អន្តរជាតិ
ចិន រីករាយ និងស្វាគមន៍ចំពោះការវិលត្រលប់ទៅរកការចរចាទ្វេភាគីរបស់លោក Duterte
លោកប្រធានាធិបតីហ្វីលីពីន Rodrigo Duterte។ រូបថត Xinhua
×![]()
រដ្ឋាភិបាលក្រុងប៉េកាំង បានរីករាយ និងស្វាគមន៍ចំពោះសេចក្តីថ្លែងការណ៍របស់រដ្ឋាភិបាលក្រុងម៉ានីលដែលថា មិនលើកបញ្ហាសមុទ្រចិនខាងត្បូងនៅក្នុងកិច្ចប្រជុំកំពូលក្នុងតំបន់ក្នុងក្រុងវៀងចន្ទន៍នាខែក្រោយនេះ។ ជាងនេះទៅទៀត ក្រុងប៉េកាំង ក៏បើកទ្វារចំហសម្រាប់ការវិលត្រលប់ទៅរកការចរចាទ្វេភាគីរបស់ក្រុងម៉ានីលផងដែរ។ តែការចរចានោះ មិនត្រូវយកសាលក្រមសមុទ្រចិនខាងត្បូងមកជាមួយឡើយ។
«ចិន ពិតជាស្វាគមន៍ចំពោះសេចក្តីថ្លែងការណ៍របស់លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ ដែលថាលោក នឹងមិននាំយកបញ្ហាសមុទ្រចិនខាងត្បូងនៅក្នុងកិច្ចប្រជុំស្តីពីកិច្ចសហប្រតិបត្តិការអាស៊ីបូព៌ានាពេលខាងមុខនេះ។ ចិន នៅតែប្តេជ្ញាដោះស្រាយជម្លោះសមុទ្រចិនខាងត្បូងដោយសន្តិវិធីដោយផ្ទាល់ជាមួយនឹងហ្វីលីពីន និងរដ្ឋផ្សេងទៀតតាមរយៈការចរចា និងពិគ្រោះយោបល់...។» នេះគឺជាសេចក្តីថ្លែងការណ៍របស់អ្នកនាំពាក្យក្រសួងការបរទេសចិន លោក លូ កាង នាឱកាសសន្និសីទសារព័ត៌មានថ្ងៃទី២៤ ខែសីហា។
លោក លូ ក៏បានបន្ថែមដែរថា ចិន និងហ្វីលីពីន គឺជាអ្នកជិតខាងល្អនឹងគ្នា ហើយភាគីទាំងពីរ ក៏មានសមត្ថភាព និងឧត្តមគតិក្នុងការលើកយកបញ្ហាពាក់ព័ន្ធតាមរយៈការពិគ្រោះយោបល់ និងនាំត្រលប់មកវិញនូវទំនាក់ទំនងទ្វេភាគីទៅរកមាគាមួយដែលប្រកបដោយស្ថិរភាព និងផ្តល់អត្ថប្រយោជន៍ដល់ប្រជាជនផងដែរ។ អ្នកនាំពាក្យរូបនេះ ក៏បានសង្កត់ធ្ងន់ដែរថា ចិន កំពុងរង់ចាំចំពោះកិច្ចសន្ទនាជាមួយនឹងហ្វីលីពីននាពេលឆាប់ៗនេះ។
សូមរម្លឹកផងដែរថា ដំណោះស្រាយទ្វេភាគីរវាងចិន និងហ្វីលីពីនលើបញ្ហាសមុទ្រចិនខាងត្បូង មិនសូវមានដំណើរការល្អប៉ុន្មាននោះទេ ពោលគឺជាប់គាំង នៅក្នុងរដ្ឋបាលចាស់ហ្វីលីពីនរបស់លោកប្រធានាធិបតី ប៊ែរនីណូ អាហ្គីណូ។ ដោយឡែក ថ្មីៗនេះ រដ្ឋបាលថ្មីនៃហ្វីលីពីនរបស់លោកប្រធានាធិបតី រ៉ូឌ្រីហ្គូ ឌើទើតេ បានបង្ហាញជំហរខុសពីរដ្ឋបាលចាស់ ដោយលោក មានចេតនាចង់ចរចាជាមួយនឹងចិនវិញ។
