ជាតិ
សិស្សជាប់បាក់ឌុបមាន ៦៥,៦៥ភាគរយ ដោយនិទ្ទេស A មានជាង១៧០០នាក់
× សិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) នាសម័យប្រឡង ២៧ ធ្នូ ២០២១ នេះ មានចំនួន៧២ ០១៦នាក់ ដែលស្មើនឹង៦៥,៦៥ភាគរយ។ កាលពីឆ្នាំ២០១៩ អ្នកជាប់មានចំនួន ៦៨,៦២ភាគរយ ខណៈឆ្នាំ២០២០ គ្មានការប្រឡងឡើយដោយសារកូវីដ-១៩ ហើយរដ្ឋាភិបាលបានសម្រេចឲ្យបេក្ខជនជាប់ទាំងអស់។
យោងតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡា សិស្សនិទ្ទេស A មាន១៧៥៣នាក់ (ឆ្នាំ២០១៩ មាន៤៤៣នាក់), និទ្ទេស B មាន៥២១៥នាក់ (ឆ្នាំ២០១៩ មាន២៤៣០នាក់), និទ្ទេស C មាន ១១ ៦៣៤នាក់ (ឆ្នាំ២០១៩ មាន៥៨៤៧នាក់) និទ្ទេស D មាន២៣ ៤៩៩នាក់ (ឆ្នាំ២០១៩ មាន១៤ ១០០នាក់) និងនិទ្ទេស E មាន ២៩ ៩១៥នាក់ (ឆ្នាំ២០១៩ មាន ៥៦ ២៣២នាក់)។
សម្រាប់សម័យប្រឡង២៧ ធ្នូ ២០២១ មណ្ឌលប្រឡងសរុបមាន២០៤មណ្ឌល បន្ទប់ប្រឡង ៤៦១៥បន្ទប់ និងបេក្ខជនសរុប ១១៤ ១៨៧នាក់៕
© រក្សាសិទ្ធិដោយ thmeythmey.com