញុំក្លាយជាកីឡាករជម្រើសជាតិរបស់សិង្ហបុរីយ៉ាងដូច្នោះដែរ។ នៅក្នុងជីវិតបាល់ទាត់ អ្នកមិនដឹងឡើយ ជួនកាលលោកនឹងអាចជួបខ្ញុំនៅកម្ពុជាម្តងទៀតនាពេលអនាគត។
ការប្រកួតពានរង្វាន់បាល់ទាត់ពិភពលោក បានរកឃើញក្រុមទាំង៣២ហើយ តើលោកគាំទ្រក្រុមណា?
Duric៖ អ៊ីតាលីគឺជាក្រុមដែលខ្ញុំតែងតែតាមដាននៅរាល់ព្រឹត្តិការណ៍ World Cup។ ប៉ុន្តែឆ្នាំនេះ ខ្ញុំនឹងផ្តោតអារម្មណ៍ទៅលើក្រុមបូស្ន៊ី-ហេហ្សេកូវីណា ដែលជាប្រទេសកំណើតរបស់ខ្ញុំសម្រាប់ការចូលលេងជាលើកដំបូងនៅក្នុងព្រឹត្តិការណ៍ពិភពលោកនេះ។ ប្រទេសនៅអាមេរិកឡាទីន គឺជាក្រុមដែលមិនអាចរំលងបាន ជាពិសេសក្រុមម្ចាស់ផ្ទះប្រេស៊ីល។ ខ្ញុំអាចទស្សទាយបានថា ប្រេស៊ីល និងអាល្លឺម៉ង់ ឈានដល់វគ្គផ្តាច់ព្រ័ត្រ៕
តើលោកចាប់អារម្មណ៍អ្វីខ្លះលើបាល់ទាត់កម្ពុជាក្នុងដំណើរទស្សនកិច្ចរបស់លោកជាលើកដំបូងនៅទីនេះ?
Duric៖ ខ្ញុំពិតមានជាក្តីសប្បាយរីករាយណាស់ដែលបានចែករំលែកពិសោធន៍បាល់ទាត់របស់ខ្ញុំដល់យុវជនកម្ពុជា។ ខ្ញុំជឿជាក់ពួកគេមួយចំនួននឹងក្លាយជាកីឡាករបាល់ទាត់ឆ្នើមក្នុងក្រុមជម្រើសជាតិកម្ពុជា។ ប៉ុន្តែអ្វីដែលយើងត្រូវចោទសួរនៅពេលនេះ គឺថា តើពួកគេប៉ុន្មាននឹងផ្តោតទៅលើអាជីពជាកីឡាករបាល់ទាត់។ វាមិនមែនជាការងាយស្រួលនោះឡើយ ពីព្រោះយុវជនត្រូវរៀនច្រើនបន្ថែមទៀត។ ខ្ញុំសង្កេតឃើញថា យុវជនកម្ពុជា មានគ្រូល្អ គ្រូជំនួយល្អ ដូច្នេះ ពួកគេនឹងបោះជំហានទៅមុខ។
លោកធ្លាប់ប្រកួតជាមួយក្រុមជម្រើសជាតិកម្ពុជាជាច្រើនលើក តើលោកមានការយល់ឃើញយ៉ាងណាចំពោះក្រុមជម្រើសជាតិមួយនេះ?
Duric៖ [សើច!] ខ្ញុំធ្លាប់មានអនុស្សាវរីយ៍ដ៏ជូរចត់មួយ គឺខ្ញុំបានរងរបួសយ៉ាងធ្ងន់ធ្ងរនាជំនួបជាមួយក្រុមជម្រើសជាតិកម្ពុជាកាលពីឆ្នាំ២០០៨ [នាព្រឹត្តិការណ៍ AFF Suzuki Cup] បន្ទាប់ពីបានចូលលេងត្រឹមតែ២៥នាទី។ នេះហើយជាបាល់ទាត់។ ខ្ញុំគិតថា ជម្រើសជាតិកម្ពុជាមានតែការរីកចម្រើនទៅមុខតែប៉ុណ្ណោះ ជាពិសេសការចូលរួមពីដៃគូរវិនិយោគក្នុងវិស័យបាល់ទាត់។ ដៃគូរឧបត្ថម្ភគឺពិតជាមានសារសំខាន់ក្នុងណាស់។ បាល់ទាត់គឺជាជាកីឡាលេខមួយលំដាប់ពិភពលោក ដូច្នេះកម្ពុជានឹងមានការរីកចម្រើននៅពេលដែលយុវជនជំនាន់ក្រោយទទួលបាននូវការផ្គត់ផ្គង់ត្រឹមត្រូវ។
សម្រាប់ព្រឹត្តិការណ៍កីឡាស៊ីហ្គេមនាពេលខាងមុខ តើលោកគិតថាក្រុមណាដែលគួរឲ្យចាប់អារម្មណ៍?