លោកប្រធានាធិបតី រ៉ូឌ្រីហ្គូ ឌើទើតេ នៅថ្ងៃទី១៧ ខែសីហាកន្លងទៅ បានបញ្ជាក់ថា លោក នឹងមិននាំយកបញ្ហាបញ្ហាសមុទ្រចិនខាងត្បូងក្នុងអំឡុងពេលនៃដំណើរទស្សនកិច្ចចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធក្នុងក្រុងវៀងចន្ទន៍ នៃប្រទេសឡាវដែលនឹងប្រារព្ធឡើងនៅថ្ងៃទី០៦-០៨ ខែកញ្ញាខាងមុខនេះ។ លោក ថា លោក មិនចង់បង្កើតបរិយាកាសនៅទីនោះត្រូវអាប់អួរនោះទេ។
លោក ឌើទើតេ ដែលមានឈ្មោះក្រៅថា«អ្នកដាក់ទណ្ឌកម្ម» ក៏បានបញ្ជាក់ក្នុងសន្និសីទកាសែតយ៉ាងដូច្នេះថា «ទេ, ខ្ញុំ នឹងដោះស្រាយបញ្ហាតែតាមរយៈមួយទល់មួយ(ជាមួយចិន) តែប៉ុណ្ណោះ...ហើយ យើងអាចបង្កើតបរិយាកាសមួយដែលជាកន្លែងដែលយើងអាចអង្គុយ និងនិយាយគ្នាដោយផ្ទាល់បាន។» នេះបើយោងតាមសារព័ត៌មាន GMA News Online ដែលចុះផ្សាយដែរថា លោកប្រធានាធិបតីរូបនោះ ក៏មិនចង់ធ្វើសង្គ្រាមប្រឆាំងនឹងចិនលើបញ្ហាអធិបតេយ្យនោះទេ។
ជាងនេះទៅទៀតឆ្លើយតបនឹងសំណួររបស់អ្នកសារព័ត៌មាននៅថ្ងៃទី២៣ ខែសីហា ថាតើពេលណាដែលលោកជជែកជាមួយនឹងចិន លោកប្រធានាធិបតី ប្រាប់ថា នឹងធ្វើឡើងក្នុងអំឡុងពេលមួយឆ្នាំ។ គួរកត់សម្គាល់នោះ លោកប្រធានាធិបតី ទើបតែបញ្ជូនបេសកជនពិសេសរបស់លោក គឺអតីតប្រធានាធិបតីហ្វីលីពីន លោក Fidel Ramos ទៅហុងកុងនៃប្រទេសចិនដែលជាជំហានដំបូងនៃដំណើរការចរចាមិនផ្លូវការរវាងហ្វីលីពីន-ចិន។
បើទោះបីជាចិន បានស្វាគមន៍ចំពោះចេតនានៃការវិលត្រលប់ទៅរកការចរចាទ្វេភាគីក៏ដោយ ការចរចានោះ ក៏មិនអាចធ្វើទៅបានដែរ ប្រសិនហ្វីលីពីន លើកយកបញ្ហាសាលក្រមដែលតុលាការអន្តរជាតិក្រុងឡាអេដែលសម្រេចឲ្យហ្វីលីពីនឈ្នះចិនលើបញ្ហាសមុទ្រចិនខាងត្បូងនោះ។ នោះក៏ព្រោះតែ ចិន បានប្រកាសដាច់ខាតមិនទទួលស្គាល់ទាំងយុត្តាធិការតុលាការ និងសាលក្រមនោះ។
