ជាតិ
«តុមូលស្មោះត្រង់»រវាងសង្គមស៊ីវិលចិនជាមួយសង្គមស៊ីវិល និងអ្នកកាសែតខ្មែរចាប់ផ្តើមនៅប៉េកាំង
×![]()
ដោយ: ថ្មីៗ
ប្រទេសចិន-ទីក្រុងប៉េកាំង៖ អង្គការសង្គមស៊ីវិលឯករាជ្យក្រៅរដ្ឋាភិបាល-ក្នុងរដ្ឋាភិបាល អ្នកស្រាវជ្រាវឯករាជ្យ និងអ្នកកាសែតឯករាជ្យចំនួន១៦នាក់មកពីស្ថាប័នផ្សេងគ្នាត្រូវបានអញ្ជើញដោយសកលវិទ្យាល័យចិន និងឧត្តម្ភដោយមូលនិធិចិនដើម្បីសន្តិភាព និងការអភិវឌ្ឍដើម្បីជជែកគ្នាជុំវិញផលប្រយោជន៍របស់កម្ពុជាពីមិត្តចិន និងពីរូបភាពរបស់ចិននៅក្នុងប្រទេសកម្ពុជា។ លើសពីនេះទៅទៀត ក្រុមការងារទាំងពីរភាគីបានជជែកគ្នាលើយុទ្ធសាស្ត្រ«ផ្លូវមួយ ខ្សែក្រវ៉ាត់មួយ»ក្នុងភាពជាមហាមិត្ត ស្មោះត្រង់នឹងគ្នាទៅវិញទៅមក។
នេះអាចថា គឺជាលើកទីមួយហើយដែលភាគីចិនក្នុងនាមជាសង្គមស៊ីវិល បានអញ្ជើញភាគីខ្មែរ(សង្គមស៊ីវិល ឯករាជ្យក្រៅរដ្ឋាភិបាល និងក្នុងរដ្ឋាភិបាល), អ្នកកាសែត និងអ្នកស្រាវជ្រាវឯករាជ្យខ្មែរចំនួន១៦រូបមកពីស្ថាប័នផ្សេងគ្នាឲ្យចូលរួមជជែកគ្នាលើផលប្រយោជន៍ផ្សេងៗ និងបញ្ហាផ្សេងៗដែលកើតមានឡើងរវាងកម្ពុជា-ចិន។
អង្គការស្តារកម្ពុជា, អង្គការជីវិតថ្លៃថ្នូរ, អង្គការ NGO Forum, អង្គការអភិវឌ្ឍភាពជាដៃគូក្នុងសកម្មភាព(DPA) នាយកដ្ឋានសង្គមស៊ីវិល-អង្គការមិនមែនរដ្ឋាភិបាល និងសិទ្ធិមនុស្សក្រោមទីស្តីការគណៈរដ្ឋមន្ត្រី, វិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ… អ្នកកាសែតពីសារព័ត៌មានអេឡិចត្រូនិកថ្មីៗ, ពី Khmer Times, ពីទូរទស្សន៍ ទទក, ពី CTN និងពីCNC ត្រូវបានអញ្ជើញឲ្យចូលរួមក្នុងសិក្ខាសាលាជាន់ខ្ពស់ស្តីពីការអភិវឌ្ឍដោយចីរភាពនៃប្រទេសកម្ពុជានៅក្នុងប្រទេសចិន។ ខាងភាគីចិនមានដូចជា៖ មូលនិធិចិនដើម្បីសន្តិភាព និងការអភិវឌ្ឍ, សកលវិទ្យាល័យសិក្សាភាសាបរទេសទីក្រុងប៉េកាំង, សកលវិទ្យាល័យបច្ចេកវិទ្យាព័ត៌មាន និងវិទ្យាសាស្ត្រ Huazhong និងក្រុមហ៊ុនឯកជនធំៗរបស់ប្រទេសចិនមួយចំនួនផងដែរ។ អ្នកចូលរួមខាងភាគីចិន មានដូចជា៖ អ្នកស្រាវជ្រាវ, អ្នកជំនួញ, សាស្ត្រចារ្យសកវិទ្យាល័យជាន់ខ្ពស់, មន្ត្រីមូលនិធិចិនដើម្បីសន្តិភាព និងការអភិវឌ្ឍ និងមានមន្ត្រីពីគណបក្សចិនមួយចំនួនផងដែរ។
