ជាតិ
សេដ្ឋកិច្ច
ចុងភៅខ្មែរទទួលប្រាក់ខែរហូតដល់ ៤ពាន់ និង៦ពាន់ដុល្លារសម្រាប់ជនជាតិបរទេស
រូបភាព៖Google
×![]()
ដោយ: លីម តុលា
ភ្នំពេញ៖ ទីផ្សារចុងភៅនៅក្នុងប្រទេសកម្ពុជានៅមានទំហំធំទូលាយ។ វិស័យចំអិនអាហារត្រូវការអ្នកជំនាញចុងភៅច្រើនបន្ថែមទៀត ពីព្រោះ ពីមួយថ្ងៃទៅមួយថ្ងៃ វិស័យនេះមានការរីកចម្រើនខ្លាំងណាស់ ទាំងភោជនីយដ្ឋានខ្មែរ វៀតណាម ថៃ ជប៉ុន កូរ៉េ និងអឺរ៉ុប។ ចុងភៅជនជាតិខ្មែរអាចទទួលបានប្រាក់ខែដល់៤ 000 ដុល្លារ រីឯចុងភៅជនជាតិបរទេសធ្វើការនៅក្នុងស្រុកខ្មែរអាចទទួលបានដល់៦ 000 ដុល្លារអាមេរិក។ 
ស្របពេលដែលប្រាក់ខែប្រធានអង្គការសង្គមស៊ីវិលមានចំនួនពី២ ០០០ទៅ៥ ០០០ដុល្លារ មន្ត្រីធ្វើការក្នុងសាលាក្តីខ្មែរក្រហមពី២ ០០០ទៅ៦ ០០០ដុល្លារ និងមន្ត្រីរាជរដ្ឋាភិបាលមានចំនួនពី៤០០ទៅ១ ០០០ដុល្លារនោះ ចុងភៅចម្អិនអាហារដែលចេះស្ទាត់ជំនាញអាចទទួលបានប្រាក់ខែរហូតដល់ទៅ៤ ០០០ដុល្លារសម្រាប់ជនជាតិខ្មែរ និង៦ ០០០ដុល្លារសម្រាប់ជនជាតិបរទេសបម្រើការជាចុងភៅនៅក្នុងប្រទេសកម្ពុជា។
លោក លូ ម៉េង ជាចុងភៅល្បីល្បាញ និងជានាយកភោជនីយដ្ឋាន Malis និង Topaz នៅរាជធានីភ្នំពេញ បាននិយាយថា វិស័យភោជនីយដ្ឋានទាំងមូលនៅអាស៊ីខ្វះចុងភៅ។ នៅកម្ពុជា កង្វះខាតចំនួនចុងភៅក៏មានទំហំធំដែរ បើទោះបីអាជីពនេះទទួលបានប្រាក់ខែខ្ពស់ក៏ដោយ។ បើយោងតាមលោក លូ ម៉េង ដែលជាម្ចាស់សណ្ឋាគារ Almond ដែរនោះ ចុងភៅថ្មីអាចទទួលបានប្រាក់ខែពីជាង១០០ដុល្លារ ដល់ទៅជាង២០០ដុល្លារអាមេរិក។
អ្នកមានបទពិសោធន៍ពី២ទៅ៥ឆ្នាំ អាចទទួលបានប្រាក់ខែ៥០០ទៅ១ ០០០ដុល្លារអាមេរិក។ អ្នកមានបទពិសោធន៍ពី៥ទៅ១០ឆ្នាំអាចទទួលបានប្រាក់ខែពី២ ០០០ ទៅ៤ ០០០ ដុល្លារអាមេរិក។ ចុងភៅជាជនជាតិបរទេសបម្រើការនៅក្នុងប្រទេសកម្ពុជាអាចទទួលបានប្រាក់បៀវត្សរ៍ដល់ទៅ៦ ០០០ដុល្លារអាមេរិក។
