ទន្ទឹមនឹងនេះ ក្រសួងអប់រំ ក៏បានជម្រាបទៅកាន់បេក្ខជន និងសាធារណជនដែរ ថាការប្រឡងបាក់ឌុបកន្លងទៅ គឺប្រព្រឹត្តទៅដោយរលូន ស្របតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របតាមទស្សទាន«អ្នកចេះ គឺជាប់»។

 

ចំពោះសិស្សដែលប្រឡងធ្លាក់ ត្រូវបានក្រសួង អប់រំលើកទឹកចិត្តឱ្យខិតខំរៀនសូត្របន្ត ក្រោមការគាំទ្រពីគ្រូ គ្រួសារ សហគមន៍ ដើម្បីទទួលបានលទ្ធផលល្អនាពេលអនាគត។

 

សូមបញ្ជាក់ មានបេក្ខជនដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) នាសម័យប្រឡង ២៧ ធ្នូ ២០២១ មានចំនួន៧២ ០១៦នាក់ ក្នុងចំណោមបេក្ខជនសរុបជាង១១ម៉ឺននាក់ ដែលស្មើនឹង៦៥. ៦៥ភាគរយ។ ក្នុងចំណោមបេក្ខជនដែលប្រឡងជាប់ នោះ សិស្សនិទ្ទេស A មាន១៧៥៣នាក់ និទ្ទេស B មាន៥២១៥នាក់ និទ្ទេស C មាន ១១ ៦៣៤នាក់ និទ្ទេស D មាន២៣ ៤៩៩នាក់ និងនិទ្ទេស E មាន ២៩ ៩១៥នាក់៕