COVID-19
ជាតិ
ស្ត្រីនៅប៉ៃលិនម្នាក់ទៀតដែលទើបមកពីថៃ មានកូវីដ-១៩
× ស្ត្រីពលករនៅខេត្តប៉ៃលិន ម្នាក់ទៀត មានកូវីដ-១៩។ ស្ត្រីវ័យ២១ឆ្នាំធ្វើដំណើរមកពីថៃ ហើយដល់កម្ពុជានៅថ្ងៃទី១ ខែមករា។ នេះជាករណីទី១៧ ក្នុងចំណោមពលករដែលទើបមកពីថៃ ដោយពួកគាត់មានអាសយដ្ឋាននៅប៉ៃលិន និងបាត់ដំបង។
គិតមកដល់ពេលនេះ កម្ពុជាមានអ្នកកើតកូវីដ-១៩ សរុប៣៨២ករណី ក្នុងនោះ ៣៦២ករណីបានជាសះស្បើយ។
អ្នកជំងឺ២០នាក់ដែលបន្តសម្រាកព្យាបាល មាន១៧នាក់ជាពលករដែលធ្វើដំណើរមកពីថៃ ដោយ១១នាក់ព្យាបាលនៅមន្ទីរពេទ្យបង្អែកប៉ៃលិន និង៦នាក់នៅមន្ទីរពេទ្យបង្អែកខេត្តបាត់ដំបង។ រីឯ៣នាក់ទៀត មានម្នាក់ពាក់ព័ន្ធព្រឹត្តិការណ៍២៨វិច្ឆិកា ដែលសម្រាកនៅមណ្ឌលសុខភាពចាក់អង្រែ និង២នាក់ដែលជាករណីនាំចូល ព្យាបាលនៅមជ្ឈមណ្ឌលជាតិប្រឆាំងជំងឺរបេង និងហង់សិន៕
© រក្សាសិទ្ធិដោយ thmeythmey.com