COVID-19
ជាតិ
បិទខ្ទប់ផ្សារទួលសង្កែ និងកំណាត់ផ្លូវលេខ១១៣ ដើម្បីទប់ស្កាត់កូវីដ-១៩បំប្លែងថ្មីDelta ![ការតេស្តរកកូវីដ-១៩នៅទួលសង្កែ តំបន់ដែលសង្ស័យពាក់ព័ន្ធជាមួយអ្នកជំងឺផ្ទុកមេរោគកូវីដ-១៩_ដែលតា នាថ្ងៃទី២ ខែសីហា។](https://image.thmeythmey.com/pictures/2021/08/05/agh.jpg)
ការតេស្តរកកូវីដ-១៩នៅទួលសង្កែ តំបន់ដែលសង្ស័យពាក់ព័ន្ធជាមួយអ្នកជំងឺផ្ទុកមេរោគកូវីដ-១៩_ដែលតា នាថ្ងៃទី២ ខែសីហា។
×![]()
រដ្ឋបាលរាជធានីភ្នំពេញ បានសម្រេចបិទខ្ទប់ផ្សារ ទួលសង្កែ ដែស្ថិតនៅភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ និងកំណាត់ ផ្លូវលេខ១១៣ ដែលស្ថិតនៅភូមិ២ សង្កាត់បឹងព្រលឹត ខណ្ឌ៧មករា ចាប់ពីថ្ងៃទីទី៥ ដល់ថ្ងៃទី១៨ សីហា។ វិធានការបិទខ្ទប់នេះ គឺដើម្បីទប់ស្កាត់ និងកាត់ផ្ដាច់ការឆ្លងរាលដាលនូវមេរោគបំប្លែងថ្មី ប្រភេទដែលតា (Delta) នៅក្នុងសហគមន៍។ នេះបើតាមសេចក្តីជូនដំណឹងដោយឡែកពីគ្នា របស់រដ្ឋបាលរាជធានីភ្នំពេញ នៅថ្ងៃទី៥ សីហានេះ។
សូមជម្រាបថា កាលពីថ្ងៃទី២ ខែសីហាកន្លងទៅ ក្រុមគ្រូពេទ្យ បានរកឃើញអ្នកមានវិជ្ជមានកូវីដ-១៩ ចំនួន១នាក់ ក្នុងចំណោមសំណាកអាជីវករផ្សារ និងពលរដ្ឋប្រមាណ១៧០នាក់ នួន នៅក្នុងភូមិផ្សារតូច សង្កាត់ទួលសង្កែទី១។ ក្នុងថ្ងៃដដែល រដ្ឋបាលរាជធានីភ្នំពេញ ក៏បានសម្រេចបិទខ្ទប់កំណាត់ផ្លូវលេខ ៩៣ ចាប់ពីចំណុចសាលាបឋមសិក្សាពញាក្រែក រហូតដល់ចំណុចផ្ទេរលេខ១១៦ រួមទាំងលំនៅឋានក្នុងបុរី ខេស៊ី(KC) ស្ថិតក្នុងក្រុមទី៤ ក្នុងភូមិផ្សារតូច សង្កាត់ទួលសង្កែទី១ ខណ្ឌឫស្សីកែវ ចាប់ពីថ្ងៃទី២ ដល់ថ្ងៃទី៩ ខែសីហា ដើម្បីទប់ស្កាត់ការរាលដាលកូវីដ-១៩។
មកទល់ពេលនេះ កម្ពុជាមានអ្នកឆ្លងកូវីដ-១៩ សរុប ៨០.២២៥នាក់ ក្នុងនោះ ១១.៥៣៥នាក់ ជាករណីនាំចូល។ អ្នកជាសះស្បើយមាន ៧៣.៤២១នាក់ និងស្លាប់សរុប១.៥០៧នាក់៕
Tag:
បិទខ្ទប់
ផ្សារទួលសង្កែ
© រក្សាសិទ្ធិដោយ thmeythmey.com