សូមជម្រាបផងដែរថា នៅថ្ងៃទី១២ ខែកក្កដា កន្លងទៅ តុលាការមជ្ឈត្តការអចិន្ត្រៃយ៍ ក្រុងឡាអេ នៃប្រទេសហូឡង់ បានប្រកាសសាលក្រមសមុទ្រចិនខាងត្បូងតាមបណ្តឹងរបស់រដ្ឋបាលអតីតប្រធានាធិបតីហ្វីលីពីន លោក ប៊ែរនីណូ អាហ្គីណូ ដោយបកស្រាយ ថា ការទាមទារ និងសកម្មភាពរបស់ចិននៅក្នុងសមុទ្រចិនខាងត្បូង មិនមានមូលដ្ឋានផ្នែកច្បាប់ឡើយ៕
«ចិន ពិតជាស្វាគមន៍ចំពោះសេចក្តីថ្លែងការណ៍របស់លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ ដែលថាលោក នឹងមិននាំយកបញ្ហាសមុទ្រចិនខាងត្បូងនៅក្នុងកិច្ចប្រជុំស្តីពីកិច្ចសហប្រតិបត្តិការអាស៊ីបូព៌ានាពេលខាងមុខនេះ។ ចិន នៅតែប្តេជ្ញាដោះស្រាយជម្លោះសមុទ្រចិនខាងត្បូងដោយសន្តិវិធីដោយផ្ទាល់ជាមួយនឹងហ្វីលីពីន និងរដ្ឋផ្សេងទៀតតាមរយៈការចរចា និងពិគ្រោះយោបល់...។» នេះគឺជាសេចក្តីថ្លែងការណ៍របស់អ្នកនាំពាក្យក្រសួងការបរទេសចិន លោក លូ កាង នាឱកាសសន្និសីទសារព័ត៌មានថ្ងៃទី២៤ ខែសីហា។
លោក លូ ក៏បានបន្ថែមដែរថា ចិន និងហ្វីលីពីន គឺជាអ្នកជិតខាងល្អនឹងគ្នា ហើយភាគីទាំងពីរ ក៏មានសមត្ថភាព និងឧត្តមគតិក្នុងការលើកយកបញ្ហាពាក់ព័ន្ធតាមរយៈការពិគ្រោះយោបល់ និងនាំត្រលប់មកវិញនូវទំនាក់ទំនងទ្វេភាគីទៅរកមាគាមួយដែលប្រកបដោយស្ថិរភាព និងផ្តល់អត្ថប្រយោជន៍ដល់ប្រជាជនផងដែរ។ អ្នកនាំពាក្យរូបនេះ ក៏បានសង្កត់ធ្ងន់ដែរថា ចិន កំពុងរង់ចាំចំពោះកិច្ចសន្ទនាជាមួយនឹងហ្វីលីពីននាពេលឆាប់ៗនេះ។
សូមរម្លឹកផងដែរថា ដំណោះស្រាយទ្វេភាគីរវាងចិន និងហ្វីលីពីនលើបញ្ហាសមុទ្រចិនខាងត្បូង មិនសូវមានដំណើរការល្អប៉ុន្មាននោះទេ ពោលគឺជាប់គាំង នៅក្នុងរដ្ឋបាលចាស់ហ្វីលីពីនរបស់លោកប្រធានាធិបតី ប៊ែរនីណូ អាហ្គីណូ។ ដោយឡែក ថ្មីៗនេះ រដ្ឋបាលថ្មីនៃហ្វីលីពីនរបស់លោកប្រធានាធិបតី រ៉ូឌ្រីហ្គូ ឌើទើតេ បានបង្ហាញជំហរខុសពីរដ្ឋបាលចាស់ ដោយលោក មានចេតនាចង់ចរចាជាមួយនឹងចិនវិញ។
លោកប្រធានាធិបតី រ៉ូឌ្រីហ្គូ ឌើទើតេ នៅថ្ងៃទី១៧ ខែសីហាកន្លងទៅ បានបញ្ជាក់ថា លោក នឹងមិននាំយកបញ្ហាបញ្ហាសមុទ្រចិនខាងត្បូងក្នុងអំឡុងពេលនៃដំណើរទស្សនកិច្ចចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធក្នុងក្រុងវៀងចន្ទន៍ នៃប្រទេសឡាវដែលនឹងប្រារព្ធឡើងនៅថ្ងៃទី០៦-០៨ ខែកញ្ញាខាងមុខនេះ។ លោក ថា លោក មិនចង់បង្កើតបរិយាកាសនៅទីនោះត្រូវអាប់អួរនោះទេ។