លោក លូ ម៉េង បាននិយាយថា៖«កូនចៅនៅស្រែរចម្ការដែលគ្មានការងារធ្វើ សូមមេត្តាសិក្សា ឬរៀនជំនាញចុងភៅ។ យើងនៅខ្វះចំនួនចុងភៅច្រើនណាស់»។ លោក ម៉េង ពន្យល់ទៀតថា បុគ្គលទូទៅមិនសូវចង់ក្លាយខ្លួនជាចុងភៅទេ ពីព្រោះវាជាការងារមិនកំណត់ម៉ោង។ ការងារគ្មានម៉ោងពិតប្រាកដមែន តែជាការងារទទួលបានប្រាក់កម្រៃច្រើន៕
ស្របពេលដែលប្រាក់ខែប្រធានអង្គការសង្គមស៊ីវិលមានចំនួនពី២ ០០០ទៅ៥ ០០០ដុល្លារ មន្ត្រីធ្វើការក្នុងសាលាក្តីខ្មែរក្រហមពី២ ០០០ទៅ៦ ០០០ដុល្លារ និងមន្ត្រីរាជរដ្ឋាភិបាលមានចំនួនពី៤០០ទៅ១ ០០០ដុល្លារនោះ ចុងភៅចម្អិនអាហារដែលចេះស្ទាត់ជំនាញអាចទទួលបានប្រាក់ខែរហូតដល់ទៅ៤ ០០០ដុល្លារសម្រាប់ជនជាតិខ្មែរ និង៦ ០០០ដុល្លារសម្រាប់ជនជាតិបរទេសបម្រើការជាចុងភៅនៅក្នុងប្រទេសកម្ពុជា។
លោក លូ ម៉េង ជាចុងភៅល្បីល្បាញ និងជានាយកភោជនីយដ្ឋាន Malis និង Topaz នៅរាជធានីភ្នំពេញ បាននិយាយថា វិស័យភោជនីយដ្ឋានទាំងមូលនៅអាស៊ីខ្វះចុងភៅ។ នៅកម្ពុជា កង្វះខាតចំនួនចុងភៅក៏មានទំហំធំដែរ បើទោះបីអាជីពនេះទទួលបានប្រាក់ខែខ្ពស់ក៏ដោយ។ បើយោងតាមលោក លូ ម៉េង ដែលជាម្ចាស់សណ្ឋាគារ Almond ដែរនោះ ចុងភៅថ្មីអាចទទួលបានប្រាក់ខែពីជាង១០០ដុល្លារ ដល់ទៅជាង២០០ដុល្លារអាមេរិក។
អ្នកមានបទពិសោធន៍ពី២ទៅ៥ឆ្នាំ អាចទទួលបានប្រាក់ខែ៥០០ទៅ១ ០០០ដុល្លារអាមេរិក។ អ្នកមានបទពិសោធន៍ពី៥ទៅ១០ឆ្នាំអាចទទួលបានប្រាក់ខែពី២ ០០០ ទៅ៤ ០០០ ដុល្លារអាមេរិក។ ចុងភៅជាជនជាតិបរទេសបម្រើការនៅក្នុងប្រទេសកម្ពុជាអាចទទួលបានប្រាក់បៀវត្សរ៍ដល់ទៅ៦ ០០០ដុល្លារអាមេរិក។
លោក លូ ម៉េង បាននិយាយថា៖«កូនចៅនៅស្រែរចម្ការដែលគ្មានការងារធ្វើ សូមមេត្តាសិក្សា ឬរៀនជំនាញចុងភៅ។ យើងនៅខ្វះចំនួនចុងភៅច្រើនណាស់»។ លោក ម៉េង ពន្យល់ទៀតថា បុគ្គលទូទៅមិនសូវចង់ក្លាយខ្លួនជាចុងភៅទេ ពីព្រោះវាជាការងារមិនកំណត់ម៉ោង។ ការងារគ្មានម៉ោងពិតប្រាកដមែន តែជាការងារទទួលបានប្រាក់កម្រៃច្រើន៕
© រក្សាសិទ្ធិដោយ thmeythmey.com
