ជាតិ
×![]()
ដោយ: ថ្មីៗ
ភ្នំពេញ៖ គិតត្រឹមខែមិថុនាឆ្នាំ ២០១៥ អតីតយុទ្ធជនកម្ពុជាសរុបចំនួន ៨៧,២៨៥នាក់ និងអ្នកនៅក្នុងបន្ទុកចំនួន ១៤០,៥២៨នាក់នាក់ បានទទួលនូវប្រាក់ឧបត្ថម្ភសរុបជាង ៣០០ ពាន់លានរៀល ស្មើនឹងជាង ៧៥លានដុល្លារអាមេរិកក្នុងមួយឆ្នាំ។ នេះបើតាមប្រសាសន៍លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។
លោក វង សូត បានថ្លែងក្នុងពិធីបិទមហាសន្និបាតតំណាងសមាគមអតីតយុទ្ធជនកម្ពុជា ទូទាំងប្រទេសលើកទី ២ នៅថ្ងៃទី២នេះថា ប្រាក់របបគោលនយោបាយនេះ ត្រូវបានកែសម្រួលជាបន្តបន្ទាប់ស្របតាមការដំឡើងប្រាក់បៀវត្សមន្ត្រីរាជការ និងកងកម្លាំងប្រដាប់ អាវុធ។ ទន្ទឹមនឹងគោលនយោបាយសម្តែងការដឹងគុណដល់អតីត យុទ្ធជន និងយុទ្ធនារីដែលបានលះបង់អាយុជីវិតក្នុងបុព្វហេតុប្រទេសជាតិនេះ លោកថា រដ្ឋាភិបាលកម្ពុជាបាននិងកំពុង អនុវត្តនូវគោលនយោបាយផ្តល់ដីសម្បទាន ដីសង្គមកិច្ច កសាងលំនៅដ្ឋានជូនអតីត កងកម្លាំងប្រដាប់អាវុធ និងគ្រួសារ ព្រមទាំងបង្កើតគម្រោង ជាច្រើន ដើម្បីកែលម្អជីវភាព យោធិន និងអតីតយុទ្ធជន។
បើតាមលោក វង សូត ក្នុងឆ្នាំ ២០១៤ រដ្ឋាភិបាលបានកែសម្រួលប្រាក់បៀវត្សរ៍មូលដ្ឋានជូនជនពិការ និវត្តជន និងជនបាត់បង់សមត្ថភាពការងារមុននិងក្រោយឆ្នាំ ២០០៧ ឲ្យមានតុល្យភាពគ្នាក្នុងនោះក៏បានកែសម្រួលបង្កើនប្រាក់ ម្ហូបអាហារជូនជនពិការក្នុងម្នាក់ៗរហូតដល់ ៤៥ ០០០ រៀលក្នុងមួយខែ។ សមាគមអតីតយុទ្ធជនកម្ពុជាដែលបានបង្កើតឡើងក្នុង រយៈពេល ០៨ឆ្នាំកន្លងទៅនេះ មានសមាជិកទូទាំងប្រទេសចំនួន ៧៥២៥៨ នាក់ បានចូលរួមពង្រឹងពង្រីកតួនាទីរបស់អតីតយុទ្ធជនកែលម្អជីវភាព និងពង្រឹងនូវសាមគ្គីភាពក្នុងជួរអតីតយុទ្ធជន។
លោកថ្លែងថាគិតចាប់ពីឆ្នាំ ២០០៨ មកអតីតយុទ្ធជនកម្ពុជាចំនួន ៥ ៥១៣ នាក់បានទទួលប្រាក់ឧបត្ថម្ភ ៤ លានរៀលក្នុងមួយគ្រួសារពីបេឡាមរណៈសង្គ្រោះរបស់សមាគមអតីតយុទ្ធជន កម្ពុជាខណៈនៅសល់ ១៥២៣ នាក់ មិនទាន់ត្រូវបានដោះស្រាយនៅឡើយដោយសារតែអត្រានៃមរណភាព អតីតយុទ្ធជនបាននិងកំពុងកើនឡើង។
ជាការឆ្លើយតប ក្នុងឱកាសនេះដែរ លោកនាយករដ្ឋមន្ត្រី ហ៊ុន សែន បានបញ្ជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឲ្យប្រញាប់ទូទាត់ ថវិកាបំណុលគ្រួសារសពអតីតយុទ្ធជនសល់ចំនួន ១៥២៣សព គិតជាទឹកប្រាក់ជាង ៦ពាន់លានរៀល ស្មើនឹង ១,៥លានដុល្លារអាមេរិក មុនពិធីបុណ្យភ្ជុំបិណ្ឌ។
ជាងនេះទៀត នាយករដ្ឋមន្ត្រី និងជាប្រធានគណៈកម្មាធិការកណ្តាលសមាគមអតីតយុទ្ធជនកម្ពុជា បានស្នើដល់អនុប្រធាន និងសមាជិកសមាគមដែលជារដ្ឋមន្ត្រីតាមក្រសួងនានា អភិបាលរាជធានី ខេត្ត កម្លាំងប្រដាប់អាវុធ និងឧកញ៉ា ត្រូវពិនិត្យពង្រឹងការងារ ជួយសង់លំនៅដ្ឋាន ដល់គ្រួសារអតីតយុទ្ធជន។ លើសពីនេះ លោកនាយករដ្ឋមន្ត្រី ក៏អំពាវនាវគ្រឹះស្ថានទាំងរដ្ឋ និងឯកជន ឲ្យជួយផ្តល់អាហារូបករណ៍សិក្សាដល់ កូនចៅគ្រួសារអតីតយុទ្ធជនដែរ៕
