ជាតិ
នយោបាយជាតិ
ព្រះអង្គម្ចាស់ រណឫទ្ធិ និងលោក ហ៊ុន សែន បង្ហាញភាពល្អូកល្អិនដល់គ្នាទៅវិញទៅមក
×![]()
មេដឹកនាំកំពូលៗនៃគណបក្សប្រជាជនកម្ពុជា និងគណបក្សហ្វ៊ុនស៊ិនប៉ិច បានសរសេរលិខិតសាទរគ្នាទៅវិញទៅមក ដែលបង្ហាញពីភាពល្អូកល្អិនរវាងគ្នា ក្រោយពីគណបក្សហ្វ៊ុនស៊ិនប៉ិច បានរៀបចំធ្វើសមាជសម្រេចជ្រើសរើសព្រះអង្គម្ចាស់នរោត្តម រណឫទ្ធិ ឲ្យដឹកនាំគណបក្សរាជានិយមនេះឡើងវិញ ។
ក្នុងលិខិតចុះថ្ងៃទី ១៩ ខែមករា ចំថ្ងៃដែលគណបក្សហ្វ៊ុនស៊ិនប៉ិច ធ្វើសមាជសាទរវត្តមានទ្រង់ រណឫទ្ធិ ធ្វើជាប្រធានបក្សនេះឡើងវិញនោះ លោកនាយករដ្ឋមន្ត្រី ហ៊ុន សែន បានប្រញាប់ប្រញាលសរសេរលិខិតត្រេកអរចំពោះសមាជគណបក្សហ្វ៊ុនស៊ិនប៉ិច និងវត្តមានរបស់ទ្រង់ រណឫទ្ធិ មកដឹកនាំបក្សនេះឡើងវិញ។ ក្នុងនាមប្រធានស្តីទីគណបក្សប្រជាជនកម្ពុជា លោក ហ៊ុន សែន បានបញ្ជាក់ក្នុងលិខិតនោះយ៉ាងនេះថា៖« ទូលបង្គំសូមសម្តែងសេចក្តីសោមនស្សជាអតិបរិមា និងសូមថ្វាយព្រះពរជ័យបវរមហាថ្លៃថ្លា ថ្វាយសម្តេចក្រុមព្រះ ដែលត្រូវបានជ្រើសតាំងធ្វើជាព្រះប្រធានគណបក្សហ្វ៊ុនស៊ិនប៉ិច ដោយអង្គសមាជ។ ទូលបង្គំសង្ឃឹមថា ក្រោមការដឹកនាំរបស់សម្តេចក្រុមព្រះ គណបក្សហ្វ៊ុនស៊ិនប៉ិច នឹងបន្តរីកចម្រើនរឹងមាំជាលំដាប់ ហើយគណបក្សប្រជាជនកម្ពុជា និងគណបក្សហ្វ៊ុនស៊ិនប៉ិច នឹងបន្តពង្រឹងកិច្ចសហប្រតិបត្តិការជាមួយគ្នាកាន់តែល្អប្រសើរទៀត ដើម្បីបម្រើដល់ផលប្រយោជន៍ជាតិ និងប្រជារាស្ត្រ។
ដោយឡែកព្រះអង្គម្ចាស់នរោត្តម រណឫទ្ធិ វិញ ក្រោយពីបានទទួលលិខិតសាទររបស់លោក ហ៊ុន សែន ក៏មិនបង្អង់យូរដែរ ដោយទ្រង់ បានចេញលិខិតអរគុណ លោក ហ៊ុន សែន ភ្លាមៗផងដែរ។ « ខ្ញុំបានទទួលរួចហើយ ដោយហឫទ័យសោមនស្សរីករាយជាអនេក នូវសារលិខិតដ៏ខ្ពង់ខ្ពស់របស់សម្តេច ដែលសម្តេចមានសេចក្តីមេត្តា កោតសរសើរ ដល់ដំណើរការនៃការរៀបចំសមាជគណបក្សហ្វ៊ុនស៊ិនប៉ិច ក្នុងនាមគណបក្សប្រជាជនកម្ពុជា ។ ខ្ញុំមានជំនឿលើក្តីសង្ឃឹមរបស់សម្តេច មកលើការដឹកនាំរបស់ខ្ញុំ ក្នុងការពង្រឹង និងពង្រីករចនាសម្ព័ន្ធគណបក្សហ្វ៊ិនស៊ិនប៉ិច »។ នេះជាខ្លឹមសារសំខាន់នៅក្នុងលិខិតរបស់ព្រះអង្គម្ចាស់ នរោត្តម រណឫទ្ធិ ផ្ញើជូនលោក ហ៊ុន សែន ៕
