របាយការណ៍ដែលចេញផ្សាយនាល្ងាចថ្ងៃចន្ទនេះ បានបង្ហាញថា ពលរដ្ឋ ៧ ៣៨២ ៤៤៩នាក់ ក្នុងចំណោមអ្នកមានឈ្មោះក្នុងបញ្ជីជាង៩,២លាននាក់ បានទៅបោះឆ្នោតជ្រើសរើសក្រុមប្រឹក្សាឃុំ-សង្កាត់។ បើគិតជាភាគរយ គឺ៨០,១៩ភាគរយ។

 

នាសន្និសីទសារព័ត៌មាន កាលពីល្ងាចថ្ងៃទី៥ ខែមិថុនា ក្រោយបិទការិយាល័យបោះឆ្នោត លោក ប្រាជ្ញ ចន្ទ បានអះអាងថា តួលេខអ្នកបានទៅបោះគឺ៧៧,៩១ភាគរយ ប៉ុន្តែគ្រាន់តែជាតួលេខបឋម។ ទាក់ទងនឹងអវត្តមានអ្នកបោះឆ្នោតមួយចំនួន ប្រធានគ.ជ.ប បានលើកឡើងពីបញ្ហាអាកាសធាតុ និងវត្តមាននៅក្រៅប្រទេសរបស់អ្នកបោះឆ្នោត។

 

ក្នុងចំណោមរាជធានី-ខេត្ត ទាំង២៥ ខេត្តកំពង់ស្ពឺ មានអត្រាអ្នកទៅបោះឆ្នោតច្រើនជាងគេ ដោយមាន៨៧,៨៣ភាគរយ បន្ទាប់មកមាន មាន កែប (៨៧,២៩ភាគរយ), តាកែវ (៨៥,៩០ភាគរយ), កណ្តាល (៨៥,៤៦ភាគរយ) និងស្វាយរៀង (៨៥,៣៨ភាគរយ)។ ភាគរយអ្នកទៅបោះឆ្នោតតិចជាងគេ គឺ បន្ទាយមានជ័យដែលមានត្រឹម ៦៧,៩៥ភាគរយ៕