នៅចំពោះមុខភាគីចិន គណៈប្រតិភូខ្មែរដែលដឹកនាំដោយលោក គង់ ភោគ សហស្ថានិកនៃវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ និងលោក ដួង វីរ័ត្ន ប្រធាននាយកដ្ឋាននៃនាយកដ្ឋានសង្គមស៊ីវិល អង្គការមិនមែនរដ្ឋាភិបាល និងសិទ្ធិមនុស្សក្រោមដំបូលនៃទីស្តីការគណៈរដ្ឋមន្ត្រី បានសម្តែងកង្វល់មួយចំនួនដែលពលរដ្ឋខ្មែរប្រឈមនាពេលកន្លងមកដោយសារក្រុមហ៊ុនចិនរកស៊ីទទួលទាននៅក្នុងប្រទេសកម្ពុជា និងបានសំណូមពរជូនភាគីចិនឲ្យចូលរួមដោះស្រាយបញ្ហាប្រឈមខាងលើ។ ជាការឆ្លើយតប ភាគីចិនទទួលយករាល់ការសំណូមពររបស់ភាគីខ្មែរ និងសន្យាដោះស្រាយជូនពលរដ្ឋខ្មែរក្នុងន័យស្មោះត្រង់។ រាល់ជំនួបម្តងៗរវាងគណៈប្រតិភូខ្មែរ និងចិន តំណាងនៃភាគីទាំងពីរតែងតែលើកឡើងនូវពាក្យមួយម៉ាត់ថា៖«នេះគឺជាការជជែកគ្នាក្នុងនាមជាមហាមិត្ត ជាបងជាប្អូន ស្មោះត្រង់ យោគយល់ និងអធ្យាស្រ័យឲ្យគ្នាទៅវិញទៅមក»។
ដោយសារតែពាក្យនេះហើយ ទើបភាគីទាំងពីរបានជជែកគ្នាក្នុងបរិយាកាសយោគយល់គ្នាបំផុត និងប្រកបដោយផ្លែផ្កា។ លោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA)បានថ្លែប្រាប់សារព័ត៌មានថ្មីៗនៅក្នុងទីក្រុងប៉េកាំងក្រោយកិច្ចប្រជុំដោយវាយតម្លៃថា៖«នេះគឺជាកិច្ចប្រជុំបើកចំហរ បើកឱកាសឲ្យពលរដ្ឋខ្មែរ និងចិនស្វែងយល់គ្នា និងម្យ៉ាងទៀត វេទិកានេះ មានន័យថា ភាគីចិន ចង់ស្តាប់យោបល់របស់ពលរដ្ឋខ្មែរ ចង់ស្តាប់គំនិតអ្នកសារព័ត៌មានខ្មែរ។ ភាគីចិនស្តាប់យើងដោយប្រុងប្រយ័ត្ន ហើយគេផ្តល់ឱកាសឲ្យយើងជូនជាយោបល់ទៅគេវិញ ក្នុងន័យស្មោះត្រង់ ដើម្បីស្ថាបនា កែលម្អរ ជាពិសេស ទាក់ទងទៅនឹងសកម្មភាពក្រុមហ៊ុនចិនមួយចំនួនដែលរកស៊ីនៅក្នុងប្រទេសកម្ពុជា»។ អង្គការសង្គមស៊ីវិលខ្មែរផ្សេងទៀត អបអរសាទរជំហររបស់ភាគីចិនដែលទទួលយករាល់ការលើកឡើងរបស់គណៈប្រតិភូខ្មែរ។
ក្រោយកិច្ចពិភាក្សា ភាគីទាំងពីរចិន និងកម្ពុជា សម្តែងបំណងបង្កើតបណ្តាញឯករាជ្យមួយដើម្បីដោះស្រាយរាល់បញ្ហាដែលបានកើតឡើង, ដែលអាចនឹងកើតមានឡើងនាពេលអនាគត និងដើម្បីបញ្ចៀសបញ្ហាផ្សេងៗនាពេលអនាគត។
លោក គង់ ភោគ សហស្ថានិកនៃវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ ដែលជាអ្នកដឹកនាំគណៈប្រតិភូខ្មែរបានលើកឡើងនៅក្នុងទីក្រុងប៉េកាំងថា៖«យុទ្ធសាស្ត្រផ្លូវមួយ ខ្សែក្រវ៉ាត់មួយ គឺមិនមែនត្រឹមតែពង្រីកសេដ្ឋកិច្ច ពាណិជ្ជកម្ម និងហេដ្ឋារចនាសម្ព័ន្ធប៉ុណ្ណោះទេ។ តែវា គឺជាការសហការជាយុទ្ធសាស្ត្រគ្រប់ជ្រុងជ្រោយលើសពីវិស័យសេដ្ឋកិច្ច… ហើយវាគឺជាទំនាក់ទំនងរវាងមនុស្ស