ក្នុងលិខិតចុះថ្ងៃទី ១៩ ខែមករា ចំថ្ងៃដែលគណបក្សហ្វ៊ុនស៊ិនប៉ិច ធ្វើសមាជសាទរវត្តមានទ្រង់ រណឫទ្ធិ ធ្វើជាប្រធានបក្សនេះឡើងវិញនោះ លោកនាយករដ្ឋមន្ត្រី ហ៊ុន សែន បានប្រញាប់ប្រញាលសរសេរលិខិតត្រេកអរចំពោះសមាជគណបក្សហ្វ៊ុនស៊ិនប៉ិច និងវត្តមានរបស់ទ្រង់ រណឫទ្ធិ មកដឹកនាំបក្សនេះឡើងវិញ។ ក្នុងនាមប្រធានស្តីទីគណបក្សប្រជាជនកម្ពុជា លោក ហ៊ុន សែន បានបញ្ជាក់ក្នុងលិខិតនោះយ៉ាងនេះថា៖« ទូលបង្គំសូមសម្តែងសេចក្តីសោមនស្សជាអតិបរិមា និងសូមថ្វាយព្រះពរជ័យបវរមហាថ្លៃថ្លា ថ្វាយសម្តេចក្រុមព្រះ ដែលត្រូវបានជ្រើសតាំងធ្វើជាព្រះប្រធានគណបក្សហ្វ៊ុនស៊ិនប៉ិច ដោយអង្គសមាជ។ ទូលបង្គំសង្ឃឹមថា ក្រោមការដឹកនាំរបស់សម្តេចក្រុមព្រះ គណបក្សហ្វ៊ុនស៊ិនប៉ិច នឹងបន្តរីកចម្រើនរឹងមាំជាលំដាប់ ហើយគណបក្សប្រជាជនកម្ពុជា និងគណបក្សហ្វ៊ុនស៊ិនប៉ិច នឹងបន្តពង្រឹងកិច្ចសហប្រតិបត្តិការជាមួយគ្នាកាន់តែល្អប្រសើរទៀត ដើម្បីបម្រើដល់ផលប្រយោជន៍ជាតិ និងប្រជារាស្ត្រ។
ដោយឡែកព្រះអង្គម្ចាស់នរោត្តម រណឫទ្ធិ វិញ ក្រោយពីបានទទួលលិខិតសាទររបស់លោក ហ៊ុន សែន ក៏មិនបង្អង់យូរដែរ ដោយទ្រង់ បានចេញលិខិតអរគុណ លោក ហ៊ុន សែន ភ្លាមៗផងដែរ។ « ខ្ញុំបានទទួលរួចហើយ ដោយហឫទ័យសោមនស្សរីករាយជាអនេក នូវសារលិខិតដ៏ខ្ពង់ខ្ពស់របស់សម្តេច ដែលសម្តេចមានសេចក្តីមេត្តា កោតសរសើរ ដល់ដំណើរការនៃការរៀបចំសមាជគណបក្សហ្វ៊ុនស៊ិនប៉ិច ក្នុងនាមគណបក្សប្រជាជនកម្ពុជា ។ ខ្ញុំមានជំនឿលើក្តីសង្ឃឹមរបស់សម្តេច មកលើការដឹកនាំរបស់ខ្ញុំ ក្នុងការពង្រឹង និងពង្រីករចនាសម្ព័ន្ធគណបក្សហ្វ៊ិនស៊ិនប៉ិច »។ នេះជាខ្លឹមសារសំខាន់នៅក្នុងលិខិតរបស់ព្រះអង្គម្ចាស់ នរោត្តម រណឫទ្ធិ ផ្ញើជូនលោក ហ៊ុន សែន ៕
© រក្សាសិទ្ធិដោយ thmeythmey.com