លោក វង សូត បានថ្លែងក្នុងពិធីបិទមហាសន្និបាតតំណាងសមាគមអតីតយុទ្ធជនកម្ពុជា ទូទាំងប្រទេសលើកទី ២ នៅថ្ងៃទី២នេះថា ប្រាក់របបគោលនយោបាយនេះ ត្រូវបានកែសម្រួលជាបន្តបន្ទាប់ស្របតាមការដំឡើងប្រាក់បៀវត្សមន្ត្រីរាជការ និងកងកម្លាំងប្រដាប់ អាវុធ។ ទន្ទឹមនឹងគោលនយោបាយសម្តែងការដឹងគុណដល់អតីត យុទ្ធជន និងយុទ្ធនារីដែលបានលះបង់អាយុជីវិតក្នុងបុព្វហេតុប្រទេសជាតិនេះ លោកថា រដ្ឋាភិបាលកម្ពុជាបាននិងកំពុង អនុវត្តនូវគោលនយោបាយផ្តល់ដីសម្បទាន ដីសង្គមកិច្ច កសាងលំនៅដ្ឋានជូនអតីត កងកម្លាំងប្រដាប់អាវុធ និងគ្រួសារ ព្រមទាំងបង្កើតគម្រោង ជាច្រើន ដើម្បីកែលម្អជីវភាព យោធិន និងអតីតយុទ្ធជន។
បើតាមលោក វង សូត ក្នុងឆ្នាំ ២០១៤ រដ្ឋាភិបាលបានកែសម្រួលប្រាក់បៀវត្សរ៍មូលដ្ឋានជូនជនពិការ និវត្តជន និងជនបាត់បង់សមត្ថភាពការងារមុននិងក្រោយឆ្នាំ ២០០៧ ឲ្យមានតុល្យភាពគ្នាក្នុងនោះក៏បានកែសម្រួលបង្កើនប្រាក់ ម្ហូបអាហារជូនជនពិការក្នុងម្នាក់ៗរហូតដល់ ៤៥ ០០០ រៀលក្នុងមួយខែ។ សមាគមអតីតយុទ្ធជនកម្ពុជាដែលបានបង្កើតឡើងក្នុង រយៈពេល ០៨ឆ្នាំកន្លងទៅនេះ មានសមាជិកទូទាំងប្រទេសចំនួន ៧៥២៥៨ នាក់ បានចូលរួមពង្រឹងពង្រីកតួនាទីរបស់អតីតយុទ្ធជនកែលម្អជីវភាព និងពង្រឹងនូវសាមគ្គីភាពក្នុងជួរអតីតយុទ្ធជន។
លោកថ្លែងថាគិតចាប់ពីឆ្នាំ ២០០៨ មកអតីតយុទ្ធជនកម្ពុជាចំនួន ៥ ៥១៣ នាក់បានទទួលប្រាក់ឧបត្ថម្ភ ៤ លានរៀលក្នុងមួយគ្រួសារពីបេឡាមរណៈសង្គ្រោះរបស់សមាគមអតីតយុទ្ធជន កម្ពុជាខណៈនៅសល់ ១៥២៣ នាក់ មិនទាន់ត្រូវបានដោះស្រាយនៅឡើយដោយសារតែអត្រានៃមរណភាព អតីតយុទ្ធជនបាននិងកំពុងកើនឡើង។
ជាការឆ្លើយតប ក្នុងឱកាសនេះដែរ លោកនាយករដ្ឋមន្ត្រី ហ៊ុន សែន បានបញ្ជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឲ្យប្រញាប់ទូទាត់ ថវិកាបំណុលគ្រួសារសពអតីតយុទ្ធជនសល់ចំនួន ១៥២៣សព គិតជាទឹកប្រាក់ជាង ៦ពាន់លានរៀល ស្មើនឹង ១,៥លានដុល្លារអាមេរិក មុនពិធីបុណ្យភ្ជុំបិណ្ឌ។
ជាងនេះទៀត នាយករដ្ឋមន្ត្រី និងជាប្រធានគណៈកម្មាធិការកណ្តាលសមាគមអតីតយុទ្ធជនកម្ពុជា បានស្នើដល់អនុប្រធាន និងសមាជិកសមាគមដែលជារដ្ឋមន្ត្រីតាមក្រសួងនានា អភិបាលរាជធានី ខេត្ត កម្លាំងប្រដាប់អាវុធ និងឧកញ៉ា ត្រូវពិនិត្យពង្រឹងការងារ ជួយសង់លំនៅដ្ឋាន ដល់គ្រួសារអតីតយុទ្ធជន។ លើសពីនេះ លោកនាយករដ្ឋមន្ត្រី ក៏អំពាវនាវគ្រឹះស្ថានទាំងរដ្ឋ និងឯកជន ឲ្យជួយផ្តល់អាហារូបករណ៍សិក្សាដល់ កូនចៅគ្រួសារអតីតយុទ្ធជនដែរ៕
© រក្សាសិទ្ធិដោយ thmeythmey.com
