គិតត្រឹមម៉ោង ៦:០០ល្ងាចថ្ងៃទី៤ ខែសីហានេះ កម្ពុជា ឈ្នះបានមេដាយសរុបចំនួន២៤  នៃព្រឹត្តិការណ៍ប្រកួតអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូណេស៊ី។ មេដាយសរុបចំនួន២៤នោះ មានមេដាយមាស៦, ប្រាក់៩ និងសំរិទ្ធ៩។

 

កីឡាអត្ដពលកម្ម មេដាយសរុប១៣ មាស៣, ប្រាក់៧ និងសំរិទ្ធ៣
 

កីឡាការិនី វ៉ិត ចាន់ថា រកបានមេដាយមាស២ លើវិញ្ញាសាលោតចម្ងាយ និងរត់៤០០ម៉ែត្រ និងឈ្នះមេដាយប្រាក់១ លើវិញ្ញាសារត់ចម្ងាយ២០០ម៉ែត្រ។ កីឡាករ ហៀ ហុក ឈ្នះមេដាយប្រាក់២ វិញ្ញាសាប្រណាំងរទេះចម្ងាយ១០០ម៉ែត្រ ប្រភេទ T53 និង សម្រាប់វិញ្ញាសាប្រណាំងរទេះចម្ងាយ២០០ម៉ែត្រ ប្រភេទT53។ 

 

កីឡាករ វ៉ាន់ វ៉ុន ឈ្នះមេដាយប្រាក់២ លើវិញ្ញាសាប្រណាំងរទេះចម្ងាយ១០០ម៉ែត្រ ប្រភេទT54 និង លើវិញ្ញាសាប្រណាំងរទេះចម្ងាយ២០០ម៉ែត្រ ប្រភេទT54។ កីឡាករ ឈន់ ពន់ ឈ្នះមេដាយសំរឹទ្ធ១គ្រឿង ប៉សម្រាប់វិញ្ញាសាប្រណាំងរទេះចម្ងាយ២០០ម៉ែត្រ ប្រភេទ T53។ កីឡាការិនី ងួន រតនា ដណ្ដើមបានមេដាយមាស១ លើវិញ្ញាសារត់ចម្ងាយ ១,៥០០ម៉ែត្រ ប្រភេទT46 និងមេដាយប្រាក់២ លើវិញ្ញាសារត់ចម្ងាយ ៤០០ម៉ែត្រ ប្រភេទT46 និងវិញ្ញាសា៨០០ម៉ែត្រ (ប្រភេទ T46)។
 

កីឡាការិនី ស្រ៊ុន ប៊ុនថេង ដណ្តើមបានមេដាយសំរឹទ្ធ លើវិញ្ញាសារត់ចម្ងាយ ៤០០ម៉ែត្រ ។ កីឡាករ ប៊ុង ហុង ដណ្តើមបានមេដាយសំរឹទ្ធ លើវិញ្ញាសារត់ចម្ងាយ ៤០០ម៉ែត្រ ។ 
 

កីឡាបាល់បោះ មេដាយសរុប២ មាស១ និងសំរិទ្ធ១
 

អត្ដពលិកកីឡាបាល់បោះរទេះនារី កម្ពុជា ឈ្នះបានមេដាយមាស១ លើវិញ្ញាសា ៣ទល់៣ កាលពីរសៀលថ្ងៃទី៣១ ខែកក្កដា បន្ទាបពីយកឈ្នះលើ អត្ដពលិកថៃ ក្នុងលទ្ធផល៧-៥ និងមេដាយសំរិទ្ធ១ បានពីក្រុមបាល់បោះបុរសជិះទេះកម្ពុជា បន្ទាប់ចាញ់ក្រុមម្ចាស់ផ្ទះ ឥណ្ឌូណេស៊ី លទ្ធផល៩-៥។

កីឡាហែលទឹក មេដាយសរុប៥ ប្រាក់២ និងសំរិទ្ធ៣