និងមនុស្ស។ ដូច្នេះ សង្គមស៊ីវិល និងសារព័ត៌មាន គឺជាអ្នកធ្វើការផ្ទាល់ជាមួយពលរដ្ឋ»។ លោក ភោគ បានលើកឡើងថា សង្គមស៊ីវិល និង សារព័ត៌មាន ពិតជាអាចចូលរួមពង្រឹង និងពង្រីកទំនាក់ទំនងរវាងកម្ពុជា-ចិនក្នុងការអភិវឌ្ឍសេដ្ឋកិច្ចខ្មែរតាមរយៈផ្លូវមួយខ្សែរ ក្រវ៉ាត់មួយ៕
នេះអាចថា គឺជាលើកទីមួយហើយដែលភាគីចិនក្នុងនាមជាសង្គមស៊ីវិល បានអញ្ជើញភាគីខ្មែរ(សង្គមស៊ីវិល ឯករាជ្យក្រៅរដ្ឋាភិបាល និងក្នុងរដ្ឋាភិបាល), អ្នកកាសែត និងអ្នកស្រាវជ្រាវឯករាជ្យខ្មែរចំនួន១៦រូបមកពីស្ថាប័នផ្សេងគ្នាឲ្យចូលរួមជជែកគ្នាលើផលប្រយោជន៍ផ្សេងៗ និងបញ្ហាផ្សេងៗដែលកើតមានឡើងរវាងកម្ពុជា-ចិន។
អង្គការស្តារកម្ពុជា, អង្គការជីវិតថ្លៃថ្នូរ, អង្គការ NGO Forum, អង្គការអភិវឌ្ឍភាពជាដៃគូក្នុងសកម្មភាព(DPA) នាយកដ្ឋានសង្គមស៊ីវិល-អង្គការមិនមែនរដ្ឋាភិបាល និងសិទ្ធិមនុស្សក្រោមទីស្តីការគណៈរដ្ឋមន្ត្រី, វិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ… អ្នកកាសែតពីសារព័ត៌មានអេឡិចត្រូនិកថ្មីៗ, ពី Khmer Times, ពីទូរទស្សន៍ ទទក, ពី CTN និងពីCNC ត្រូវបានអញ្ជើញឲ្យចូលរួមក្នុងសិក្ខាសាលាជាន់ខ្ពស់ស្តីពីការអភិវឌ្ឍដោយចីរភាពនៃប្រទេសកម្ពុជានៅក្នុងប្រទេសចិន។ ខាងភាគីចិនមានដូចជា៖ មូលនិធិចិនដើម្បីសន្តិភាព និងការអភិវឌ្ឍ, សកលវិទ្យាល័យសិក្សាភាសាបរទេសទីក្រុងប៉េកាំង, សកលវិទ្យាល័យបច្ចេកវិទ្យាព័ត៌មាន និងវិទ្យាសាស្ត្រ Huazhong និងក្រុមហ៊ុនឯកជនធំៗរបស់ប្រទេសចិនមួយចំនួនផងដែរ។ អ្នកចូលរួមខាងភាគីចិន មានដូចជា៖ អ្នកស្រាវជ្រាវ, អ្នកជំនួញ, សាស្ត្រចារ្យសកវិទ្យាល័យជាន់ខ្ពស់, មន្ត្រីមូលនិធិចិនដើម្បីសន្តិភាព និងការអភិវឌ្ឍ និងមានមន្ត្រីពីគណបក្សចិនមួយចំនួនផងដែរ។
នៅចំពោះមុខភាគីចិន គណៈប្រតិភូខ្មែរដែលដឹកនាំដោយលោក គង់ ភោគ សហស្ថានិកនៃវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ និងលោក ដួង វីរ័ត្ន ប្រធាននាយកដ្ឋាននៃនាយកដ្ឋានសង្គមស៊ីវិល អង្គការមិនមែនរដ្ឋាភិបាល និងសិទ្ធិមនុស្សក្រោមដំបូលនៃទីស្តីការគណៈរដ្ឋមន្ត្រី បានសម្តែងកង្វល់មួយចំនួនដែលពលរដ្ឋខ្មែរប្រឈមនាពេលកន្លងមកដោយសារក្រុមហ៊ុនចិនរកស៊ីទទួលទាននៅក្នុងប្រទេសកម្ពុជា និងបានសំណូមពរជូនភាគីចិនឲ្យចូលរួមដោះស្រាយបញ្ហាប្រឈមខាងលើ។ ជាការឆ្លើយតប ភាគីចិនទទួលយករាល់ការសំណូមពររបស់ភាគីខ្មែរ និងសន្យាដោះស្រាយជូនពលរដ្ឋខ្មែរក្នុងន័យស្មោះត្រង់។ រាល់ជំនួបម្តងៗរវាងគណៈប្រតិភូខ្មែរ និងចិន តំណាងនៃភាគីទាំងពីរតែងតែលើកឡើងនូវពាក្យមួយម៉ាត់ថា៖«នេះគឺជាការជជែកគ្នាក្នុងនាមជាមហាមិត្ត ជាបងជាប្អូន ស្មោះត្រង់ យោគយល់ និងអធ្យាស្រ័យឲ្យគ្នាទៅវិញទៅមក»។
ដោយសារតែពាក្យនេះហើយ ទើបភាគីទាំងពីរបានជជែកគ្នាក្នុងបរិយាកាសយោគយល់គ្នាបំផុត និងប្រកបដោយផ្លែផ្កា។ លោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA)បានថ្លែប្រាប់សារព័ត៌មានថ្មីៗនៅក្នុងទីក្រុងប៉េកាំងក្រោយកិច្ចប្រជុំដោយវាយតម្លៃថា៖«នេះគឺជាកិច្ចប្រជុំបើកចំហរ បើកឱកាសឲ្យពលរដ្ឋខ្មែរ និងចិនស្វែងយល់គ្នា និងម្យ៉ាងទៀត វេទិកានេះ មានន័យថា ភាគីចិន ចង់ស្តាប់យោបល់របស់ពលរដ្ឋខ្មែរ ចង់ស្តាប់គំនិតអ្នកសារព័ត៌មានខ្មែរ។ ភាគីចិនស្តាប់យើងដោយប្រុងប្រយ័ត្ន ហើយគេផ្តល់ឱកាសឲ្យយើងជូនជាយោបល់ទៅគេវិញ ក្នុងន័យស្មោះត្រង់ ដើម្បីស្ថាបនា កែលម្អរ ជាពិសេស ទាក់ទងទៅនឹងសកម្មភាពក្រុមហ៊ុនចិនមួយចំនួនដែលរកស៊ីនៅក្នុងប្រទេសកម្ពុជា»។ អង្គការសង្គមស៊ីវិលខ្មែរផ្សេងទៀត អបអរសាទរជំហររបស់ភាគីចិនដែលទទួលយករាល់ការលើកឡើងរបស់គណៈប្រតិភូខ្មែរ។
ក្រោយកិច្ចពិភាក្សា ភាគីទាំងពីរចិន និងកម្ពុជា សម្តែងបំណងបង្កើតបណ្តាញឯករាជ្យមួយដើម្បីដោះស្រាយរាល់បញ្ហាដែលបានកើតឡើង, ដែលអាចនឹងកើតមានឡើងនាពេលអនាគត និងដើម្បីបញ្ចៀសបញ្ហាផ្សេងៗនាពេលអនាគត។
លោក គង់ ភោគ សហស្ថានិកនៃវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ ដែលជាអ្នកដឹកនាំគណៈប្រតិភូខ្មែរបានលើកឡើងនៅក្នុងទីក្រុងប៉េកាំងថា៖«យុទ្ធសាស្ត្រផ្លូវមួយ ខ្សែក្រវ៉ាត់មួយ គឺមិនមែនត្រឹមតែពង្រីកសេដ្ឋកិច្ច ពាណិជ្ជកម្ម និងហេដ្ឋារចនាសម្ព័ន្ធប៉ុណ្ណោះទេ។ តែវា គឺជាការសហការជាយុទ្ធសាស្ត្រគ្រប់ជ្រុងជ្រោយលើសពីវិស័យសេដ្ឋកិច្ច… ហើយវាគឺជាទំនាក់ទំនងរវាងមនុស្ស និងមនុស្ស។ ដូច្នេះ សង្គមស៊ីវិល និងសារព័ត៌មាន គឺជាអ្នកធ្វើការផ្ទាល់ជាមួយពលរដ្ឋ»។ លោក ភោគ បានលើកឡើងថា សង្គមស៊ីវិល និង សារព័ត៌មាន ពិតជាអាចចូលរួមពង្រឹង និងពង្រីកទំនាក់ទំនងរវាងកម្ពុជា-ចិនក្នុងការអភិវឌ្ឍសេដ្ឋកិច្ចខ្មែរតាមរយៈផ្លូវមួយខ្សែរ ក្រវ៉ាត់មួយ៕
© រក្សាសិទ្ធិដោយ thmeythmey.com
