ពីនេះ ពីនោះ
ឆ្នាំ ២០១៦ ហើយ គូស្វាមីភរិយាទាំងអស់ គួរតែជូនកាដូអ្វីខ្លះឲ្យគ្នា?
× សព្វថ្ងៃ គូស្វាមីជាច្រើន មិនសូវមានពេលសម្រាប់ខ្លួនឯង និងដៃគូជីវិតរបស់គេឡើយ ពីព្រោះតែកត្តាជីវភាព ការងារ និងការមើលថែទាំកូនជាដើម ដូច្នេះហើយ បានពួកគេឧស្សាហ៍ឈ្លោះគ្នា ឬឆាប់បែកបាក់ជាដើម។ វាជាប្រការសំខាន់ណាស់ ដែលគូស្វាមីទាំងអស់ ត្រូវណាត់គ្នាតែពីរនាក់ ហើយចំណាយពេលផ្អែមល្ហែមឲ្យបានច្រើន តាមដែលអាចធ្វើទៅបាន ដើម្បីរក្សាចំណងស្នេហារបស់ខ្លួន។
ក្រៅពីចិត្ត គួរជូនកាដូដល់គូស្នេហ៍របស់អ្នក
ក្រៅពីសេចក្តីស្នេហា និងភាពស្មោះស្ម័គ្ររបស់អ្នក អ្វីដែលអ្នកមិនអាចភ្លេចបាននោះ គឺកាដូ ហើយយើងជឿថា iPhone 6s Plus ពណ៌ផ្កាឈូក និង Macbook ពណ៌មាស ប្រហែលជារបស់ដែលគេត្រូវការហើយ។
ឲ្យតម្លៃគ្នាទៅវិញទៅមក
ទោះបីជាប្រពន្ធនៅតែផ្ទះ មើលថែទាំកូនក្តី អ្នកគួរតែផ្តល់តម្លៃពិសេស ដល់ភរិយារបស់អ្នកផងដែរ ពីព្រោះបើអាចជ្រើសរើសបាន គេប្រហែលជាចង់ធ្វើការ ហើយឲ្យអ្នកមើលកូនវិញម្តងហើយ។ បើអ្នកចង់សាករសជាតិនេះ អ្នកអាចប្តូរគ្នាបាន។
ទំនាក់ទំនង ជាអាទិភាពមុនគេ
អ្នកកំពុងមានសេចក្តីស្នេហា ហើយអ្នកគួរតែថែរក្សាវាឲ្យបានល្អ និងគង់វង់យូរអង្វែង។
បើកចំហរ ចំពោះបញ្ហាគ្រប់យ៉ាង
លើកយកបញ្ហាមកដាក់លើតុ ហើយព្យាយាមនាំគ្នាដោះស្រាយ ប្រសើរជាងការលាក់ទុកតែម្នាក់ឯង ព្រោះខ្លាចដៃគូពិបាកចិត្ត។
កុំឲ្យមានមនុស្សទីបី ចូលក្នុងគ្រួសារអ្នក
កុំមានស្រីក្រៅ កុំព្យាយាមធ្វើបាបចិត្តប្រពន្ធ រីឯប្រពន្ធ ត្រូវគោរពប្តី កុំនៅជិតស្និទ្ធជាមនុស្សប្រុសផ្សេង ទោះបីជាមិនស្នេហាក្តី។ ហើយការប្រចណ្ឌខុសរឿង ក៏ជារឿងហេតុ ដែលធ្វើឲ្យគ្រួសារអ្នកបែកបាក់ដែរ។
បំភ្លេច ហើយអត់ឱនទោស
ទោះបីមានរឿងអ្វីក៏ដោយ ត្រូវព្យាយាមសម្របសម្រួល និងអត់ឱនឲ្យគ្នាទៅវិញទៅមក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com