យោងតាមសេចក្តីប្រកាសព័ត៌មានខាងលើនេះ ភ្នាក់ងារស៊ើបអង្កេត រឹបអូសបានសមាសធាតុផ្សំគ្រឿងញៀនមកពីចិន ចំនួនសរុប ៦៣៣៧ តោន ដែលអាចផលិតថ្នាំញឿន ប្រមាណជាង ៦៣លានគ្រាប់។ នេះបើគិតតាំងពីឆ្នាំ២០២២។ គួរបញ្ជាក់ថា ទំនិញខុសច្បាប់ទាំងនេះ ត្រូវបានគេរឹបអូសនៅអាកាសយានដ្ឋាន ម៉ាល់ប៉ង់សា នៃទីក្រុងមីឡង់ នៅក្នុងពេលពិនិត្យទំនិញប្រកាសគយ។

 

ទំនិញដែលប្រកាសគយ គឺជាប្រភេទម្សៅប៉ូលីស្ទែរ ប៉ុន្តែតាមពិត គឺជាគ្រាប់ម្សៅពណ៌សនិងដុំម្សៅពណ៌លឿង ដែលផ្ទុយពីការប្រកាស។ យោងតាមការវិភាគនៅមន្ទីរពិសោធន៍ ម្សៅទាំងនេះ គឺគេយកផ្សំផលិតថ្នាំញៀន អេស្តាស៊ី។ ទន្ទឹមនឹងនេះ ប៉ូលីសហូឡង់ ក៏បានកំណត់មុខសញ្ញាទីតាំងស្តុកថ្នាំញៀន ប្រភេទ កេតាមីន ម៉េទីឡាមីន និងហាស្ស៊ីក។

 

ដោយឡែក នៅពេលដែលមានការចោទសួរទាក់ទងនឹងការរឹបអូសទំនិញខុសច្បាប់ខាងលើ អ្នកនាំពាក្យក្រសួងការបរទេសចិន លោកស្រី ម៉ៅនិង បានបញ្ជាក់ថាចិនមិនបានដឹងពីរឿងនេះឡើយ។ ចិនក៏មិនអត់អោនដល់រាល់ឧក្រិដ្ឋកម្មគ្រឿងញៀនខុសច្បាប់ ហើយត្រៀមសហការអន្តរជាតិ នៅក្នុងរឿងនេះ។

 

គួរបញ្ជាក់ថា ចិនគឺជាប្រទេសនាំមុខគេផលិតសារធាតុគីមី សម្រាប់ផលិតសារធាតុញឿនសំយោគ។

 

អាមេរិក ចោទចិនថាមិនអើពើនឹងការទប់ស្កាត់ការផលិត និងការនាំចេញទំនិញខុសច្បាប់ទៅទីផ្សាអាមេរិកខាងត្បូង៕