បើតាមការប្រកាសរបស់សហព័ន្ធកីឡាបាល់ទាត់កម្ពុជា (FFC) នៅព្រឹកថ្ងៃទី១០ ខែមិថុនា លោក ភា សុភក្រ្តា ដែលជាគ្រូបង្វឹកក្រុមកងយោធពលខេមរភូមិន្ទ ត្រូវទទួលភារកិច្ចដឹកនាំ U19 កម្ពុជា តតាំងជាមួយម្ចាស់ផ្ទះ ឥណ្ឌូណេស៊ី ហ្វីលីពីន និងទីម័រខាងកើត ក្នុងពូល A។
 

ការប្រកួតជើងឯក Asean U19 Championship 2024 ដែលធ្វើឡើងនៅឥណ្ឌូណេស៊ី នឹងចាប់ពីថ្ងៃទី១៧ ខែកក្កដា ដល់ថ្ងៃទី២៩ ខែកក្កដា ឆ្នាំ២០២៤។ មានក្រុមសរុបចំនួន១២ចូលរួម ដោយចែកចេញជា៣ពូលពី A ដល់ C ក្នុងមួយពូលមាន៤ក្រុម ដោយពូល A មាន ម្ចាស់ផ្ទះឥណ្ឌូណេស៊ី កម្ពុជា ហ្វីលីពីន និងទីម័រខាងកើត។ ពូល B មាន ឡាវ វៀតណាម មីយ៉ាន់ម៉ា និងអូស្ត្រាលី និងពូល C មានម៉ាឡេស៊ី ថៃ ព្រុយណេ និងសិង្ហបុរី។
 

ជំនួបបើកឆាក កម្ពុជា ត្រូវតតាំង ទីម័រខាងកើត នៅថ្ងៃទី១៧ ខែកក្កដា វេលាម៉ោង៣រសៀល ស្របពេលឥណ្ឌូណេស៊ី ទទួលហ្វីពីន និងវេលាម៉ោង ៧ និង៣០នាទី៕