លោក ឌើទើតេ ដែលមានឈ្មោះក្រៅថា«អ្នកដាក់ទណ្ឌកម្ម» ក៏បានបញ្ជាក់ក្នុងសន្និសីទកាសែតយ៉ាងដូច្នេះថា «ទេ, ខ្ញុំ នឹងដោះស្រាយបញ្ហាតែតាមរយៈមួយទល់មួយ(ជាមួយចិន) តែប៉ុណ្ណោះ...ហើយ យើងអាចបង្កើតបរិយាកាសមួយដែលជាកន្លែងដែលយើងអាចអង្គុយ និងនិយាយគ្នាដោយផ្ទាល់បាន។» នេះបើយោងតាមសារព័ត៌មាន GMA News Online ដែលចុះផ្សាយដែរថា លោកប្រធានាធិបតីរូបនោះ ក៏មិនចង់ធ្វើសង្គ្រាមប្រឆាំងនឹងចិនលើបញ្ហាអធិបតេយ្យនោះទេ។
ជាងនេះទៅទៀតឆ្លើយតបនឹងសំណួររបស់អ្នកសារព័ត៌មាននៅថ្ងៃទី២៣ ខែសីហា ថាតើពេលណាដែលលោកជជែកជាមួយនឹងចិន លោកប្រធានាធិបតី ប្រាប់ថា នឹងធ្វើឡើងក្នុងអំឡុងពេលមួយឆ្នាំ។ គួរកត់សម្គាល់នោះ លោកប្រធានាធិបតី ទើបតែបញ្ជូនបេសកជនពិសេសរបស់លោក គឺអតីតប្រធានាធិបតីហ្វីលីពីន លោក Fidel Ramos ទៅហុងកុងនៃប្រទេសចិនដែលជាជំហានដំបូងនៃដំណើរការចរចាមិនផ្លូវការរវាងហ្វីលីពីន-ចិន។
បើទោះបីជាចិន បានស្វាគមន៍ចំពោះចេតនានៃការវិលត្រលប់ទៅរកការចរចាទ្វេភាគីក៏ដោយ ការចរចានោះ ក៏មិនអាចធ្វើទៅបានដែរ ប្រសិនហ្វីលីពីន លើកយកបញ្ហាសាលក្រមដែលតុលាការអន្តរជាតិក្រុងឡាអេដែលសម្រេចឲ្យហ្វីលីពីនឈ្នះចិនលើបញ្ហាសមុទ្រចិនខាងត្បូងនោះ។ នោះក៏ព្រោះតែ ចិន បានប្រកាសដាច់ខាតមិនទទួលស្គាល់ទាំងយុត្តាធិការតុលាការ និងសាលក្រមនោះ។
សូមជម្រាបផងដែរថា នៅថ្ងៃទី១២ ខែកក្កដា កន្លងទៅ តុលាការមជ្ឈត្តការអចិន្ត្រៃយ៍ ក្រុងឡាអេ នៃប្រទេសហូឡង់ បានប្រកាសសាលក្រមសមុទ្រចិនខាងត្បូងតាមបណ្តឹងរបស់រដ្ឋបាលអតីតប្រធានាធិបតីហ្វីលីពីន លោក ប៊ែរនីណូ អាហ្គីណូ ដោយបកស្រាយ ថា ការទាមទារ និងសកម្មភាពរបស់ចិននៅក្នុងសមុទ្រចិនខាងត្បូង មិនមានមូលដ្ឋានផ្នែកច្បាប់ឡើយ៕
Tag:
ចិន
ហ្វីលីពីន
សមុទ្រចិនខាងត្បូង
© រក្សាសិទ្ធិដោយ thmeythmey.com
