ក្រសួងធនធានទឹក និងឧតុនិយម បានជូនដំណឹងថា ចាប់ពីថ្ងៃទី២-៨ខែមីនា  កម្ពុជាអាចរងឥទ្ធិពលសម្ពាធទាប ដែលអាចធ្វើឱ្យបណ្ដាខេត្តនៅតំបន់ទំនាបកណ្ដាល អាចមានភ្លៀងដោយអន្លើ ដោយលាយឡំនិងផ្គររន្ទះ ក្នុងកម្រិតខ្សោយទៅបង្គួរ។
 

ចំណែកឯ បណ្ដាខេត្តជាប់ជួរភ្នំដងរែក និងខ្ពង់រាបឦសាន អាចមានភ្លៀងដោយអន្លើ លាយឡំនិងផ្គររន្ទះ ក្នុងកម្រិតពីខ្សោយទៅមធ្យម។ ចំពោះតំបន់មាត់សមុទ្រវិញ អាចមានភ្លៀង លាយឡំនិងផ្គររន្ទះ ក្នុងកម្រិតពីមធ្យមទៅបង្គួរ៕