នេះជាលើកទីពីរហើយ ដែលក្រសួងទេសចរណ៍ សហការជាមួយក្រសួងបរិស្ថាន រៀបចំវេទិកា អេកូទេសចរណ៍។ សម្រាប់ឆ្នាំ២០២១ វេទិកាអេកូទេសចរណ៍លើកទី២នេះ ធ្វើឡើងក្នុងគោលបំណង ដោះស្រាយបញ្ហានានារបស់ប្រជាសហគមន៍ និងទាញយកសក្តានុពល ធនធានវប្បធម៌ ធម្មជាតិកម្ពុជា មានស្រាប់ ដើម្បីប្រែក្លាយជាផលិតផលទេសចរណ៍ថ្មីក្នុងសហគមន៍។
 

បច្ចុប្បន្នប្រទេសកម្ពុជា មានសហគមន៍ទេសចរណ៍ធម្មជាតិ ចំនួន ២២ គ្របដណ្តប់លើផ្ទៃដីទំហំ ៣៥ ០០៣ ហិកតាក្នុងតំបន់ការពារធម្មជាតិចំនួន ១២ ស្ថិតក្នុងភូមិសាស្ត្រខេត្តចំនួន ៨ រួមមាន រតនគិរី កំពង់ស្ពឹ កោះកុង ពោធិ៍សាត់ ព្រះវិហារ កំពង់ធំ កំពត កំពង់ឆ្នាំង។

បើតាមរបាយការណ៍ពីក្រសួងបរិស្ថាន សហគមន៍អេកូទេសចរណ៍បានរកចំណូលប្រមាណ ២៥លានដុល្លាអាមេរិក ចាក់ចូលក្នុងសេដ្ឋកិច្ចមូលដ្ឋាន ក្នុងរយៈពេលត្រឹម៩ខែ នៃឆ្នាំ២០២០ កន្លងមកនេះ៕