រកស៊ីជាង១០ឆ្នាំ អ្នកស្រី អ៊ិន ផៃ មិនដែលយកបន្លែវៀតណាម ឬចិនមកលក់ទេ ក្រោមហេតុផលមិន ទម្លាប់ ហើយក៏មិនចង់បន្លំភ្នែកអតិថិជនថា ជាបន្លែរបស់ប្រទេសនេះ ឬប្រទេសនោះដែរ។ ទន្ទឹមនេះ អាជីវករមកពីខេត្តតាកែវរូបនេះ ក៏ចង់ផ្ដល់តម្លៃបន្ថែមដល់កសិករ និងកសិផលខ្មែរ ជាជាងយកប្រាក់ទៅទិញពីប្រទេសជិតខាង។ សព្វថ្ងៃ អ្នកស្រី ផៃ ទទួលទិញបន្លែពីកសិករប្រមាណ ១០គ្រួសារ មកពីខេត្តតាកែវ និងកំពង់ចាម ដើម្បីចែកចាយបន្តនៅផ្សារដើមគនេះ។