Duric ៖ ដូចខ្ញុំបានបញ្ជាក់ហើយ ម្ចាស់ផ្ទះមីយ៉ាន់ម៉ា និងម៉ាឡេស៊ី នឹងបោះជំហានទៅមុខ ជាពិសេសមីយ៉ាន់ម៉ាដែលមានក្រុមអ្នកគាំទ្រដ៏ងុបងល់ជាច្រើន។ ក្រុមថៃក៏មិនអាចមើលរំលងបានដែរ ប៉ុន្តែខ្ញុំមិនបានដឹងច្បាស់ពីវៀតណាមឡើយ។ សម្រាប់សិង្ហបុរីវិញ យើងជាក្រុមល្អ ប៉ុន្តែបញ្ហាគឺត្រង់ថា យើងមិនមានខ្សែប្រយុទ្ធច្បាស់លាស់នោះឡើយ។ និយាយការប្រកួតបាល់ទាត់ក្នុងព្រឹត្តិការណ៍ស៊ីហ្គេមលើកនេះ នឹងមានភាពតឹងតែង ព្រោះក្រុមទាំងអស់សុទ្ធតែមានសន្ទុះដូចគ្នា។
តើលោកមានគម្រោងចូលនិវត្តន៍ពីកីឡាករបាល់ទាត់នៅពេលណា?
Duric៖ បច្ចុប្បន្ន ខ្ញុំមានកិច្ចសន្យាមួយឆ្នាំទៀតជាមួយក្លិប [ ] ដូច្នេះខ្ញុំមិនទាន់ប្រាកដថា វាជាឆ្នាំចុងក្រោយនៃអាជីពរបស់ខ្ញុំឡើយ ប៉ុន្តែខ្ញុំនឹងព្យាយាម។ តាមគម្រោង ខ្ញុំនឹងនៅតែស្ថិតជាមួយបាល់ទាត់ តាមរយៈការបង្ហាត់បង្រៀនយុវជនជំនាន់ក្រោយ។
អនាគតចង់មកធ្វើគ្រូបង្វឹកនៅកម្ពុជាដែរឬទេ?
Duric៖ ហាហា! នេះជាសំណួរដ៏សែនពិបាកមួយ ប៉ុន្តែបច្ចុប្បន្នខ្ញុំផ្តោតលើការលេងមួយរដូវកាលទៀត។ យើងមិនអាចដឹងនូវអ្វីដែលនឹងកើតឡើងឡើយ ដូចជាឱកាសដែលខ្ញុំក្លាយជាកីឡាករជម្រើសជាតិរបស់សិង្ហបុរីយ៉ាងដូច្នោះដែរ។ នៅក្នុងជីវិតបាល់ទាត់ អ្នកមិនដឹងឡើយ ជួនកាលលោកនឹងអាចជួបខ្ញុំនៅកម្ពុជាម្តងទៀតនាពេលអនាគត។
ការប្រកួតពានរង្វាន់បាល់ទាត់ពិភពលោក បានរកឃើញក្រុមទាំង៣២ហើយ តើលោកគាំទ្រក្រុមណា?
Duric៖ អ៊ីតាលីគឺជាក្រុមដែលខ្ញុំតែងតែតាមដាននៅរាល់ព្រឹត្តិការណ៍ World Cup។ ប៉ុន្តែឆ្នាំនេះ ខ្ញុំនឹងផ្តោតអារម្មណ៍ទៅលើក្រុមបូស្ន៊ី-ហេហ្សេកូវីណា ដែលជាប្រទេសកំណើតរបស់ខ្ញុំសម្រាប់ការចូលលេងជាលើកដំបូងនៅក្នុងព្រឹត្តិការណ៍ពិភពលោកនេះ។ ប្រទេសនៅអាមេរិកឡាទីន គឺជាក្រុមដែលមិនអាចរំលងបាន ជាពិសេសក្រុមម្ចាស់ផ្ទះប្រេស៊ីល។ ខ្ញុំអាចទស្សទាយបានថា ប្រេស៊ីល និងអាល្លឺម៉ង់ ឈានដល់វគ្គផ្តាច់ព្រ័ត្រ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
