ពីនេះ ពីនោះ
តើពាក្យ«កវីនិពន្ធ និង កវីនិពន្ធន៍»មានលក្ខណៈខុសគ្នាដូចម្ដេច? ![](https://image.thmeythmey.com/pictures/2016/06/15/meaning29-03.jpg)
×![]()
ពាក្យពីរ មានសូរអានដូចគ្នាគឺ «កវីនិពន្ធ និង កវីនិពន្ធន៍» តើមានអត្ថន័យដូចគ្នា ឬក៏ខុសគ្នា។
នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត បានកំណត់ពីអត្ថន័យពាក្យទាំងពីរនេះដូចខាងក្រោម៖
ពាក្យ «កវីនិពន្ធ» ជា(ន)និង(បា) មានន័យថា កវីជាអ្នកនិពន្ធ អ្នកនិពន្ធខាងកាព្យឃ្លោង។ ចំណែកពាក្យថា «កវីនិពន្ធន៍» ជា(ន)និង(បា) មានន័យថា ការរៀបរៀង ការចងក្រង ការតែងឆន្ទៈរបស់កវី។
ចំពោះអត្ថន័យនៃពាក្យទាំងពីនេះ គេអាចបែងចែកឲ្យបានច្បាស់ថា ពាក្យ«កវីនិពន្ធ» គឺសំដៅដល់អ្នកនិពន្ធផ្ទាល់ ជាអ្នកសរសេរ ជាអ្នកបង្កើតសំណេរនិពន្ធដោយខ្លួនឯង ជាកម្មសិទ្ធិបញ្ញាខ្លួនឯង មិនចម្លងគេ។ ចំណែក«កវីនិពន្ធន៍» គឺគ្រាន់តែជាអ្នករៀបរៀង ឬចងក្រងអត្ថបទនិពន្ធ របស់កវីនិពន្ធ នៅក្នុងកិច្ចការស្រាវជ្រាវរបស់ខ្លួន។
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជ ជួនណាត
© រក្សាសិទ្ធិដោយ thmeythmey.com